Dularfulla bílhvarfið

  Þjófnaður á bíl er sjaldgæfur í Færeyjum.  Samt eru bílar þar iðulega ólæstir.  Jafnvel með lykilinn í svissinum.  Þess vegna vakti mikla athygli núna um helgina þegar færeyska lögreglan auglýsti eftir stolnum bíl.  Þann eina sinnar tegundar í eyjunum,  glæsilegan Suzuki S-Cross.  

  Lögreglan og almenningur hjálpuðust að við leit að bílnum.  Gerð var dauðaleit að honum.  Hún bar árangur.  Bíllinn fannst seint og síðar meir.  Hann var á bílasölu sem hann hafði verið á í meira en viku.  Samkvæmt yfirlýsingu frá lögreglunni leiddi rannsókn í ljós að bílnum hafði aldrei verið stolið.  Um yfirsjón var að ræða.  

Athugasemdir

[Stefán (IP-tala skráð) 23.5.2017 kl. 09:59]

Hér á höfuðborgarsvæðinu er meira verið að brjótast inn í bíla og jafnvel hafa heilu mælaborðin horfið í innbrotum að undanförnu. Talið er að slíkir hlutir fari í gáma og úr landi með öðru þýfi úr innbrotum.

[Sigurður I B Guðmundsson, 23.5.2017 kl. 16:30]

Kannski er eigandinn færeyskur útrásarvíkingur með minnisleysi eins og sumir íslenskir...!!!

[Jens Guð, 25.5.2017 kl. 09:11]

Stefán,  mér skilst að einungis sé stolið mælaborði úr tiltekinni týpu af BMV.  Ósennilegt er að markaður sé fyrir það hérlendis.  Nema eigandi bílsins þurfi að kaupa nýtt mælaborð?

[Jens Guð, 25.5.2017 kl. 09:11]

Sigurður I B,  ég sé í hendi mér að kenning þín er rétt!