Eric Clapton sigurvegari á Íslandi

 

 

 

 

 

 

 

  Breska poppstjarnan Eric Clapton hefur sótt Ísland heim á hverju ári út þessa öld.  Hér fær hann að vera í friði.  Lítið er um að fólk sé að áreita hann með ósk um eiginhandaráritun, ljósmyndun eða gítarnögl.  Það er til fyrirmyndar.  Verra er að hann áreitir lax á Íslandi.  Skemmtir sér við að meiða þá.  

  Einhverra hluta vegna hefur farið hljótt að Clapton lagði leið sína til Íslands nokkru áður en hann hóf að djöflast í íslenskum laxi.  Um miðjan níunda áratug birtist hann í hljómplötuversluninni Grammi á Laugarvegi.  Þar spurði hann eftir íslenskum blúsplötum.  Á þeim tíma voru engar slíkar til.  Honum var þess í stað bent á að blúshljómsveitin Tregabandið væri með hljómleika um helgina.  Hann mætti.  Tók síðan gítarleikarann Guðmund Pétursson tali.  Eða einfaldlega bað um símanúmer hans.  Engum sögum fer af því að hann hafi síðar haft samband við Guðmund.  

  Clapton er duglegur við að mæra Ísland og Íslendinga í viðtölum og í ævisögu sinni.  

  Ég rakst á grein um kappann í tímaritinu Mens Journal.  Þar segir í fyrirsögn að hann hafi veitt stærsta laxinn á Íslandi.  28 punda kvikindi,  42,5 tommu langt.  Það hafi tekið hálfan þriðja klukkutíma að landa því og hálfs kílómetra rölt.  Eftir að hafa mælt, vigtað og ljósmyndað var særðu dýrinu hent eins og ómerkilegu rusli út í Vatnsdalsá.  

   

Athugasemdir

[Stefán (IP-tala skráð) 8.7.2017 kl. 00:07]

Meistari Eric Clapton, einn sá allra stærsti í rokksögunni, lifandi goðsögn. Fullur í ártugi, en virtist þó alltaf spila jafn vel á gítar og hélt frábæra og kærkomna hljómleika í Egilshöll. Sleppti flestum stærstu smellunum, en hélt sig mest við kraftmikinn blús og fingrafimin var rosaleg. Ég var mjög sáttur við lagavalið, en aðrir hefðu viljað meira léttmeti. Eric Clapton, Jimi Hendrix, Jimmy Page = Gítarvitringarnir þrír. 

[Jens Guð, 9.7.2017 kl. 11:57]

Ég á fimm plötur með honum.