Tyrkir réttdræpir?

  Til áratuga - jafnvel alda - hefur verið klifað á því að Tyrkir séu réttdræpir á Íslandi.  Þetta heyrist í spjalli í ljósvakamiðlum.  Einnig í blaðagreinum og í athugasemdakerfum netmiðla.  Þegar orðin Tyrkir réttdræpir eru "gúggluð" koma upp 818 síður (sumar fjalla reyndar um að að Baskar hafi verið réttdræpir á Vestfjörðum).  

  Ég hef aldrei orðið var við efasemdir um þetta.  Né heldur að þessu sé mótmælt.  Fyrr en núna.  Vísað var á Vísindavefinn.  Þar var málið rannsakað.  Niðurstaðan er sú að hafi lög heimilað dráp á Tyrkjum þá hafi þau verið numin úr gildi fyrir löngu síðan.  

  Um þetta má lesa HÉR 

.

Athugasemdir

[Stefán (IP-tala skráð) 2.5.2017 kl. 10:48]

Tyrkir eru allavega réttdræpir í Tyrklandi, þar sem mannréttindi virðast vera á nánast sama plani og í Norður-Kóreu og Afganistan.

[Ómar Ragnarsson, 2.5.2017 kl. 15:21]

Þegar íslenskur karlakór fór í söngferðalag til Tyrklands 1966 eða þar um bil, sögðu gárungar að nú væri hefnt fyrir Tyrkjaránið. 

En það voru reyndar sjóræningjar frá landi, sem er 2000 kilómetra frá Tyrklandi, sem stóðu að "Tyrkjaráninu" 1627. 

[Hrólfur Þ Hraundal, 2.5.2017 kl. 22:43]

En Tyrkir voru víða og réð ekki Tyrkja soldán Túnis á þessum tíma?

[Jens Guð, 3.5.2017 kl. 17:31]

Stefán, slátranirnar eru ekki byrjaðar en embættismenn Erdogans fara hamförum í víðtækum handtökum og pyntingum.  Hann hefur boðað að ríkisaftökur séu næsta skref.   

[Jens Guð, 3.5.2017 kl. 17:33]

Ómar,  góð sagan af íslenska kórnum!

[Jens Guð, 3.5.2017 kl. 17:38]

Hrólfur,  ég veit fátt um Tyrki.  Á bara eina tyrkneska plötu.  Þokkalega þungarokksplötu.  Svo hlálega vill til að hljómsveitin heitir Isis.  Var stofnuð og komin á flug áður en samnefnd illvíg hryðjuverkasamtök urðu til.  

    https://www.youtube.com/watch?v=-9EhHqqzJFQ