Íslandsvinur í skjölunum

  Nöfn íslenskra auðmanna eru fyrirferðamikil í Paradísarskjölunum;  þessum sem láku út frá lögmannsstofunni Appleby á Bermúda.  Ef ég þekki íslenskan metnað rétt er næsta víst nöfn Íslendinga séu hlutfallslega flest miðað við höfðatölu.  Sem eru góðar fréttir.  Þjóð sem er rík af auðmönnum er vel sett.  Verra samt að svo flókið sé að eiga peninga á Íslandi að nauðsyn þyki að fela þá í skattaskjóli.

  Ekki einungis íslenskir auðmenn nota skattaskjól heldur líka Íslandsvinir.  Þekktastur er hugsjónamaðurinn Bono í hljómsveitinni U2.

 

Tugir Íslendinga í skjölunum

Athugasemdir

[Stefán (IP-tala skráð) 6.11.2017 kl. 11:47]

Sennilega voru einhverjir heppnir að nöfn þeirra hafi ekki birst fyrir kosningar.

[Jósef Smári Ásmundsson, 6.11.2017 kl. 18:43]

Nú er ég svolítið tómur, enda hef ég ekki fylgst mikið með þessari hljómsveit. Sennilega vegna áhugaleysis. En hvenær kom hún til íslands?

[Stefán (IP-tala skráð) 6.11.2017 kl. 21:36]

Jósef Smári, Bono hefur verið að spóka sig hérlendis í tvígang, en ég veit ekki með hina meðlimi U2.

Ætli Sýslumaðurinn í Reykjavík krefjist ekki lögbanns á alla heimsins fjölmiðla sem koma til með að fjalla um Paradísarskjölin ?

[Jens Guð, 7.11.2017 kl. 06:27]

Stefán (# 1),  það er viðbúið.

[Jens Guð, 7.11.2017 kl. 06:33]

Jósef Smári,  á sínum tíma var var Bono ákafur aðdáandi Sykurmolanna,  Og er sennilega enn.  Hann bauð þeim í hljómleikaferð með U2 um Bandaríkin.  Munaði um minna.  U2 var þá - eins og nú - eitt alstærsta númerið í bransanum.  Síðan hefur Bono verið að kíkja til Íslands sem ferðamaður.

[Jens Guð, 7.11.2017 kl. 06:35]

Stefán (# 3),  ef boðað verður aftur fljótlega til alþingiskosninga er næsta víst að sýsló bregður við skjótt í að vernda sína innvígðu og innmúruðu.

[Sigurður I B Guðmundsson, 7.11.2017 kl. 10:26]

Er ég heppinn eða óheppinn að vera ekki í neinum erlendum skjölum????

[DoctorE (IP-tala skráð) 7.11.2017 kl. 13:36]

Það verður að setja lög sem banna okkur að vita innihald þessa... með blessun biskups.

[Stefán (IP-tala skráð) 8.11.2017 kl. 10:51]

Dagur eineltis og Gunnar Hólmsteinn Ársælsson leggur Stefaníu Jónasdóttur í einelti mneð því að vilja bannfæra skrif hennar, skoðanir, vitneskju og þekkingu. Gunnar Hólmsteinn Ársælsson er með því raunverulega að hafna málfrelsi á Íslandi, eða hvað ?

[Jens Guð, 9.11.2017 kl. 05:04]

Sigurður I B, ertu viss um að nafn þitt sé ekki í erlendum skjölum?  Það á eftir að opinbera miklu fleiri skjöl.

[Jens Guð, 9.11.2017 kl. 05:06]

DoctorE,  það var nokkuð óvænt - eða ekki - að biskoppur lýsti yfir eindregnum stuðningi við Glitni Holding.

[Jens Guð, 9.11.2017 kl. 05:08]

Stefán,  ég hef ekki séð skrif þeirra Gunnars og Stefaníu.  Veit hinsvegar að kella vann lengst af hjá Bjarna Har í verslun Haraldar Júl á Sauðárkróki.