Snjöll kráka

  Krákur eru þokkalega vel gefnar;  sjálfbjarga og útsjónarsamir fuglar.   Krákunni þykir fátt betra en hnetukjarnar.  Vandamálið er að hnetuskeljar geta verið illbrjótanlegar fyrir litla kráku.  Þá er gripið til þess ráðs sem hér sést:  Krákan kemur sér fyrir beint fyrir ofan gangbraut þar sem umferðarþungi er mikill.  Krákan lætur hnetuna falla á gangbrautina.  Þegar þungir vörubílar aka þar um "smassa" þeir hnetuskelina.  Krákan þarf þá aðeins að bíða eftir grænu gönguljósi.  Þegar kviknar á því röltir hún út á gangbrautina og gæðir sér á hnetukjarnanum í flýti áður en kviknar á rauða umferðarljósinu.   

Athugasemdir

[Jenný Stefanía Jensdóttir, 5.5.2010 kl. 17:49]

Algjörlega þokkalega vel gefnar!  Bý í krákulandi, kl. 8.30 á hverju kvöldi verður himinblár himininn svartur af krákum.

Þær stefna allar í eina átt, þar sem þær hittast á "krákuþingi" í völdum garði á svæðinu.  Þar krunka þær saman og fljúga svo hver til síns heima.  Hitchcok "Birds" kemst ekki í hálfkvisti við þessa stórfurðulegu sýn.  Gaman væri að vera fluga á tré og skilja krákísku, á þessum daglegu krákuþingum.

[Sigrún Aðalsteinsdóttir, 5.5.2010 kl. 20:01]

Þetta segir manni að krákur eru allavega ekki litblindar. Kannski væru þær betri bílstjórar en sumar mannverur sem á vegi manns verða.

[Halla Rut , 5.5.2010 kl. 23:11]

Sniðugt.

[Hannes, 6.5.2010 kl. 19:15]

Það er ótrúlegt hvað fuglar eru gáfuð dýr eins og þetta myndband sýnir mjög vel en þetta er ekkert miðað við tækni sem gullörn notar til að veiða geitur.

[Jens Guð, 7.5.2010 kl. 02:16]

  Jenný,  mér skilst að krákur geti lært að tala mannamál,  líkt og páfagaukar.  Ef það er rétt ættum við mannfólkið líka að geta lært krákumál.

  Sigrún,  ég hef heyrt að krákur séu ekki aðeins með ágætt litaskyn heldur einnig glysgjarnar.  Sækja í fallega liti og allt sem glampar á.

[Jens Guð, 7.5.2010 kl. 02:45]

  Halla Rut,  þetta er dálítið krúttlegt.

  Hannes,  assgotier örninn hress.  Ég er viss um að lömbin eru töluvert hissa.

[Hannes, 8.5.2010 kl. 12:59]

Jens þessi örn er ótrúlegur og sýnir það vel að fuglar eru gáfaðir.

[Sigurbjörg Sigurðardóttir, 8.5.2010 kl. 15:56]

Aldrei hefur mér líkað við þessa öskrandi svörtu fugla.Þó þeir séu gáfaðir ,kemur hrollur í mig og ég geri alltaf korna merki sem er ekta italst eins og einn fingurinn í bandarísku merkingu þegar ég heyri í þeim.