"Endurkoma" Þeys

  Svokölluð "endurkoma" Þeys var öðruvísi.  Ég vissi svo sem að hún yrði öðruvísi.  En hún varð allt öðruvísi en ég var búinn að hlera að hún yrði.  Að mér læðist sá grunur að hugmyndin um það hvernig nákvæmlega yrði staðið að "endurkomunni" hafi verið að breytast og þróast fram á síðasta dag.

  Þegar ég mætti í Norræna húsið um klukkan 21.00 var troðið út úr dyrum.  Þá var tilkynnt að vegna fjöldans yrði dagskrá Þeys endurtekin um leið og hinum auglýstu hljómleikum lyki.  Það voru góðar fréttir.  Líka þær að barinn var opinn.

  Gestir voru á ýmsum aldri og af ýmsu tagi.  Unglingar í bland við fólk að detta í ellilífeyri.  Alþingismenn,  biskupinn,  forsetinn,  Gunnar Þórðarson... Eða var biskupinn kannski í sjónvarpinu?  Þetta rennur örlítið saman.

  Dagskráin hófst á heimildarmynd um Þey,  ÞEYR THE MOVIE - 1981-2011.  Hún er ekki fullkláruð en lofar góðu.  Skemmtileg mynd sem kemur húmor Þeys vel til skila.  Því næst var lagið  Poéme  af plötunni  As Above  spilað á selló.  Eftir það lék Hörður Bragason á píanó lagið  Blood sem er á myndbandinu hér fyrir ofan.  Lokalagið var sungið af tveimur dömum við píanóundileik Halldórs Á. Björnssonar sem hefur verið að spila með Krumma (í Mínus) í dúettinum Legend. 

  Allt voru þetta hinar áhugaverðustu nýjar og framandi hliðar á þekktum Þeys lögum.  Punkturinn yfir i-ið voru síðan bráðfyndnar kynningar Guðlaugs Kristins Óttarssonar á milli atriða,  eina liðsmann Þeys sem var sjáanlegur á staðnum.   

Athugasemdir

[doddy (IP-tala skráð) 24.8.2010 kl. 15:02]

hæ jens

missti af þessu eins og mörgu öðru. hvað er með þessa mynd? hvenær og hvar verður hún til sýnis fullgerð?

kv d

[Gsss (IP-tala skráð) 24.8.2010 kl. 20:28]

Það er mikil tilhlökkun fyrir þessari mynd hjá mér

[Siggi Lee Lewis, 24.8.2010 kl. 22:17]

Á einhverjum fréttamiðlinum heyrði ég að kynnirinn hafi spurt hástafa hvort "ekki sé hér staddur Jens Guð einhverstaðar"

[Jens Guð, 24.8.2010 kl. 22:25]

  Doddý og Gsss,  mér skilst að myndin verði fullkláruð á næsta ári.  Ókláruð er myndin virkilega skemmtileg.  Miðað við að hálfköruð er hún verulega flott.  Mikki Pollock útskýrir þar vel og skilmerkilega hvernig hljómsveit Þeyr var.  Þrátt fyrir góða útlistan Mikka vona ég að í endanlegri útfærslu varpi fleiri ljósi á hversu flott hljómsveit Þeyr var.  Myndin er pínulítið einhæf með einungis fínni frásögn Mikka.  Það væri gaman að fá "comment" frá Árna Matt eða öðrum sem fylgdust vel með. 

[Jens Guð, 24.8.2010 kl. 22:31]

  Ziggy Lee,  Halldór Á. Björnsson spurði hvort Jens Guð væri í salnum.  Ég gaf mig fúslega og undanbragðalaust fram.  Hann svaraði:  "Cool!".  Eftir fína frammistöðu þakkaði hann fyrir sig og tilkynnti að það hafi verið gaman að spila fyrir Jens Guð.  Ég var upp með mér,  sitjandi á milli Danna í Gyllinæð og Birgittu Jónsdóttur alþingiskonu,  fyrstu kærustu Jóns Gnarr.  Flottara gat það ekki orðið.   

[Hannes, 25.8.2010 kl. 00:05]

Áhugavert.

Á ekki að standa að fólk þurfi að leggjast inn á klepp ef það ýtir á já í nýju skoðanakönnunni?

[Jens Guð, 25.8.2010 kl. 19:55]

  Hannes,  ég var að hugsa um að skeyta svona texta við "Nei" svarmöguleikann.  En taldi mig síðan þurfa að fara vel að því fólki vegna ástandsins á þeim. 

[Hannes, 25.8.2010 kl. 23:19]

Jens góð hugmynd en þú snýrð þessu með klepp á rangan svarmöluleika.