Söluhæstu lög og plötur í dag

  Sölutölur yfir vinsæl lög og plötur eru í dag dálítið flókið og margslungið dæmi.  Plötur í föstu formi (vinyl,  geisladisk,  kassettur...) hafa farið halloka fyrir streymisveitum á netinu.  Höfundaréttarskráning heldur utan um þetta flókna dæmi.

  Þetta eru söluhæstu tónlistarmenn fyrri helmings - fyrstu 6 mánuði - þessa árs:  

1.  Bítlarnir seldu um 1,1 milljón eintök af sinni afurð.

2.  The Queen koma næst með 780 þúsund eintök.  

3.  Imagine Dragons 600 þúsund eintök.

4.  Fleetwood Mac 565 þúsund eintök. 

5.  Metallica 550 þúsund eintök.

  Óendanlegar yfirburða vinsældir Bítlanna eru ekki óvæntar.  Samt.  Bítlarnir sendu frá sér plötur aðeins um sex ára skeið á sjöunda áratugnum (6-unni).  Síðan er liðin meira en hálf öld. 

Athugasemdir

[Sigurður I B Guðmundsson, 20.7.2020 kl. 22:53]

Veit ekkert hvað Ima..Dragons er en CCR hefði mátt vera í staðinn fyrir þá!!!

[Jens Guð, 21.7.2020 kl. 17:55]

Sigurður I B,  ég er sammála því að CCR hefðu mátt vera í staðinn fyrir Imagine Dragons.  Sú síðarnefnda spilar létt og grípandi fínpússað popp-rokk.  Það er ekki mín bjórdós.  Hinsvegar á ég allar CCR plöturnar og allar sólóplötur Johns Fogertys að auki. 

[Hörður Halldórsson, 21.7.2020 kl. 20:06]

Sá einhvern lista frá Business insider .

1. The Beatles — 183 million units

2. Garth Brooks — 156 million units

3. Elvis Presley — 146.5 million units.

 Garth Brooks  ,hvaða náungi er það ? hef nánast aldrei heyrt hans getið.

[Jens Guð, 21.7.2020 kl. 21:53]

Halldór,  þessi listi þinn á klárlega við um Bandaríkin.  Garth Brooks er kántrý-bolti sem nýtur þar ofurvinsælda.  Drepleiðinlegur fyrir minn smekk.  Hann er menntaður grafískur hönnuður (auglýsingateiknari) og kann helstu trixin í markaðsmálum. 

[sigurður bjarklind (IP-tala skráð) 22.7.2020 kl. 07:59]

Sá sem listann samdi hefur greinilega aldrei heyrt plötu Guðmundar Jónssonar sem skartar m.a. Lax, lax lax.....

[Jens Guð, 22.7.2020 kl. 10:36]

Sigurður Bjarklind,  það eru kaupendur tónlistarinnar sem búa til listann með kaupum sínum.  En það er áreiðanlega rétt hjá þér að þeir hafa farið á mis við plötu Guðmundar Jónssonar. 

[Stefán (IP-tala skráð) 22.7.2020 kl. 14:07]

Ofannefnd plata Guðmundar Jónssonar er reyndar bráðskemmtileg og margir færir hljóðfæraleikarar leika þar undir söng óperusöngvarans sem þarna gerðist dægurlagasöngvari, s.s. Magnús Ingimarsson á hljómborð, Pétur Östlund á trommur og Árni Scheving á bassa. Persónulega tek ég þessa plötu fram yfir plötur Garth Brooks t.d.

[Sigurður I B Guðmundsson, 22.7.2020 kl. 17:08]

Þetta sýnir enn og aftur hvað The Beatles voru einstakir og þeirra tónlist mun lifa um aldur og ævi. Flott að sjá Queen þarna í öðru sæti. ELO hefði líka sómað sér vel á þessum lista.

[Stefán (IP-tala skráð) 22.7.2020 kl. 20:51]

Meistari Freddie Mercury lifir, allavega stórkostleg röddin sem heillar tónlistarunnendur. Ég var svo heppinn að upplifa Queen á hljómleikum og þvílíkur performer sem Mercury var. 

