Heimspressan heldur áfram að mæla með Færeyjum

 

  Í nóvember upplýsti ég undanbragðalaust á þessum vettvangi að lesendur stórblaðsins National Geographic hafi valið Færeyjar sem mest spennandi áfangastað ársins 2015.  Um það má lesa hér .

  Mánuði síðar sagði ég frá því bandaríska sjónvarpsstöðin CNN valdi Færeyjar sem einn af 10 girnilegustu áfangastöðum ársins 2015.  Um það má lesa hér .

  Í millitíðinni greindi ég frá nýútkominni bók,  The White Guide Nordic.  Hún inniheldur vel rökstuddan lista yfir bestu veitingastaði á Norðurlöndunum.  Þar ofarlega trónir færeyski veitingastaðurinn Koks.  Nokkru neðar er annar færeyskur veitingastaður,  Barbara.  Um þetta má lesa hér .

  Nú var bandaríska stórblaðið New York Times að bætast í hóp þeirra sem mæra Færeyjar.  Þar eru Færeyjar númer 9 yfir helstu áfangastaði ársins 2015.  Einmitt vegna framúrskarandi veitingastaða.  Fyrir utan Koks og Barböru tiltekur New York Times Áarstovuna (franska línan úr færeysku hráefni) og Etika (sushi),  ásamt færeyskum bjór.  

  Þannig er topp 10 listi New York Times:

1  Mílan á Ítalíu

2  Kúba

3  Fíladelfía

4  Yellowstone National Park

5  Elqui Valley í Chile

6  Singapore

7  Durban í Suður-Afríku

8  Bólivía

9  Færeyjar

10 Makedónía

  Til viðbótar þessu hefur ólyginn sagt mér að bæði breska dagblaðið The Gardian og bandaríska sjónvarpsstöðin CBS séu búin að mæla með Færeyjum sem áfangastað 2015. 

Athugasemdir

[Stefán (IP-tala skráð) 12.1.2015 kl. 13:13]

Færeyingar alltaf frábærir, en verðlag þar okkur íslendingum óhagstætt. Annað sem mér finnst fyndið: Bubbi Morthens vælir nú sem aldrei fyrr yfir því að fá ekki listamannalaun. Hvað hefur hann nú svo sem gert á undanförnum árum til að verskulda það ? Mér sýnist það bara vera Bo sem heldur söngferli Bubba gangandi. ( Haltur leiðir blindan ).

[Jens Guð, 12.1.2015 kl. 23:34]

  Stefán,  verðlag í Færeyjum er svipað og í Danmörku.  Það hefur verið óhagstætt eftir bankahrunið 2008.  Þá hækkaði færeyska krónan úr 10 kalli í 20 kall.  Þar með tvöfaldaðist verðlagið í samanburði við Ísland.  Ég kaupi svo sem ekkert í Færeyjum nema mat og drykk.         

  Hvar vældi "Ekki háttvirti" undan listamannalaunaleysi sínu?  

[Stefán (IP-tala skráð) 13.1.2015 kl. 08:27]

Hlýtur að hafa verið í Fréttablaðinu ? ( nokkurs konar málgagni hins ekki háttvirta )