Vinsælasta bókin á Íslandi í dag

  Fyrir viku eða svo spáði ég því á þessum vettvangi að jólapakkinn í ár yrði "Árleysi árs og alda".  Annað kom ekki til greina.  Pakkinn samanstendur af frábærri ljóðabók verðlaunahöfundarins Bjarka Karlssonar og hljómplötu með 21 sönglagi.  Þar eru söngvar Bjarka afgreiddir af Skálmöld,  Blaz Roca,  Vinum Dóra,  Megasi,  Steindóri Andersen og svo framvegis.  Frábær plata.  Í pakkanum er einnig hljóðbók á geisladiski.  Ljóðabókin er myndskreytt bráðskemmtilegum teikningum Margrétar Matthildar Árnadóttur.  Hún var aðeins 13 ára þegar hún teiknaði flottu myndirnar.

  Spá mín um vinsældir pakkans hefur gengið eftir.  Hann er í 1. sæti yfir söluhæstu bækurnar á Íslandi í dag.  Ef pakkinn væri skilgreindur sem hljómplata þá er hann söluhæsta platan í dag.

  Fyrri færslan: 

 http://jensgud.blog.is/blog/jensgud/entry/1517452/

 

   

Athugasemdir

[Jóhannes Laxdal Baldvinsson, 30.11.2014 kl. 00:58]

jens, þú átt að vita betur en hlaupa á eftir metsölulistum bóksala. Spyrjum að sölutölum eftir áramót.

[Jens Guð, 30.11.2014 kl. 20:03]

  Jóhannes,  ég er fyrst og fremst að vísa til þess að metsölulistinn staðfestir spá mína og grun um vinsældir "Árleysi árs og alda".