N-Kórea smíðar herflugvél úr spýtum

  Norður-Kórea er um flest vanþróað ríki.  Þar er þó öflugur her.  Hann er í stöðugri framþróun á tæknisviði.  En fer fetið.  Til áratuga hefur fjórðungur allra eldflaugaskota mistekist.  Eldflaugin lyppast niður á fyrst metrunum.  

  Sá sem ber höfuðábyrgð á eldflaugasmíðinni hverju sinni lærir aldrei neitt af mistökunum.  Hann hverfur.   

  Metnaður ráðamanna í N-Kóreu á hernaðarsviði er mikill.  Mönnum dettur margt sniðugt í hug.  Nýjasta uppátækið er að smíða herflugvélar úr timbri.  Þær sjást ekki á radar.  Þar með getur n-kóreski herinn flogið að vild um svæði óvina án þess að nokkur fatti það.  

  Aðferðin er einföld en seinvirk og kallar á mikla vandvirkni.  Hún felst í því að flugvélum sem heita Antonov An-2 er umbreytt.  Hægt og bítandi er hverjum einum og einasta málmhluta skipt út fyrir nákvæmlega eins hluti úr timbri.

 

 

Athugasemdir

[Stefán (IP-tala skráð) 10.5.2017 kl. 09:39]

Í Norður-Kóreu lyppast eldflaugar niður á fyrstu metrum, en hér á landi lyppast heilbrigðisráðherrar niður á fyrstu metrum.

[Sigurður I B Guðmundsson, 10.5.2017 kl. 12:22]

Ætli það sé rekaviður??

[Sigurdur Hjaltested (IP-tala skráð) 10.5.2017 kl. 15:21]

Ha,ha,ha. Myndbandid gott.

Úr hvada mynd var thetta aftur..??

Kv.

[Ómar Ragnarsson, 10.5.2017 kl. 21:14]

Þess má geta, að léttustu 2ja til 4 manna flugvélarnar hér á landi eru úr krossviði. 

Hafa í gamni verið kallaðar "fljúgandi vindlakassar". Bestu dæmin eru kannski franskar flugvélar af Jodel-gerð og ég flýg stundum einni þeirra, TF-ROS. 

Hún, með sín fjögur sæti, er 100 kílóum léttari en álíka stórar 2ja sæta flugvélar. 

100 hestafla hreyfill hennar skilar henni nálægt hraða véla með 180 hestöfl og hún hefur meiri burð hinar stærri á lengri vegalengdum. 

[Jón Steinar Ragnarsson, 10.5.2017 kl. 21:50]

Frægust er flugvél Howard Hughes The Spruce Goose, sem á sínum tíma var stæsta flugvél heims. Hún flaug þó aldrei meira en nokkur hundruð metra.

[Jósef Smári Ásmundsson, 11.5.2017 kl. 07:14]

Mér hefur nú stundum dottið í hug að slá upp fyrir bát. Kannski prófa ég bara flugvél. Setja bara nógu andskoti mikið loftblendi í steypuna til að gera hana léttari.

[Jens Guð, 13.5.2017 kl. 13:32]

Stefán, var hann að klúðra einhverju?

[Jens Guð, 13.5.2017 kl. 13:34]

Sigurður I B, já, og mótatimbur.

[Jens Guð, 13.5.2017 kl. 13:38]

Sigurður,  þetta er úr mynd Stevens Spielbergs "Always".  

[Jens Guð, 13.5.2017 kl. 13:38]

Ómar, takk fyrir fróðleiksmolana.

[Jens Guð, 13.5.2017 kl. 13:39]

Jón Steinar, takk fyrir upplýsingarnar.

[Jens Guð, 13.5.2017 kl. 13:47]

Jósef Smári,  mér skilst að timbur sé varasamt í þessu samhengi.  Ég var úti í Belfast á N-Írlandi um páskana.  Þar er stórt safn um skip sem var smíðað úr timbri og sökk strax í jómfrúarferðinni.