Danir óttast áhrif Pútins í Færeyjum

  Danski forsætisráðherrann,  Mette Frederiksen,  er nú í Færeyjum.  Erindið er að vara Færeyinga við nánari kynnum af Pútin.  Ástæðan er sú að danskir fjölmiðlar hafa sagt frá þreifingum um fríverslunarsamning á milli Færeyinga og Rússa.  Rússar kaupa mikið af færeyskum sjávarafurðum.  

  Ótti danskra stjórnmálamanna við fríverslunarsamninginn snýr að því að þar með verði Pútin komninn inn í danska sambandsríkið.  Hann sé lúmskur, slægur og kænn.  Hætta sé á að Færeyingar verði háðir vaxandi útflutningi til Rússlands.  Rússar gætu misnotað þá stöðu.  Heppilegra væri að dönsku sambandsríkin þjappi sér betur saman og hafi nánara samráð um svona viðkvæm mál.

  Þetta er snúið þar sem Danir eru í Evrópusambandinu en Færeyingar og Grænlendingar ekki.  

    

Athugasemdir

[Sigurður I B Guðmundsson, 7.11.2019 kl. 07:12]

 Færeyingar eru skinsamir og vita að það er enginn Rússagrýla til og eiga mikil og góð viðskipti við þá annað en flestir vitleysinganna á Alþingi Íslendinga sjá Rússagrýlu í verju horni!

[Jósef Smári Ásmundsson (IP-tala skráð) 7.11.2019 kl. 10:56]

Held reyndar að færeyingar og grænlendingar fylgi dönum inn í ESB þar sem Færeyjar og Grænland teljast til danska ríkisins.

[Jens Guð, 8.11.2019 kl. 12:33]

Sigurður I B,  ég tek undir þín orð.

[Jens Guð, 8.11.2019 kl. 12:39]

Jósef Smári,  á sínum tíma fylgdu Grænlendingar Dönum eftir í ESB.  Þeir horfðu upp á það að Færeyingum vegnaði betur að vera utan ESB.  Þá sögðu Grænlendingar sig úr ESB (Grexit).  Vegna vopnasölubanns ESB og Gunnars Braga á Rússa myndu Færeyingar verða af gríðarmikilli sölu á sjávarafurðum til Rússlands.  Svo mjög að það yrði alvarleg kreppa í Færeyjum með tilheyrandi gjaldþrotum, atvinnuleysi o.s.frv.  Þannig að Færeyingar eru ekkert á leið í ESB.

[Stefán Guðmundsson (IP-tala skráð) 13.11.2019 kl. 13:38]

En eru færeyingar ekki alveg lausir við Samherja, sem virðist vera það allra hættulegasta ?

[Jens Guð, 13.11.2019 kl. 20:14]

Stefán,  Samherji á hlut í færeysku útgerðarfyrirtæki og stefnir á stærri hlut.  Færeyingar girða fyrir það með lögum um hámarkseign útlendinga 30%.  Samherji kærði það og vísaði í fríverslunarsamning Íslands og Færeyja,  svokallaðan Hoyvíkursamning.  Færeyingar brugðust við með því að rifta samningnum.

[Stefán Guðmundsson (IP-tala skráð) 13.11.2019 kl. 20:50]

Vel gert hjá frændum vorum og vinum færeyingum. Ég treysti þeim fullkomlega til að verjast íslenskum heimsspillingafyrirtækjum eins og Samherji lítur út fyrir að vera. Már Guðmundsson fyrrverandi Seðlabankastjóri hafði rétt fyrir sér og varðist fimlega ómaklegri árás sonar Þorsteins Más. Nú verður fróðlegt að fylgjast með því hvaða stjórnmálaflokkar munu skila styrkjum frá Samherja og hverjir ekki ?

[Guðjón E. Hreinberg, 23.1.2020 kl. 17:32]

Hvar á Pútín að kaupa síld á meðan Guðlaugur, Katrín og Bjarni banna Rússaviðskipti eins og þægar litlar Natóhænur? Hjá Færeyingum, sem sýnt hafa og sannað síðustu fimmtán árin að allt Íslenskt "brain drain" fór til Þórshafnar.