Færeyski vinsældalistinn

  Það væri gaman að koma lagi með íslenskum flytjanda inn á færeyska vinsældalistann.  Í framhaldi af vangaveltum um það fór ég að skoða vinsældalistann og hvernig staðið er að atkvæðagreiðslu á honum.  Þá kom í ljós að mér tekst ekki að skrá nein lög í númeruð sæti heldur einungis aukalög. 

  Þið sem hafið þekkingu á tölvutækni:  Getur verið að hægt sé að "blokkera" þátttöku utan Færeyja í þessari atkvæðagreiðslu?  Eða tekst ykkur að skrá lög í númeruðu sætin?  Slóðin er http://www.kringvarp.fo/15bestu/atkvodur.asp

Athugasemdir

[Ari (IP-tala skráð) 21.12.2008 kl. 18:10]

Kannski er það rétt hjá þér að þetta sé blokkað utan Færeyja(get ekki heldur skrifað neitt). En það er líka bara gott því það væri argasti dónaskapur að skipta sér af færeyzkum vinsældalista fyrir Færeyinga. Það væri gaman ef íslenskt lag kæmi inná listann en bara með atkvæðum Færeyinga ekki þannig að "við kæmum" lagi þar inn með því að troða íslenskum lögum inn á þeirra innlenda lista. Leiðinlegt að þér þætti gaman að frekjast svona á þeirra vettvangi, ef það er pælingin.

[Hjördís (IP-tala skráð) 21.12.2008 kl. 18:56]

Við skötuhjúin vorum að hlusta á hinn "síkáta" Geir Ólafs að flytja Jólamaðurinn hér á síðunni þinni. Slökkti óvart á Geir áður en lagið var búið og minn maður sagði "þetta er Guð-last". Orð í tíma töluð.....

[Jens Guð, 21.12.2008 kl. 19:14]

  Ari,  það er spurning hvað gæti komið út úr svona pælingu.  Ég hlusta mun meira á færeyskt útvarp en íslenskt.  Áreiðanlega meira en margir Færeyingar.  Á dögum gagnvirkra samskipta væri bara kurteislegt af mér að taka þátt í atkvæðagreiðslu á vinsældalista færeyska útvarpsins. 

  Næsta skref gæti verið að hvetja til og/eða kenna Íslendingum almennt að hlusta á færeyskt útvarp.  Þar næsta skref gæti verið að sameina íslenska og færeyska ríkisútvarpið og færeyska ríkisútvarpið yrði þá rás 3 í útsendingum RÚV.  Þá gæti ég nefnilega líka hlustað á færeyska útvarpið í bílnum hjá mér.

  Þar þar næsta skref yrði að Færeyjar tækju upp sjálfstæði og yrði sambandsríki Íslands.

  En nú verð ég að hugsa þetta allt upp á nýtt fyrst ég get ekki tekið þátt í atkvæðagreiðslu á færeyska vinsældalistanum.

  Hjördís,  þessi var góður! 

[Ari (IP-tala skráð) 21.12.2008 kl. 19:52]

ok, ég breyti afstöðu minni. Aðeins Jens Guð má kjósa í færeyska vinsældarlistanum, ekki aðrir ;)

jájá endilega annars sameina Færeyjar við Ísland og skuldsetja Færeyinga og ófædd börn þeirra líka. Við verðum bara að koma með eitthvað rosalegt til að sannfæra þá um þetta gylliboð?

[ThoR-E, 21.12.2008 kl. 20:02]

Það á að draga úr "logini" yfir í "atkvædur" ...

come on people!! hehe

[ThoR-E, 21.12.2008 kl. 20:05]

Þegar ég prófaði þetta að þá kaus ég Faroe 5 í fyrsta sæti .. síðan einhver lög þar á eftir ...

Átti ekki Geir Ólafs að vera í 1. sæti ???

Eða var það bara bull ... ??

[Halldór E. (IP-tala skráð) 22.12.2008 kl. 00:02]

Það kom Takk fyri tína atkvøðu! þegar ég va búinn að kjósa 10 og setja Geir okkar in sem aukalag. Er þetta nokkuð fúkyrðaflaumur á Færeysku eða tókst mér að kjósa?

Svo segi ég bara takk fyrir síðast Jens og sjáumst fljótt aftur, ég ætla að setja Jólamaurinn sem þið Geir sunguð saman í spilun, þetta var eðal!

[Jens Guð, 22.12.2008 kl. 11:00]

  Ari,  þetta gerist ekki svo hratt.  Við verðum búin að finna olíu áður.

  Ace,  þetta með 1.  sætið virðist hafa verið einhver misskilningur.

  Dóri,  takk sömuleiðis fyrir síðast.  Færeyingar brúka ekki fúkyrði.  Vita varla hvað það er.