Heilinn platar þig - og þú getur platað hann!

  Lengi hefur verið vitað að heilinn er ekki allur þar sem hann er séður.  Til að mynda er varhugavert að setja sér markmið sem inniheldur orðið ekki.  Dæmi:  "Ég ætla ekki að drekka gosdrykki um helgina!"  Eða:  "Ég ætla ekki að hanga á Fésbók í kvöld!"  

  Heilinn lætur svona setningar bergmála í undirmeðvitundinni.  Nema að hann sleppir orðinu ekki.  Fyrir bragðið endurtekur heilinn í sífellu:  "Ég ætla að drekka gosdrykki!" og "Ég ætla að hanga á Fésbók!"

  Þetta er heilaþvottur. Nánast ósjálfrátt kaupir þú gosdrykki og opnar Fésbókina.

  Svo einkennilega vill til að þessu er öfugt farið með markmið án orðsins ekki.  Til að mynda áramótaheiti á borð við:  "Ég ætla að hætta að borða nammi!" Eða:  "Ég skal fara að stunda líkamsrækt!"  

  Í þessum tilfellum bætir heilinn orðinu ekki inn í setningarnar.  Í undirmeðvitundinn bergmálar stöðugt:  "Ég ætla EKKI að hætta í nammi!" og "Ég ætla EKKI í líkamsrækt!"

  Þetta hefur verið rannsakað víða í marga áratugi.  Meðal annars í Washington háskóla í meira en fjóra áratugi.  Þar hefur fundist aðferð sem heilinn afbakar ekki.  Hún er sú að setja markmið upp í spurningarform:  "Ætti ég að byrja í líkamsrækt?" eða "Ætti ég að sleppa gosdrykkjum um helgina?"  

  Heilinn bergmálar spurningarnar og svarar ósjálfrátt:  "Já!"  Svona einfalt er það.  Og snarvirkar!

Athugasemdir

[Sigurður I B Guðmundsson, 20.6.2016 kl. 17:00]

Heilinn minn botnar ekkert í þessum heilabrotum!!!

[Jens Guð, 20.6.2016 kl. 18:01]

Mæl þú manna HEILAstur!

[L. (IP-tala skráð) 21.6.2016 kl. 00:31]

Á tíundu viku svo til reyklaus, orðið "ekki" virkar stórfínt. Tvær sígarettur á sitthvorri síðustu vikum.Ástæður taldar hversu gott það er að EKKI reykja og hugurinn róast.

[Jóhann Kristinsson, 21.6.2016 kl. 04:37]

Þessi vangaveltan um ekki gosdrykk eða ekki Facebook í kvöld virkar vel á mig. Ég nota; fá mér rauðvínsglas í kvöld en ekki gosdrykk og hlusta á viðtal Péturs Gunnlaugssonar við Jens Guð á Útvarpi Sögu í eldri þáttum sem ég næ á netinu, sem er betur farið með tíman en að hanga á Facebook sem ég fer aldrei á og viti menn mér lýtur ágætlega þó svo að ég fari ekki á Facebook.

Kveðja frá Houston

[Stefán (IP-tala skráð) 21.6.2016 kl. 10:57]

Heilar stuðningsfólks framsóknarflossins eru svo alveg sér kapituli út af fyrir sig og nú notar Löggublað Sigmund Davíð sem ,, talandi dæmi " um lygi, enda maðurinn heimsfrægur fyrir slíkt.

[Jens Guð, 22.6.2016 kl. 06:24]

L,  ef heilinn væri ekki að plata þig þá hefðir þú orðið 100% reyklaus fyrir 10 vikum.  

[Jens Guð, 22.6.2016 kl. 06:26]

Jóhann,  lífið er ljúft í Texas.  

[Jens Guð, 22.6.2016 kl. 06:30]

Stefán,  það hljóp á snærið hjá kennurum löggunnar að fá á einu bretti öll dæmigerðustu einkenni lygara.

[L. (IP-tala skráð) 22.6.2016 kl. 23:44]

Sagði heilanum að ég ætlaði að vera heiðarlegur gagnvart sjálfum mér og hann tók því býsna vel. 11 vika framundann ....

[Jens Guð, 24.6.2016 kl. 10:17]

L,  flott samvinna.