Nakinn og blóðugur

  Á fyrri hluta áttunda áratugarins var kunningi minn fréttamaður á einu af dagblöðum þess tíma.  Hann náði að hlera talstöðvarrás lögreglunnar í Reykjavík.  Þannig komst hann að mörgum fréttnæmum atburðum.

  Einn daginn heyrði vinurinn að lögreglubílar voru kallaðir upp.  Nakinn og blóðugur karlmaður hafði sést á hlaupum við gamla kirkjugarðinn við Suðurgötu.  Lögreglubílum var stefnt á svæðið til að svipast um eftir manninum.

  Úr einum lögreglubíl var tilkynnt að hann væri á leið þangað.  Nokkru síðar kom uppkall þaðan:  "Eru þið með nánari lýsingu á manninum?"  

  

Nakinn karlmaður á Sæbraut

Athugasemdir

[Wilhelm Emilsson, 5.4.2015 kl. 21:24]

Góður!

[Jens Guð, 6.4.2015 kl. 18:20]

  Wilhelm,  þegar manni er lýst sem nöktum og blóðugum á hlaupum úti á götu þá er vandséð hvaða fleiri lýsingar á honum þarf til að greina hann frá öðrum á ferli.  

[Wilhelm Emilsson, 7.4.2015 kl. 00:33]

Nákvæmlega.

[Tobbi (IP-tala skráð) 8.4.2015 kl. 17:48]

Það er vitaskuld auðskilið hvers vegna þurfti nánari lýsingu.  Þarna hafa verið allmargir naktir karlar, og kannski konur líka, á hlaupum með blóðslettur.  Aðeins var kvartað yfir einum slíkum þannig að lögregluþjónninn þurfti frekari upplýsingar til að hafa hendur í hári þess rétta!

[Jens Guð, 8.4.2015 kl. 21:48]

Tobbi,  ég sé það í hendi mér að þetta er skýringin!