Vinsælustu Bítlalögin í dag

  Ég veit ekki hvað gerðist.  Síðasta bloggfærsla mín hvarf.  Ég var í miðju kafi að svara athugasemdum við hana og ýtti á "enter".  Í stað þess að svar mitt birtist þá hvarf bloggfærslan.  Hún var áfram inni á stjórnborði hjá mér.  En þó að ég ýtti á "birta" þá birtist hún ekki.  Samt kom upp texti um að hún væri birt.

  Í færslunni var listi yfir mest spiluðu lög Bítlanna á Spotify.  Hann er áhugaverður.  Hann speglar að einhverju leyti hvaða Bítlalög höfða sterkast til yngra fólks í dag.  Fólks sem meðtók ekki lög og plötur Bítlanna í rauntíma 1963 - 1969.  Þess vegna endurbirti ég listann hér:

1.  Here Comes the Sun

2.  Hey Jude

3.  Come Together

4.  Let it Be

5.  Twist and Shout

6.  Help

7.  Blackbird

8.  While my Guitar Gentle Weeps

9.  In My Life

10. Yesterday

 

  Einhverra hluta vegna er Oh Darling ekki mikið spilað á Spotify.  Samt flottur blús.  Þessi úkraínska krúttbomba staðfestir hinsvegar að ungt fólk út um allan heim hlustar á Bítlalög.  Það fylgir sögunni að hún hafi á þessum aldri ekki kunnað orð í ensku.  Hún er 17 ára í dag og dútlar við að syngja leiðinleg júrivisjon-lög.

 

Athugasemdir

[Sigurður I B Guðmundsson, 7.7.2019 kl. 22:39]

Átta mig ekki á hvað lagið Blackbird er að gera á þessum lista??

[Petur Runar Kjartansson (IP-tala skráð) 7.7.2019 kl. 23:40]

Það er merkilegt að George Harrison á 2. lög á þessum lista

[Már Elíson, 8.7.2019 kl. 10:33]

Sigurður - "Blackbird" er bara hið besta lag, svo ekki sé talað um textann og tvöföldu meiningu / merkingu hans. - "In my life" er einnig meistarastykki. - Gott að sjá það þarna. - Já, Harrison var góður lagahöfundur og sýndi það svo um munaði þegar sólóferill hans hófst. - Það merkilega við þennan lista er....að yfirleitt skuli vera hlustað a 50-60 ára gömul lög af ungu fólki. Það er þvi deginum ljósara að þessir menn, Beatles, voru ekkert venjulegir og melodian lifir ruslið af.

[Haraldur (IP-tala skráð) 8.7.2019 kl. 14:58]

BLACKBIRD heyrist nokkrum sinnum í myndinni Boss Baby, sem er mjög vinsæl hjá yngstu kynslóðinni. Myndin heitir Stubbur stjóri á íslensku.
Yngsta kynslóðin kynnist tónlist eftir öðrum leiðum en við sem erum miklu eldri. Foreldrarnir horfa með börnunum og heillast líka, þeir eru af Spotify kynslóðinni.

[Sigurður I B Guðmundsson, 8.7.2019 kl. 15:30]

Hvað varð um Rússnensku stelpuna sem söng OH Darling svo meistaralega? 

[Þorsteinn Briem, 8.7.2019 kl. 16:22]

Stelpan er reyndar frá Úkraínu en ekki Rússlandi en það breytir að sjálfsögðu engu um sönginn.

[Theódór Norðkvist, 8.7.2019 kl. 19:14]

Ég veð aldrei leiður á Hey Jude og Let It Be og Here Comes the Sun er alltaf sígilt. Af George Harrison lögum hefði ég viljað sjá Something á þessum lista, sem Frank Sinatra kallaði eina bestu ballöðu allra tíma.

Hef gaman að mörgum lögum sem heyrast sjaldnar (kannski þess vegna) eins og Rocky Raccoon, Happiness Is a Warm Gun, I'll Follow the Sun og I'll Cry Instead.

[Stefán (IP-tala skráð) 8.7.2019 kl. 20:17]

Paul á þarna 4 lög á topp 10, John á 3, George á 2 og eitt er tökulag. Öll eru þessi lög frábærar tónsmíðar hvert á sinn hátt. Ingólfur heitinn Margeirsson tók lagið gullfallega Blackbird sérstaklega fyrir í útvarpsþáttum sínum Bylting Bítlanna og í samnefdri bók skrifar hann ,, Blackbird sýnir og sannar enn og aftur hversu mikill snillingur Paul var og er í að semja einfaldar en samt flóknar laglínur í senn. Ingólfur tók frábæran gítarleik Paul í laginu sérstaklega til umfjöllunar, en hann flutti lagið einn eins og svo mörg önnur bítlalög. 

[Jens Guð, 9.7.2019 kl. 19:09]

Sigurður I B,  eitt af mörgum trompum Bítlanna er að músík þeirra er afskaplega fjölbreytt.  Ég hef kannað og sannreynt að allir finna í Bítlalagasafninu lög við sitt hæfi.  Jafnvel mörg.  Sömuleiðis er alveg klárt að engir elska hvert einasata Bítlalag.  

[Jens Guð, 9.7.2019 kl. 19:22]

Petur Runar,  vissulega áhugavert.  Bítlalagapakkinn telur vel á 3ja hundrað.  Þar af á George Harrison "aðeins" 22 lög.  En þau eru allflest mjög flott.  Enda lærði hann snemma að ekki var í boði annað en koma fram með lög sem stóðust samanburð við Lennon-McCartney.   

[Jens Guð, 9.7.2019 kl. 19:23]

Már, ég kvitta undir hvert orð.

[Jens Guð, 9.7.2019 kl. 19:37]

Halldór,  takk fyrir fróðleikinn.  Ítrekað sannreyni ég að ungt fólk er heillað af Bítlunum.  Fyrir 2 eða 3 árum skrifaði frænka mín lokaritgerð í Kvennó um Bítlana.  Mjög góða ritgerð.  Ég þekki aðra unglingsstelpu sem er svo fróð um Bítlana að ég hef ekki roð við henni.  Lengi vel - og kannski enn - gúglaði hún Bítlana á hverjum degi.    

[Jens Guð, 9.7.2019 kl. 19:39]

Haraldur,  fyrigefðu að ég fór vitlaust með nafn þitt.

[Jens Guð, 9.7.2019 kl. 19:39]

Sigurður I B,  ég bæti því snarlega við.  Enda glæsilegt.

[Jens Guð, 9.7.2019 kl. 19:58]

Steini,  takk fyrir að léiðrétta það. 

[Jens Guð, 9.7.2019 kl. 20:00]

Theódór,  Somthing marar þarna undir.  Er í 16. sæti yfir mest spiluðu Bítlalög á Spotify. 

[Jens Guð, 9.7.2019 kl. 20:01]

Stefán,  takk fyrir fróðleikinn.