Dónaskapur

  Ef fuglar kynnu sig og væru "dannaðir" þá myndu þeir grjóthalda goggi til klukkan sjö eða átta að morgni.  Því er ekki að heilsa.  Þessir skrattakollar byrja að góla og kvaka af ákafa um - eða jafnvel fyrir - klukkan sex.  Engin tillitssemi gagnvart vinnandi fólki.  Sveittan!

 

Athugasemdir

[Sigurður I B Guðmundsson, 9.8.2017 kl. 09:08]

Hér í Mosó er hreinlætið svo mikið að fuglar sem fljúga hér yfir fljúga á bakinu!!

[Jens Guð, 10.8.2017 kl. 09:03]

Sigurður I B,  ekki er að spyrja að kurteisi manna og dýra í Mosó!

[Sigurður I B Guðmundsson, 10.8.2017 kl. 10:14]

Enda stórafmæli og mikið grín og gaman í Mosfellsbæ. 

[Stefán (IP-tala skráð) 10.8.2017 kl. 12:18]

Jens, það var einhver country - páfagaukur að hrekkja færeyinga með dósamat frá Kaliforniu.

[Jens Guð, 10.8.2017 kl. 15:10]

Sigurður I B,  til hamingju með afmælið!

[Jens Guð, 10.8.2017 kl. 15:20]

Stefán,  á færeyskum spjallþráðum taka Færeyingar afstöðu með Kris.  Hann er Færeyingavinur.  Hefur sungið inn á plötu með færeyska kántrý-kóngnum,  Halli Joensen.  Hefur gefið peninga til færeyska barnaspílans og talað vel um Færeyjar og Færeyinga í bandarískum fjölmiðlum.  

  Það á vissulega ekki að gefa mönnum grænt ljós á að smygla eiturlyfjum til eyjanna.  Þetta er samt á gráu svæði.  Kallinn er á níræðisaldri og slitinn eftir gríðarlega áfengisdrykkju fyrri ára.  Að læknisráði slær hann á bakverki með hassi.  Hann framvísaði læknisvottorði þar um og kvittun um að hafa keypt efnið löglega í Californíu.  

  Málinu er ekki lokið.  Honum er gert að mæta í réttarsal í Færeyjum eftir 4 daga.