Íslenskar plötur í pólskum plötubúðum

  Þegar ég fer til útlanda þykir mér gaman að fletta í gegnum plötulager þarlendra plötuverslana.  Það er rosalega gaman að sjá íslenskar plötur í útlendum plötubúðum.  Veit ekki alveg hvers vegna.  Þetta er bara svona.  Á dögunum var ég í Póllandi og heimsótti þar allar plötubúðir sem ég fann.  Í stærstu plötubúðakeðju Póllands eru helstu nöfn flytjenda merkt sérstaklega.  Það eru um það bil 3 nöfn merkt sérstaklega í hverjum upphafsstaf stærstu nafnanna:  Bítlanna,  The Rolling Stones,  Bob Dylan,  The Clash og,  já,  Björk.  Björk er greinilega risanafn í pólskum plötubúðum.  Þar eru í boði allar sólóplötur hennar og margar smáskífur.  Samtals 15 - 20 titlar.

  Mér til undrunar fann ég enga plötu með Sigur Rós.  En nýjustu plötu Emilíönu Torrini og plötur með pönksveitinni I Adapt og Blásarakvintett Reykjavíkur.  I Adapt er áberandi nafn í Póllandi (les nýlegar færslur mínar) en það kom virkilega á óvart að sjá plötu með Blásarakvintett Reykjavíkur í pólskum plötubúðum. 

   Ég hef grun um að við Íslendingar séum ekki meðvitaðir um hvað Emilíana Torrini er stórt nafn í alþjóðapoppinu.   Fyrir áratug var ég að rúnta á bílaleigubíl í Þýskalandi í nokkra daga.  Þá heyrði ég í útvarpi í tvígang lag með Emilíönu spilað.  Annarsvegar í þýskri útvarpsstöð og hinsvegar í franskri útvarpsstöð.   

  Í pólsku plötubúðunum fann ég einnig plötu með íslenska ríkisborgaranum Vladimir Askinasi (sennilega vitlaust stafsett) þar sem hann spilar á píanó lög eftir Chopin.    

Athugasemdir

[Ómar Ingi, 1.3.2009 kl. 11:43]

Jens þú fannst enga plötur með Sigur rós vegna þess að þær seljast alltaf upp strax hitt ruslið stendur í stað í búðunum og fer svo loks á útsölum

[Siggi Lee Lewis, 1.3.2009 kl. 13:48]

Ég veit ekki hvort plöturnar mínar muni koma til með að rata inn á pólskan markað! Enda mun ég einblína á Bandarískan markað. Að vera með markað í Póllandi er svona eins og að labba á skíðum. Verður að byrja á toppnum!

[Ómar Ingi, 1.3.2009 kl. 16:01]

hehehe Góður Siggi

[Linda Linnet Hilmarsdóttir, 1.3.2009 kl. 16:01]

Knús knús og kveðjur :=)