Þannig má laga skemmd lungu

  Sígarettur eru ekki eins hollar og margir halda.  Að reykja þær veldur ertingu og álagi á lungun.  Einkum ef mikið og oft er reykt;  þá skaðast lungun.  Strompar fá þrálátan hósta,  lungnateppu og jafnvel krabbamein,  svo fátt eitt sé nefnt. 

  Háskóli í Maryland í Bandaríkjum Norður-Ameríku hefur rannsakað dæmið og skoðað hvað sé til ráða.  Niðurstaðan kemur á óvart.  Ávöxturinn tómatur getur gert kraftaverk.  Aðeins þarf að snæða tvo tómata á dag til að þeir hefji viðamikla viðgerð á skemmdum lungum. 

  Tómatsósa skilar minni árangri.  Skiptir þar engu máli hvort hún er framleidd úr tómötum eða eplamauki.  Hinsvegar geta fersk epli hjálpað. 

Athugasemdir

[sigurður bjarklind (IP-tala skráð) 28.2.2020 kl. 06:09]

Aldeilis merkilegt og mikill sigur vísindanna. Hvað ætli gerist ef maður étur 3 tómata á dag?

[Sigurður I B Guðmundsson, 28.2.2020 kl. 10:29]

 Einhvers staðar heyrði ég að tómatar væru 99% vatn þannig að þetta eina % hlýtur að vera mjög öflugt. 

[Helga Kristjánsdóttir, 29.2.2020 kl. 06:44]

Seinast þegar ég las frétt um tómata sem krabbameins læknandi,fylgdi með að tomatsósan væri þó talin snöggt um virkari.

[Jens Guð, 29.2.2020 kl. 08:49]

Sigurður Bjarklind,  sennilega er verið að rannsaka það.

[Jens Guð, 29.2.2020 kl. 08:50]

Sigurður I B,  þeir eru 93-95% vatn.  Mig minnir að agúrkan sé 98-99% vatn.

[Jens Guð, 29.2.2020 kl. 08:54]

Helga,  ég man þá tíð að varað var við miklu eggjaáti.  Það átti að leiða til hækkaðs kolesteróls.  Nú er þessu öfugt farið.  Stundum er kaffi sagt vera varasamt.  Í önnur skipti er það heilsudrykkur.  Líkt er með súkkulaði.

[Stefán (IP-tala skráð) 29.2.2020 kl. 20:45]

Rannsóknir sýna að regluleg neysla tómata styrkir augu og sjón. Hættum því að henda tómötum í Alþingishúsið og gefum frekar alþingismönnum tómata að borða ef það gæti mögulega bætt sjón þeirra og kallað fram réttsýni. 

[Jens Guð, 29.2.2020 kl. 23:34]

Stefán,  góður punktur!