Uppfinningar sem breyta lífi þínu

  Japanir eru allra manna iðnastir við að finna upp gagnlega hluti.  Það er eins og þeir geri ekkert annað allan daginn.  Hugmyndaflugið er ótakmarkað.  Hér eru nokkur snjöll sýnishorn af vörum sem hafa ekki borist til Evrópu.  Bara tímaspursmál um daga fremur en ár. 

 

 

 

 

 

 

 

 

 

 

 

 

 

 

  Sólarorkukveikjarinn sparar bensín og fé.  Margnota líftíðareign.  Fer vel í stóra vasa.

 

 

 

 

 

 

 

 

 

 

 

 

 

 

 

 

  Augndropar eru til stöðugra vandræða.  Þeir hitta ekki á augað.  Lenda upp á enni eða niður á kinn.  Þar fer dýr dropi til spillist.  Augndropatrektin leysir málið.  Snilldin felst í því að trektinni er haldið stöðugri með því að vera föst við gleraugu.  Gleraugun tryggja að dropinn lendi á mitt augað. 

 

 

 

 

 

 

 

 

 

 

 

 

  Banani er hollastur þegar hann er vel þroskaður;  orðinn mjúkur og alsettur svörtum deplum.  Í því ástandi fer hann illa í vasa.  Klessist og atar vasann.  Bananaboxið er lausnin.  Það er úr þunnu og léttu plasti og varðveitir lögun ávaxtarins.  Algengt er að fólki með mikið dót í öllum vösum rugli öllu saman;  man ekki stundinni lengur hvað er hvað.  Bananaboxið lítur út eins og banani.  Enginn ruglast á því.  

 

 

 

 

 

 

 

 

 

 

 

 

  Vatnsmelónur eru plássfrekar í verslunum og í flutningum.  Þær staflast illa;  kringlóttar og af öllum stærðum.  Japanir hafa komist upp á lag með að rækta þær ferkantaðar.  Þær eru ræktaðar í kassa.  Þannig eru þær jafnframt allar jafn stórar.  

 

Athugasemdir

[Sigurður Bjarklind (IP-tala skráð) 18.11.2018 kl. 16:05]

Ég er hugsi yfir þessu bananaboxi. Þegar karlar stinga krumlunni í djúpan buxnavasa verður stundum eitthvað fyrir sem virðist vera banani. En auðvitað tekur bananaboxið af allan vafa eða hvað?

[Sigurður I B Guðmundsson, 18.11.2018 kl. 17:40]

Þau lönd sem leyfa sölu á dópi ættu að selja það í litlum líkkistum!!! Bara hugmynd frá Íslandi!!!

[Ásgrímur Hartmannsson, 19.11.2018 kl. 15:46]

Fleiri ávextir ættu að vera ferkantaðir.

[Sigurður I B Guðmundsson, 19.11.2018 kl. 16:59]

Svo á þetta að sjálfsögðu líka við síkarettupakka!!

[Jens Guð, 19.11.2018 kl. 23:50]

Sigurður Bjarklind,  ég ætla það!

[Jens Guð, 19.11.2018 kl. 23:50]

Sigurður I B (# 2),  ég tek undir það.

[Jens Guð, 19.11.2018 kl. 23:51]

Ásgrímur,  allir ávextir ættu að vera ferkantaðir.

[Jens Guð, 19.11.2018 kl. 23:52]

Sigurður I B (# 4),  svo sannarlega!