[Jens Guð, 23.7.2020 kl. 18:08]

Stefán (# 7),  ég tek undir það að plata Guðmundar Jónssonar er áheyrilegri en Garth Brooks.

[Jens Guð, 23.7.2020 kl. 18:29]

Sigurður I B (# 8),  saga Bítlanna er nánast öll einstök og ótrúleg.  Í upphafi 1963 var eiginlega útilokað að hljómsveit frá "slömminu" Liverpool gæti náð vinsældum utan borgarinnar.  Því síður að hún gæti lagt undir sig breska markaðinn.  Jafn útilokað var að bresk hljómsveit gæti lagt undir sig evrópska markaðinn.  Og algjörlega útilokað að hún gæti lagt undir sig bandaríska markaðinn,  Rúllað yfir allan heiminn með áður óþekktum vinsældum.  

  Ennþá ótrúlegra er að skoða hve hratt og bratt tónlist Bítlanna þróaðist á þeirra stutta ferli.  Hvað þá að hálfri öld eftir að hljómsveitin hætti sé hún enn í dag söluhæsta nafn nútímans.  Þetta á ekki að vera hægt.

[Jens Guð, 23.7.2020 kl. 18:34]

Stefán (# 9),  11 ára afastelpan mín er þér sammála um Mercury.  Hún er ákafur aðdáandi.  Það merkilega er að hún kynntist Queen ekki í gegnum vini og vandamenn heldur uppgötvaði hún sjálf hljómsveitina í gegnum "sörf" á youtube.  Og kolféll fyrir henni. 

[Stefan (IP-tala skráð) 24.7.2020 kl. 09:55]

Jens, afastelpan þin er greinilega klar stelpa með afar þroskaðan tonlistarsmekk.

[Jens Guð, 24.7.2020 kl. 14:58]

Stefán (# 13),  svo sannarlega! 

[Stefán (IP-tala skráð) 24.7.2020 kl. 21:11]

Í bókinni 1001 Albums Yoy Must Hear Before You Die á David Bowie 9 albúm, The Beatles, Bob Dylan og Neil Young 7 albúm hver, Rolling Stones, Paul Simon, Elvis Costello og The Smiths/Morissey 6 Albúm hver, The Birds, Lou Reed, The Who, Tom Waits, Bruce Springsteen, Led Zeppelin, Iggy Pop, Peter Gabriel, Sonic Youth, Leonard Cohen og Brian Eno 5 albúm hver. The Kinks, Pink Floyd, R.E.M, Radiohead, Steely Dan, U2, Talking Heads, Metallica, Joni Mitchell og Nick Cave 4 albúm hver. Meðal þeirra sem eiga 3 albúm hver eru: Black Sabbath, Roxy Music, CCR, Deep Purple, The Doors, Jimi Hendrix, Bob Marley, Van Morrison, Frank Zappa, Pixies, Nirrvana, Yes, Queen, Beach Boys og Björk. Ég er margbúinn að hlusta á þetta allt þannig að ég hef þá allavega lokið því.    

[Jens Guð, 25.7.2020 kl. 12:04]

Stefán (# 15),  takk fyrir þennan fróðleik.

[Jens Guð, 25.7.2020 kl. 13:53]

Stefán (# 16),  á Facebook fékk ég fyrirspurn um hvaða 9 Bowie-plötur væru á listanum.  

[Stefán (IP-tala skráð) 25.7.2020 kl. 15:22]

Í upphaflegu útgáfu bókarinnar 2005 voru allavega Hunky Dory, Ziggy Stardust, Aladdin Sane, Young Americans, Station to Station, Low og Heroes. Í seinni útgáfum hafa bæst við Scary Monsters, líklega frekar en The Next Door ef ég man rétt og svo Blackstar. Man að kápumyndin á einni útgáfunni skartar einmitt mynd af David Bowie.

[Stefan (IP-tala skráð) 25.7.2020 kl. 16:49]

Það er reyndar The Next Day sem er tekin fram yfir Scary Monster i bokinni. Eg hefði haft þær baðar, asamt Lodger.

[Jens Guð, 25.7.2020 kl. 20:10]

Stefán (# 18 og 19),  góð viðbót!