Bítlalögin sem unga fólkið hlustar á

  Síðasta platan sem Bítlarnir hljóðrituðu var "Abbey Road".  Hún kom út undir lok september 1969.   Þess vegna er hún hálfrar aldar gömul.  Meiriháttar plata.  Hún hefur elst vel.  Hún gæti hafa komið út í ár án þess að hljóma gamaldags.  

  Svo merkilegt sem það er þá hlustar ungt fólk í dag á Bítlana.  Bæði börn og unglingar.  Í minni fjölskyldu og í mínum vinahópi eru Bítlarnir í hávegum hjá fjölda barna og unglinga.  Lokaritgerð frænku minnar í útskrift úr framhaldsskóla var um Bítlana.  Mjög góð ritgerð.  Fyrir nokkrum árum hitti ég 14 ára dóttur vinafólks mín.  Hún var svo fróð um Bítlana að ég hafði ekki roð við henni um smáatriði tengd Bítlatónlist.  Tel ég mig þó vera nokkuð fróðan um Bítlana.   

  Spilanir á músíkveitunni Spotify staðfesta að þetta sama má segja um börn og unglinga út um allan heim.  

  Þessi Bítlalög eru mest spiluð af börnum og unglingum upp að 18 ára aldri.

1.  Here Comes The Sun

2.  Let It Be

3.  Hey Jude

4.  Come together

5.  Twist And Shout

Þessi lög eru mest spiluð af aldurshópnum 18 - 24 ára:

1.  I Want To Hold Your Hand

2.  Here Comes The Sun

3.  Come Together

4.  Penny Lane

5.  You Never Give Me Your Money 

   

Athugasemdir

[Sigurður I B Guðmundsson, 1.10.2019 kl. 09:19]

Bítlarnir eru tímalausir!

[Stefán Guðmundsson (IP-tala skráð) 1.10.2019 kl. 19:19]

Sammála því sem þú segir um Bítlana Sigurður og Abbey Road er einfaldlega tímalaust meistaraverk frá a til ö. Nú stefnir platan beint á toppinn í Bretlandi á ný, þar sem hún sat í 17 vikur þegar hún kom út og núna fer ég sko að hlusta á meistraverkið í heild í kanski fimmhundraðasta skipti. 

[Jens Guð, 1.10.2019 kl. 23:03]

Sigurður I B,  algjörlega!

[Jens Guð, 1.10.2019 kl. 23:17]

Stefán,  fyrir utan öll snilldar lög Bítlanna þá vegur þungt vað John og Paul gáfu hvor öðrum góð ráð sem skiptu sköpum.  Til að mynda þegar John sagði Paul að lag hans um eggjahræru slátraði flottu dramatísku og tregafullu lagi sem ætti að heita "Yesterday".  Þegar John kynnti Bítlunum lagið' "Come Together" voru viðbrögð Pauls:  Þetta er ekki gott rokk og ról lag.  Þetta er frábært rólegt blús-lag.  Þetta er frábært opnulag Abbey Road plötunnar.  

[Jósef Smári Ásmundsson (IP-tala skráð) 2.10.2019 kl. 08:42]

Man reyndar bara eftir einu lagi af Abbey Road plötunni sem lét fiðringinn hríslast niður bakið . Oh. Darling. Það voru aðrar plötur sem geta heitið meistaraverk.

[Jens Guð, 2.10.2019 kl. 15:44]

Jósef Smári,  Oh Darling er dúndur góður blús.  Öll hin lögin hljóma vel í mín eyru - með 2 undantekningum.