Sparnaðarráð

  Núna á þessum þrengingartímum er áríðandi að hafa ráð undir rifi hverju.  Eða svoleiðis.  Beita öllum ráðum sem hugsast getur til að ná fram ýtrasta sparnaði.  Sýna samstöðu og skiptast á sparnaðarráðum.  Hér er eitt sem getur sparað heimili þínu gífurlega háar upphæðir með tíð og tíma:

  Þegar þú átt leið í matvöruverslun er best að velja háannatíma.  Þú væflast eins og illa gerð tuska svo lítið ber á í nálægð við útgöngudyrnar.  Ekki líður á löngu þangað til kúnni gengur hjá og hendir í leiðinni kassakvittuninni.  Þá er lag.  Þú tekur kassakvittunina upp,  snarast inn í búð og verslar allt það sama og sá sem henti kvittuninni.  Góssinu stingurðu í góðan margnota innkaupapoka og þvælist með þetta út á leið.  Þá pípar þjófavarnarkerfið og starfsmaður kemur hlaupandi.  Þú sýnir honum kvittunina og biður hann um að fara yfir innihald pokans.  Allt stemmir eins og stafur á bók og þú ert beðin/n afsökunar á ónæðinu.

  Þetta sparnaðarráð er ekki frá mér komið og ég fordæmi það.  Hér eru fleiri sparnaðarráð:

http://jensgud.blog.is/blog/jensgud/entry/665336

http://jensgud.blog.is/blog/jensgud/entry/640833

http://jensgud.blog.is/blog/jensgud/entry/530712

http://jensgud.blog.is/blog/jensgud/entry/537968

http://jensgud.blog.is/blog/jensgud/entry/501251

http://jensgud.blog.is/blog/jensgud/entry/686753

 

Dregið úr vægi verðtryggingar

Athugasemdir

[Gjagg (IP-tala skráð) 18.3.2010 kl. 05:57]

Ertu búinn ad lesa?: http://gudbjornj.blog.is/blog/bubbi/entry/1031190/

[Å s d ì s Sig, 18.3.2010 kl. 11:27]

Mér finnst nú ljótt af þér að koma með svona sparnaðarráð, það blæðir alltaf einhver á endanum. Það er alveg nóg til að fólki sem er að reyna að stela og kemst upp með það, þó svo að ekki sé verið að kenna fleiri leiðir.

[Å s d ì s Sig, 18.3.2010 kl. 11:27]

p.s. og þótt þú fordæmir það, þá ertu búin að koma því á prent.

[Hamarinn, 18.3.2010 kl. 11:45]

Væri þá ekki ráð hjá öryggisvörðunum, að biðja um að fá að sjá kortið. Íslendingar versla jú bara út á krít. Það væri hægt að nota þetta sparnaðarráð´´i Noregi, þar verslar ´fólk fyrir beinharða peninga.

[Gjagg (IP-tala skráð) 18.3.2010 kl. 13:36]

Vissi um einn sem sparadi straetóskiptimida í eitt ár í sama tilgangi.

Annars er einfalt ad sjá vid thessu thví tími vidskipta kemur fram á kassakvittuninni.

[Grefillinn Sjálfur - Koma svo! (IP-tala skráð) 18.3.2010 kl. 16:45]

Ég er líka með fínt sparnaðarráð: Maður fer í búð, velur sér samloku eða eitthvað annað girnilegt og eitthvað að drekka með. Síðan étur maður samlokuna og drekkur drykkinn á meðan maður skoðar allar hinar vörurnar sem maður hefur ekki efni á að kaupa. Svo labbar maður út bæði saddur, glaður og upplýstur - og nákvæmlega jafnblankur og þegar maður kom.

[Ómar Ingi, 18.3.2010 kl. 18:15]

Í anda FF

[Siggi Lee Lewis, 18.3.2010 kl. 19:35]

Heyrðu, þetta þvílíkt svínvirkar!

[Siggi Lee Lewis, 18.3.2010 kl. 19:37]

Ómar hvað varð affærsluni um Óskars spánna?

[Jens Guð, 18.3.2010 kl. 21:30]

  Gjagg,  ég var ekki búinn að lesa þett.  Takk fyrir ábendinguna.  Ég er hinsvegar ekki alveg sammála kauða.

[Jens Guð, 18.3.2010 kl. 21:31]

  Ásdís,  þetta er ekki prentmiðill þannig að ég hef ekki sett þetta á prent.  Þar fyrir utan setti ég þetta óvart inn.  Ýtti á vitlausan takka.

[Jens Guð, 18.3.2010 kl. 21:33]

  Hamarinn,  "trixið" er að það fattar þetta enginn.  Fyrir bragðið er ekki beðið um kvittun fyrir kortagreiðslu.  Reyndar er einnig hægt að kíkja á tímasetningu á kassakvittuninni.  En það hefur enginn rænu á því.

[Å s d ì s Sig, 18.3.2010 kl. 22:45]

ok Jens minn, það hafa samt ábyggilega margir lesið þetta í dag

[Hannes, 18.3.2010 kl. 23:55]

Takk fyrir þessar upplýsingar. Ég bið fólk vinsamlegast að nota þær bara í búðum sem eru í eigu manna sem eru að fá skuldir sínar afskrifaðar og bera ábyrgð á ástandinu ef einhver ætlar að gera þetta á annað borð.

[Jens Guð, 19.3.2010 kl. 11:28]

  Gjagg (#5),  hvernig fór hann að því?

[Gjagg (IP-tala skráð) 20.3.2010 kl. 10:41]

Hann tók alltaf skiptimida hvort sem hann thurfti á honum ad halda eda ekki og geymdi hann í eitt ár med thad í huga ad nota skiptimidana sem hann safnadi eftir nákvaemlega eitt ár.