Bullað um rykmaura

  Ný rannsókn leiðir í ljós að svefnbæli simpansa eru snyrtilegri en rúm mannfólks.  Munar miklu þar um.  Þetta hefur vakið undrun og umtal.  Við hverju bjóst fólk?  Að simpansar væru sóðar?  Það eru fordómar.  Simpansar eru snyrtipinnar.  Þess vegna meðal annars skipta þeir ört um svefnbæli.

  Í umræðunni hérlendis hefur mörgum orðið tíðrætt um að rúm fólks séu löðrandi í rykmaurum og rykmauraskít.  Þetta er bull hvað varðar íslensk rúm.  Einhverra hluta vegna er bullið lífseigara og útbreiddara en niðurstöður rannsókna sem sýna annað.  Þær sýna að rykmaurar þrífast ekki á Íslandi.  Hita- og rakastig kemur í veg fyrir það.

  Jú,  það hafa fundist rykmaurar á Íslandi.  Örfáir.  Allir rígfullorðnir.  Engin ungviði.  Það undirstrikar að einu rykmaurarnir á Íslandi séu nýinnfluttir frá útlöndum.  Flækingar sem slæðast með ferðalöngum.  Verða ekki langlífir og ná ekki að fjölga sér.

  Hitt er annað mál að ástæðulaust er að amast við rykmaurum.  Þetta eru tvær vinalegar og ástríkar tegundir.  Önnur er undirlögð kynlífsfíkn á háu stigi.  Báðar tegundir éta dauðar húðfrumur.  Gott að einhver geri það.  

   

 

Athugasemdir

[Sigþór Hrafnsson (IP-tala skráð) 18.5.2018 kl. 01:02]

Í sátt við menn og rykmaura, það er vel :)

[Stefán (IP-tala skráð) 18.5.2018 kl. 07:33]

Hvað segir Guðmundur Óli Scheving meindýrabaráttuvarnarmaður númer eitt um þetta ? Ég hef nú alltaf talið rykmaura blessunarlega fleiri en framsóknarmenn á Íslandi og jafnframt talið þá síðarnefndu mun skaðlægri en rykmaura.

[Guðmundur Óli Scheving (IP-tala skráð) 18.5.2018 kl. 22:10]

Í bók minni Upplýsingar og fróðleikur um meindýr og varnir,sem ég gaf út árið 2004 segir meðal annars um Rykmaura(Pyroglyphidae)að þeir teljist ekki til sníkjudýra á manninum þar sem þeir nærast á húðflögum,sem losna af húðinni og finnast í miklu mæli í rúmum og teppum í svefnherbergjum.Rykmaurar eru taldir hættulausir en leifar af dauðum maurum og skítur úr þeim getur valdið ofnæmi hjá sumum mönnum.Hér á landi er aðeins að finna brot af þeim  sníkjudýrum sem þekkt eru í heiminum.Parketlýs og bókalýs teljast t.d. til ryklúsa.Öll snýkjudýr eru háð hýsli sínum og hér er fyrst og fremst átt við manninn.

Maurar eru til grænir,rauðir,bláir,svartir,hvítir....og í fleiri litarbrigðum...jú ef mönnum finnst gaman að hafa samlíkingar með maurum og stjórnmálaflokkum þá þeir um það...

[Sigurður I B Guðmundsson, 20.5.2018 kl. 09:16]

Svo var það maurinn sem.......æ ég man ekki restina!!!

[Jens Guð, 20.5.2018 kl. 11:09]

Sigþór,  eins og segir í leikritinu "Dýrin í Hálsaskógi" þá eiga öll dýrin að vera vinir.

[Jens Guð, 20.5.2018 kl. 11:09]

Stefán,  ég er á sama máli.

[Jens Guð, 20.5.2018 kl. 11:10]

Guðmundur Óli,  takk fyrir fróðleikinn.

[Jens Guð, 20.5.2018 kl. 11:11]

Sigurður I B,  ég man heldur ekki restina...,  held samt að hún byrji á:  "og svo..."