Átta ára krúttbomba

  Stelpa er nefnd Anastasia Petrik.  Hún er fædd og uppalin í Úkraínu (eða Úkraníu, eins og Skagfirðingar kalla landið - ef miðað er við leiðtogann, Gunnar Braga Sveinsson).  Hún á afmæli á morgun,  4. maí.  Þá fagnar hún fæðingardeginum í fimmtánda sinn.

  Í myndbandinu hér að ofan er hún nýorðin átta ára að keppa í söngvarakeppni barna (8 - 12 ára) í beinni útsendingu í úkraínska sjónvarpinu.  Hún geislar af leikgleði og sjálfsöryggi.  Skemmtir sér vel.  Hún gerir þetta gamla Bítlalag að sínu.  Hnikar lipurlega til áherslum í laglínu.  Þarna kunni hún ekki ensku.  Textinn skolast því dálítið til.  En kemur ekki að sök nema síður sé.  Úkraínskur almenningur kann ekki ensku.  

  Án þess að þekkja frammistöðu annarra keppenda kemur ekki á óvart að hún - yngst keppenda - bar sigur úr bítum.  Síðan hefur hún verið atvinnusöngkona og sungið inn á vinsælar plötur.  Góð söngkona.  Þannig lagað.  En um of "venjuleg" í dag.  Það er að segja sker sig ekki frá 1000 öðrum atvinnusöngkonum á sömu línu.  Ósköp lítið spennandi.  Hér er ný klippa frá henni:

  

   

Athugasemdir

[Stefán (IP-tala skráð) 3.5.2017 kl. 19:10]

,, Leiðtoginn, Gunnar Bragi Sveinsson ", aumingja Skagfirðingar - Ég er viss um að Sir Paul hefur verið ánægður með krúttbombuna.

[Theódór Gunnarsson, 3.5.2017 kl. 22:37]

Þetta var frábært! Það var einmitt svo sniðugt hvernig hún gerði þetta dálítið að sínu með því að hnika áherslunum svona fallega. 

[Jens Guð, 4.5.2017 kl. 18:24]

Stefán,  ég er líka viss um að Palli kann að meta þennan flutning á laginu.  Túlkun hennar á laginu var gefin út á smáskífu sem mokseldist.  Hún söng annað Bítlalag,  "Come Together",  með unglingahljómsveit og einnig með eldri systir sinni.  

https://www.youtube.com/watch?v=bcQXbDLTHtY

[Jens Guð, 4.5.2017 kl. 18:25]

Theódór,  ég tek undir það.