Frábær útvarpsþáttur - tékkið á honum

11.10.2008 | 23:43

Frábær útvarpsþáttur - tékkið á honum

Einn allra besti af mörgum góðum útvarpsþáttum er Litla hafmeyjan á rás 2. Umsjónarmenn eru snillingarnir Doddi litli og Andri Freyr. Þeir kunna þann galdur að þyrla upp stuði og stemmningu sem er engu lík. Báðir þrautreyndir í útvarpi á hinum ýmsu útvarpsstöðvum. Jafnframt frægir og margreyndir stuðboltar á skemmtistöðum. Hafa staðið fyrir ótal vel heppnuðum skemmtunum, bæði sem plötusnúðar og skemmtikraftar af ýmsu tagi.

Sumir kannast við Dodda litla sem Love Guru. Aðrir kannast við Andra Frey sem gítarleikara Botnleðju, Fidel, Bisundar og fleiri hljómsveita. Einnig sem Freysa, þann sem setti allt á annan endann á X-inu fyrir nokkrum árum. Ófáar útsendingar Freysa enduðu sem lögreglumál. Margir muna einnig eftir honum síðan hann drakk sig blindfullan í beinni útsendingu í Kastljósi fyrir nokkrum árum.

Þeir Doddi litli og Andri Freyr eiga það sameiginlegt að taka sig ekki of hátíðlega sem útvarpsmenn en hafa engu að síður þann metnað að skila góðu útvarpsefni. Koma hlustendum í gott skap og koma sífellt á óvart.

Þú mátt ekki missa af síðasta þætti. Hann var gleðiþáttur og honum ætlað að rífa fólk upp, kæta og hressa núna í blábyrjun kreppunnar. Smelltu á slóðina http://dagskra.ruv.is/streaming/ras2/?file=4442557. Eins og skrúfað sé frá krana eru gleðigjafarnir Hemmi Gunn, Bjartmar Guðlaugsson, Raggi Bjarna og Þorgrímur Þráinsson búnir að hífa upp gleði og glens, eins og þeim einum er lagið og gleðipinnarnir Doddi litli og Andri Freyr fara á kostum. Svo var ég skyndilega farinn að gefa góð ráð í þættinum um hvernig fólk getur sparað á krepputímum. Þá var ég hissa.

Meginflokkur: Sjónvarp | Aukaflokkar: Menning og listir, Spil og leikir, Vinir og fjölskylda | Breytt 12.10.2008 kl. 00:04 | Facebook

Athugasemdir

Þetta er alveg kórrétt hjá þér Jens , mikið gaman mikið stuð

Ómar Ingi, 11.10.2008 kl. 23:52

Ómar, aldeilis topp stuð!

Jens Guð, 12.10.2008 kl. 00:09

Jenz, takk fyrir útlitið.

Steingrímur Helgason, 12.10.2008 kl. 00:19

Steingrímur, sömuleiðis.

Jens Guð, 12.10.2008 kl. 01:12

Hef einhverja tilfinningu fyrir því að þú sitjir alls ekki stífur og stútir 2-3 six-pack yfir tónlistinni í þessum þætti.

Jens þeir eru að spila: Horfðu á björtu hliðarnar og Gleðibankann????

S. Lúther Gestsson, 12.10.2008 kl. 03:40

Ég er nú einn af þeim sem finnst að kominn sé tími til þess að senda Gleðibankann annan hring í Júróvisijón enda ekki fullreynt með það lag eins og maðurinn sagði.

Ég þarf líka að heyra hvernig maður getur sparað í kreppunni.

En svona að öðru óskyldu, ég hef verið að spá í því þegar ég sé Davíð Odds hvort sprellinn á honum sé í sömu stærðarhlutföllum og eyrun, er einhver sem veit. Datt þetta bara svona í hug.

Róbert Tómasson, 12.10.2008 kl. 09:45

Góður. Mér þykir bara synd og skömm að Gvendur, vinur minn og Andra, er dauður og fær ekki notið þeirrar gleði er drengurinn spreðar í kringum sig.

Dunni, 12.10.2008 kl. 10:36

Sigurður Lúther, ég fer létt með að stúta nokkrum kippum við allar aðstæður. Ég get ekki kröfu til neins útvarpsþáttar um að þar séu bara Slayer og I Adapt spiluð út í eitt.

Robbi, ég hef takmarkaða - eða í raun enga - þekkingu á sprellanum á Seðlabankastjórum. Hehehe!

Dunni, ég veit ekki hver Gvendur er en þeir missa af miklu sem missa af Litlu hafmeyjunni.

Jens Guð, 12.10.2008 kl. 14:55