Viðbjóðslegir veitingastaðir

  Til margra ára hef ég stundum horft á sjónvarpsþætti enska matreiðslumannsins  Gordons Ramseys.  Hann heimsækir bandaríska veitingastaði.  Smakkar mat þeirra.  Aldrei bregst að hann lýsir mat þeirra sem mesta viðbjóði er hann hefur séð og smakkað.  Það hlýtur að þýða að bandarísk matreiðsla hrörni stöðugt dag frá degi.  Annars gætu þessir matsölustaðir ekki toppað alla fyrri ógeðslegu matsölustaði ár eftir ár.

  Áhugavert er að hann afhjúpar ætíð í leiðinni rosalegan sóðaskap á matsölustöðunum.  Bandrtíska Heilbrigðiseftirlitið er ekki að standa sig. 

  Svo hundskammar hann alltaf óhæfan eiganda staðarins og kokkinn.  Er mjög ruddalegur og árásagjarn í orðum.  Keyrir þá upp að vegg.  Oftast er tekist hart á í orðum.  Svo gefur hann þeim góð ráð.  Viðkomandi knúsar hann í lok þáttar og allt verður gott. Þetta er ljómandi skemmtilegt sjónvarpsefni.  Eitt það besta er að nægilegt er að horfa á tíunda hvern þátt.  Hinir eru allir eins.

Athugasemdir

[Jósef Smári Ásmundsson (IP-tala skráð) 8.5.2019 kl. 08:33]

Innilegar samúðarkveðjur með afmælisdaginn " Gamli" minn. Við tökum á þessu saman. Fáðu þér eitthvað yngjandi að borða í tilefni dagsins eins og t.d. Súrhval.

[Sigurður I B Guðmundsson, 8.5.2019 kl. 10:01]

Til hamingju með daginn og þú átt langt í að verða eldri borgari eins og sumir. Skál og aftur skál!!!

[Stefán (IP-tala skráð) 8.5.2019 kl. 19:05]

Það viðbjóðslegaasta við íslenska veitingastaði er verðlagið sem engir í heiminum geta toppað. Það eitt fær marga til að missa matarlistina. 

[Sveinn R. Pálsson, 9.5.2019 kl. 10:44]

Getur þetta verið þátturinn (02:50)  :   https://www.youtube.com/watch?v=-xhfJRdwHnU

[Sigurður Bjarklind (IP-tala skráð) 9.5.2019 kl. 17:53]

Sendum ræfilinn Ramsey til Halla Bó í Dalakofanum og gefum honum þingeyskar kótilettur með tilheyrandi meðlæti. Þá sljákkar í honum.

[Jens Guð, 9.5.2019 kl. 18:22]

Jósef Smári,  að eiga afmæli eru forréttindi.  Rík ástæða er til að fagna rækilega þegar slíkt verður á vegi manns.  Súrhvalinn fæ ég mér iðulega þegar ég á erindi í Nóatún.  Svo var ekki á afmælisdaginn.  Þess í stað fékk ég mér þorsk í Ikea. 

[Jens Guð, 9.5.2019 kl. 18:45]

Sigurður I B,  takk fyrir það.  Ég get gengið í Félag eldri borgara.  Það kostar 4500 kall á ári.  Í staðinn get ég fengið 5% afslátt hjá Handprjónasambandi Íslands og 7% afslátt hjá innrömmunarstofu á Eiðistorgi.  Þrátt fyrir freistinguna ætla ég að hinkra í 4 ár eftir að vera opinberlega og formlega skráður eldri borgari hjá Hagstofunni og Tryggingastofnun.  Ég hlakka til. 

[Jens Guð, 9.5.2019 kl. 18:46]

Stefán,  ég tek undir það.

[Jens Guð, 9.5.2019 kl. 18:52]

Sveinn,  bestu þakkir.  Þetta er myndbandið sem ég leitaði að en fann ekki út af þessum James May sem flæktist fyrir. 

[Jens Guð, 9.5.2019 kl. 18:56]

Sigurður Bjarklind,  góð tillaga!