Drekkur þú of mikið vatn?

  Vatn er gott og hollt.  Einhver besti drykkur sem til er.  Við Íslendingar erum svo lánssamir að eiga nóg af góðu drykkjarvatni úr krana.  Fæstir jarðarbúa eru svo heppnir.  Þeim mun einkennilegra er að Íslendingar skuli þamba daglega litað sykurleðjuvatn í sama mæli og Bandaríkjamenn.      

  Samkvæmt prófessor í Árhúsum í Danmörku (www.samvirke.dk) er of mikil vatnsdrykkja jafn varasöm og of lítil vatnsdrykkja.  Of mikil vatnsdrykkja getur sett svo mikið álag á nýrun að hún valdi vatnseitrun.  Þig svimar, færð krampa, verður máttlaus og í versta tilfelli deyrð.  Sjaldgæft en gerist þó árlega.

  Þumalputtareglan er sú að drekka ekki meira vatn en sem nemur 1/30 af líkamsþyngd.  60 kílóa manneskju hentar að drekka 2 lítra af vökva á dag.  90 kg manneskju hentar að drekka 3 lítra.  Við útreikninginn er brýnt að taka með í reikninginn allan vökva.  Ekki aðeins vatn.  Líka vökvarík fyrirbæri á borð við súpur, te, agúrkur, tómata og jarðarber.

  

Athugasemdir

[Guðmundur Jónsson, 16.4.2018 kl. 08:43]

" ekki meira vatn en sem nemur þrítugasta hluta af líkamsþyngd " væntanlega,  þriðjungur er sennileg banvæn skammtur.

[Sigurður I B Guðmundsson, 16.4.2018 kl. 09:24]

Ég passa mig að drekka líka bjór og rauðvín!!!

[Jens Guð, 16.4.2018 kl. 18:32]

Guðmundur,  takk fyrir ábendinguna.  Þetta er rétt hjá þér.  Ég orðaði þetta klaufalega villandi.

[Jens Guð, 16.4.2018 kl. 18:34]

Sigurður I B,  það er lagið að hafa fjölbreyttan vökva.

[Dodds (IP-tala skráð) 16.4.2018 kl. 22:19]

Mikið nær að benda á að vökva skortur er stórt vandamál sem veldur allskonar sjúkdómum t.d gift og hjartaáföllum 

[Jens Guð, 17.4.2018 kl. 19:48]

Dodds,  rétt hjá þér:  Það er brýn ástæða til að vara við vökvaskorti.  Engu að síður er líka brýn ástæða til að vara við of mikilli vökvadrykkju.  Hún er banvæn.

[Stefán (IP-tala skráð) 17.4.2018 kl. 20:04]

Er drykkjarvatnið á Sogni virkilega svo ódrekkandi að menn þurfi að flýja til Svíþjóðar til að svala þorsta sínum ?  Ég sem hélt að fangelsismálastjóri sæi til þess að fangar hans væru ávallt á úrvalsfæði sem þeir skola svo niður með fyrsta flokks drykkjum. Jafnvel gæsluvarðhaldsfangar eiga að geta hlaupið út um tún og mýrar og drukkið vatn að vild, frjálsir eins og vorvindar glaðir, en svo reynast sumir þeirra helst til glettnir og hraðir. Hugsa allavega hraðar en fangelsismálastjóri.

[Jens Guð, 18.4.2018 kl. 17:02]

Stefán,  þarna kom sennileg skýring á flóttanum!

[Stefán (IP-tala skráð) 18.4.2018 kl. 22:07]

,, Mig þyrstir ", sagði Jesús hangandi á krossinum, því að eðlilega kallaði líkaminn á vökva. Ég sé líka fyrir mér hvað það hefur verið grátlegt að hafa ekki aðgang að vatni fyrir mann sem gat breytt vatni í vín.    

[Sigþór Hrafnsson (IP-tala skráð) 18.4.2018 kl. 23:49]

Góð ábending Jens. Ætli margir fá ekki vatnið sitt með kaffinu. Nú kannski sumir með gervigrasinu sínu? Það er svo margir möguleikar að innbyrða vatn nú til dags.

[Jens Guð, 19.4.2018 kl. 19:15]

Stefám,  eðlilega verða menn þyrstir þegar þeir hanga á krossi heilu og hálfu dagana samfleytt.

[Jens Guð, 19.4.2018 kl. 19:25]

Sigþór,  ég ætla að flestir Íslendingar fái sinn daglega vökvaskammt í formi kaffis.  Íslendingar eru ein mesta kaffidrykkjuþjóð heims.  Til gamans:  Austurískur vinur minn,  Ernst Kettler,  kvikmyndatökumaður flutti til Íslands á síðustu öld, á áttunda áratug.  Það var í kjölfar skólaferðalags til Vestmannaeyja.  Í fyrsta símtali hans frá Íslandi til mömmu sinnar sagði hann þau merku tíðindi að Íslendingar drekki kaffi á hverjum degi.  Á þessum tíma drukku Austurríkismenn kaffi aðeins í stórveislu:  Í fermingarveislu og brúðkaupsveislu.  

[Sigþór Hrafnsson (IP-tala skráð) 20.4.2018 kl. 01:47]

Lol :)