Færeyingar verjast hryðjuverkasamtökum

 

  Bandarísku hryðjuverkasamtökin Sea Shepherd hafa boðað komu sína til Færeyja 14. júní.  500 liðsmenn samtakanna héldu til í Færeyjum í allt síðasta sumar.  Urðu þar aðhlátursefni.  Erindi þeirra var að hindra hvalveiðar Færeyinga.  En höfðu ekki erindi sem erfiði.  Hvalurinn,  marsvín (grind),  sýndi sig ekki það árið. Engu að síður lugu hryðjuverkasamtökin því á heimasíðu sinni að þau hafi bjargað lífi á annað þúsund hvala í Færeyjum.

  Á ýmsu gekk. Kanadíska/bandaríska leikkonan Pamela Anderson mætti á svæðið og bullaði.  Hélt því m.a. fram að fjölskyldan væri hornsteinn samfélags hvala.  Það er della.  Hvalir eru nautheimskir.  Hálf vangefin dýr.  En éta frá okkur óhemju mikið af fiski.  

  Nú hafa Færeyingar fest í lög háar fésektir við því að fæla hval úr færeyskum firði.  Lágmarks sekt er hálf milljón ísl. króna.  Það mun reyna á þetta.  Hryðjuverkasamtökin hafa stefnt til Færeyja öllum sínum stærstu og öflugustu skipum.  Þau gefa baráttu í Ástralíu og Asíu frí í sumar.  Einbeita sér þess í stað gegn Færeyingum (og kannski Noregi í leiðinni).  Þau búast við beinum átökum við færeyska hvalveiðimenn.  Verða með myndatökulið um borð í hverjum bát.  Tilgangurinn er meðal annars sá að útbúa áróðursefni.  Út á það komast þau í feita bankareikninga heimsfrægra rokkstjarna og kvikmyndaleikara.        

  Það verður fjör.  

   

Athugasemdir

[Jón Valur Jensson, 11.6.2015 kl. 00:10]

Fín færsla hjá þér, Jens, og myndböndin í stíl. 

Hvenær ætla Íslendingar að þora að kannast við karlmennsku sína?

[Stefán (IP-tala skráð) 11.6.2015 kl. 08:14]

Sea Shepherd mættu hins vegar koma við hér og hirða Kristján Loftsson að skaðlausu ...

[Ásthildur Cesil Þórðardóttir, 11.6.2015 kl. 13:16]

Flottir frændur okkar og vinir. Gangi þeim vel í baráttunni við hyskið. 

[Jens Guð, 11.6.2015 kl. 22:29]

  Jón Valur,  takk fyrir það.  Mér þykir sérstaklega vænt um efra myndbandið.  Handritshöfundur þess,  leikstjóri og tökumaður var Ingólfur heitinn Júlíusson, sameiginlegur vinur okkar og frábær náungi.  Ég verð alltaf klökkur þegar ég rifja upp þetta myndband hans.  Ég var honum samferða í Færeyjum við vinnslu þess.  Og sakna hans sárlega.   

[Jens Guð, 11.6.2015 kl. 22:30]

Stefán,  Kristján Loftsson má gagnrýna fyrir flest annað en hvalveiðar.  Reyndar mjög margt annað.  

[Jens Guð, 11.6.2015 kl. 22:34]

Ásthildur Cesil,  nú reynir á baráttuna.  SS-liðar unnu fyrsta leik í þessari viku.  Þeir náðu að fá bandaríska kvikmyndarisann Dreamwork til að hætta við að taka upp kvikmynd - í leikstjórn Steven Spielberg - í Færeyjum í sumar.  Færeyskir fjölmiðlar klaufuðust til að birta fréttir af þessari kvikmynd.  SS-liðar virkjuðu allt sitt fræga rokk - og kvikmyndastjörnulið til að mótmæla.  Með þessum árangri.   

[Ásthildur Cesil Þórðardóttir, 11.6.2015 kl. 23:54]

Púff óska okkar frændum alls hins besta

[Jóhann Kristinsson, 12.6.2015 kl. 01:55]

Piss on Sea Shepherd. Þarf eitthvað að bæta við þetta.

Kveðja frá Houston

[Jens Guð, 12.6.2015 kl. 22:52]

Ásthildur Cesil,  svo sannarlega.

[Jens Guð, 12.6.2015 kl. 22:53]

Jóhann,  það þarf engu að bæta við þetta.