Orðuhafar

18.6.2018 | 10:45

Ég er alveg fylgjandi því að fólki sé umbunað fyrir gott starf með fálkaorðu. Það er hvetjandi fyrir viðkomandi. Jafnframt öðrum hvatning til að taka orðuhafa sér til fyrirmyndar.

Núna samfagna ég nýjustu orðuhöfunum Andreu Jónsdóttur og Hilmari Erni Hilmarssyni. Bæði virkilega vel að orðu komin. Andrea hefur til næstum hálfrar aldar verið ötul við að kynna íslenska tónlist í útvarpi, á diskótekum og á prenti.

Hilmar Örn hefur sömuleiðis verið duglegur við að kynna og varðveita gömlu íslensku kvæðahefðina. Meðal annars með því að blanda henni saman við nýrri tíma rapp. Einnig hefur hann farið á kostum í eigin músíkstílum. Fyrir þá fékk hann evrópsku Felix-verðlaunin fyrir tónlistina í "Börn náttúrunnar". Einn merkasti tónlistarmaður heims.

Elsku Andrea og Hilmar Örn, innilega til hamingju með orðurnar. Þið eigið þær svo sannarlega skilið. Þó fyrr hefði verið.

&nbsp;

	Fjórtán hlutu fálkaorðuna
Ábyrgðarmaður færslu Tilkynna um óviðeigandi tengingu við frétt

Meginflokkur: Tónlist | Aukaflokkar: Ljóð, Menning og listir, Útvarp | Breytt s.d. kl. 21:17 | Facebook

Athugasemdir

Það má auðvitað endalaust deila um réttmæti orðuveitinga en í heildina hallar verulega á landsbyggðina hvað svo sem veldur.

Sigurður Bjarklind (IP-tala skráð) 18.6.2018 kl. 14:33

Svo mætti veita ákveðnum "bloggara" fálkaorðu fyrir að lifta "bloggi" upp á hærra og skemmtilegra plan!!!

Sigurður I B Guðmundsson, 18.6.2018 kl. 15:15

Andrea og Hilmar Örn eiga þessar orður ( viðurkenningar ) jafn mikið skilið og Sigurður Einars og Sigmundur Davíð áttu orðuveitingar ekki skilið.

Stefán (IP-tala skráð) 18.6.2018 kl. 19:55

Mér finnst Ragnar Þór formaður VR hafa unnið til orðuveitinga fyrir að koma Gylfa Arnbjörns frá sem forseta ASÍ.

Stefán (IP-tala skráð) 20.6.2018 kl. 20:03

Sigurður Bjarkland, þetta er rétt hjá þér.

Jens Guð, 21.6.2018 kl. 10:29

Sigurður I B, þegar Mick Jagger var aðlaður af bresku drottningunni og fékk titilinn "sir" lýsti Keith Richards yfir vanþóknun. Sagði rokktónlist eiga að vera uppreisn gegn svona prjáli. Sjálfur myndi hann alltaf hafna þátttöku í öllu svona. Mick svaraði því til að það væri auðvelt fyrir Keith að segja þetta vitandi að aldrei k´mi til greina að hann yrði aðlaður.

Jens Guð, 21.6.2018 kl. 10:38

Stefán, ég tek undir með þér.

Jens Guð, 21.6.2018 kl. 10:39