Þetta eru jólabækurnar sem ég mæli með

  Fátt er skemmtilegra og meira við hæfi um jól en næra andann með lestri ljúfra bóka.  Ég er þegar búinn að lesa nokkrar bækur nú á litlu jólunum.  Mér er ljúft og skylt að miðla af minni reynslu.  Með gleði í hjarta get ég mælt með eftirfarandi bókum sem áhugaverðum og ánægjulegum.  Tekið skal fram að myndastærðin af kápum bókanna hefur ekkert með annað að gera en í hvaða stærð ég á þær tiltækar.

  Í  Gullstokkur gamlingjans  rekur Vilhjálmur Hjálmarsson hugljúfar og margar skondnar æskuminningar úr Mjóafirði.  Sjá nánar:  http://www.jensgud.blog.is/blog/jensgud/entry/713864/

  Sá einhverfi og við hin  eftir Jónu Á.  Gísladóttur er safn notalegra frásagna af einhverfum syni hennar.  Sjá: http://jensgud.blog.is/blog/jensgud/entry/736914

 

  Töfrum líkast - Saga Baldurs Brjánssonar töframanns  er skráð af Gunnari Kr.  Sigurjónssyni.  Baldur var og er fremsti töframaður Íslands.  Sjá:  http://jensgud.blog.is/blog/jensgud/entry/732693

  Tabú - Ævisaga Harðar Torfa  segir frá mannréttindafrömuðinum,  baráttumanninum,  tónlistarmanninum,  leikaranum og leikstjóranum sem breytti og er enn að breyta gangi sögunnar.  Skrásetjari er Ævar Örn Jósepsson.  Sjá:  http://www.jensgud.blog.is/blog/jensgud/entry/729597/

  Ég hef nú sjaldan verið algild - Ævisaga Önnu á Hesteyri  er skemmtilegasta bók sem ég hef lesið til margra ára.  Sjá:  http://jensgud.blog.is/blog/jensgud/entry/751586

  Eric Clapton - Sjálfsævisaga  á ekki mikið erindi til annarra en músíkdellufólks og aðdáenda Erics Claptons.  En þeir fá hér fyllri mynd af gítarsnillingnum sem er óvenju mikið þjakaður af allskonar "komplexum" og sálarflækjum.

 

Athugasemdir

[Jóna Á. Gísladóttir, 23.12.2008 kl. 14:09]

Takk Jens minn. Ég er stolt af því að vera á þessum lista hjá þér.

Ég hef ekki lesið neina af þessum bókum... ekki einu sinni mína eigin.

Hörður Torfa er á ''must read'' listanum mínum, en ég mun kíkja á hinar bækurnar fyrir þín orð.

Vinkona mín ein, sem ekki er sérlegur Clapton aðdáandi, las bókina um daginn og var eiginlega bara heilluð. Sá bæði manninn og listamanninn í nýju ljósi.

Gleðileg jól og áramót Jens minn. Takk fyrir bloggvináttu á árinu sem er að líða og öll hlýlegu orðin í minn garð.

[Hjördís (IP-tala skráð) 23.12.2008 kl. 17:57]

Góður listi. Gleðileg jól elsku Jens! Vona að þú hafir það gott yfir jólin og liggir í mikilli leti og afslöppun. Kveðja af horninu

[Magnús Geir Guðmundsson, 23.12.2008 kl. 19:43]

Og kanski ekki undarlegt Jens minn, að clapton sé svona þjakaður, hefur orðið fyrir meiri missi en margur annar og gengið upp og ofan í einkalífinu.Flerlist/kirkjulist, kom hún eitthvað við sögu eða veiðiskapur á Íslandi?

[Magnús Geir Guðmundsson, 23.12.2008 kl. 19:44]

Þig langar svo ekkert að lesa "Tólfsporatorrekis" hans Orra harðar?

[Linda Linnet Hilmarsdóttir, 23.12.2008 kl. 20:46]

Ég og mín kæra fjölskylda viljum óska ykkur öllum gleðilegra jóla og farsældar á komandi ári og þökkum árið sem er að líða.....Jólakveðja

 Linda og Fjölskylda :):):):)

[Ía Jóhannsdóttir, 23.12.2008 kl. 22:24]

Jólakveðja til þín Jensinn minn. NJóttu vel með fjlskyldu og vinum.  Takk fyrir skemmtileg kynni á árinu.

[Jens Guð, 24.12.2008 kl. 00:57]

  Jóna mín,  jólaknús á þig og þína.  Þú varst ein af fystu bloggurum sem ég varð háður eftir að ég byrjaði að blogga í fyrravor.  Bestu þakkir fyrir allar frábæru bloggfærslurnar sem hafa veitt mér skemmtun og gert hvern daginn á fætur öðrum ánægjulegan með lestri á broslegum og notalegum frásögnum af þér og þínum.  Ekki bara af þeim einhverfa heldur líka ýmsum öðrum hugleiðingum og vangaveltum um lífið og tilveruna.  Þú ert frábær rithöfundur og bókin er snilld.

  Hjördís mín,  bestu jólakveðjur til hússins á horninu og innilegar þakkir fyrir frábær kynni á liðnum árum.  Jólaknús á ykkur.

  Maggi meistari,  ég á eftir að lesa bók Orra Harðar.  En ætla að lesa hana.  -  Þó ég sé ekkert voðalega áhugasamur um að lesa um alkahólisma.  Mér þykir skemmtilegra að drekka alkahól en lesa um það. 

  Í bók Eiríks Klappssonar kemur fram að hann stundi veiðiferðir á Íslandi.  Sálarflækjur hans ná alveg aftur til æskuáranna.  Maðurinn hefur verið meira og minna þjakaður af allskonar vandamálum frá upphafi.  Virðist hafa lengst af verið hálfgerður skíthæll.  Ég á eftir að skrá bloggfærslu um bókina.

  Bestu jólakveðjur norður til Akureyrar.

  Linda mín,  jólaknús á þig og þína fjöskyldu. 

  Ingibjörg,  kærar jólakveðjur til þín austur til Tékkó og góðar þakkir fyrir samskiptin á árinu.