Íslenskar vörur ódýrari í útlendum búðum

  Íslensk skip hafa löngum siglt til Færeyja.  Erindið er iðulega fyrst og fremst að kaupa þar olíu og vistir.  Þannig sparast peningur.  Olían er töluvert ódýrari í Færeyjum en á Íslandi.  Meira að segja íslenska landhelgisgæslan siglir út fyrir íslenska landhelgi til að kaupa olíu í Færeyjum.  

  Vöruverð er hæst á Íslandi.  Svo einkennilegt sem það er þá eru vörur framleiddar á Íslandi oft seldar á lægra verði í verslunum erlendis en á Íslandi.  Það á við um íslenskt lambakjöt.  Líka íslenskt lýsi.  Hér fyrir neðan er ljósmynd sem Ásmundur Valur Sveinsson tók í Frakklandi.  Hún sýnir íslenskt skyr, eitt kíló, í þarlendri verslun.  Verðið er 3,39 evrur (417 ísl kr.).

  Hátt vöruverð á Íslandi er stundum réttlætt með því að Ísland sé fámenn eyja.  Þess vegna sé flutningskostnaður hár og markaðurinn örsmár.  Gott og vel.  Færeyjar eru líka eyjar.  Færeyski markaðurinn er aðeins 1/7 af þeim íslenska.  Samt spara Íslendingar með því að gera innkaup í Færeyjum.

  Hvernig má það vera að skyr framleitt á Íslandi sé ódýrara í búð í Frakklandi en á Íslandi - þrátt fyrir háan flutningskostnað?  Er Mjólkursamsalan að okra á Íslendingum í krafti einokunar?  Eða niðurgreiðir ríkissjóður skyr ofan í Frakka?   

Athugasemdir

[Vilhjálmur Örn Vilhjálmsson, 15.12.2017 kl. 13:39]

Mjólkursamsalan missti skyrið úr höndunum yfir í Sænsk(danska) Arla sem lætur finnska deild sína, sem fær einhverja helvítis græðgis-þjóðverja framleiða "Ekta íslenskt skyr" og stela af Íslendingum skyrnafninu. Nú selja MS-fíflin Frökkum skyrið á undanrennuverði til að komast inn á markaðina. 

En hvernig geta menn glutrað niður skyrinu þegar t.d. Fetaostur má aðeins vera grískur og franskir ostar eru heilög vörumerki?  Voru MS-fíflin á fylliríi.

Við eigum ekki að taka í mál að þýsk illmenni séu að búa til "ekta íslenskt skyr". Svo er þetta auglýst hjá þessum ESB-grjónapungum sem jógúrt, sem það er allra síst. Þeir sem eru að selja þetta eru algjörlega sögulausir græningjar.

Þjóðnýtum skyrið!

[Sigurður I B Guðmundsson, 15.12.2017 kl. 15:10]

Íslenskt grænmeti: "Þú veist hvaðan það kemur. Íslenskt skyr: "Þú veist ekki hvaðan það kemur"!!!

[Kreppuannáll (IP-tala skráð) 15.12.2017 kl. 17:10]

Vilhjálmur, þetta Skyr (sem þeir kalla Kvarg) er ekki Íslensk skyr.  Það er hálfgert óbragð af þessu sulli.

Og að þeir auglýsi þetta sem Yoghurt, er alveg rétt ... því þeir nota ekki skyr-gerla og framleiða þetta á sama hátt og Yoghurt.

Ég hef aldrei skilið, hvernig Íslendingar hafa geta drullað öllu úr höndunum á sér, og eru síðan í sífellu að tala um "banana á trjánum", sem að vísu vaxa í hveragerði.  Allt er horfið úr höndunum á þeim, og áður en þú veist af ... er Ísland ekkur lengur land Íslendinga.

[Jens Guð, 15.12.2017 kl. 18:41]

Vilhjálmur Örn, takk fyrir upplýsingarnar.

[Jens Guð, 15.12.2017 kl. 18:42]

Sigurður I B,  alltaf góður!

[Jens Guð, 15.12.2017 kl. 18:43]

Kreppuannáll,  er rangt eða rétt að skyr sé ostur?

[Stefán (IP-tala skráð) 15.12.2017 kl. 20:56]

Á móti kemur svo færeyskur forstjóri Skeljungs og tekur þátt í eldsneytisokri á íslendingum. Íslensk skip flýja því til heimalands hans til að forðast eldsneytisokrið hér.  Meiri hringavitleysan.

[Jens Guð, 16.12.2017 kl. 11:53]

Stefán,  þetta er sérkennilegur snúningur!