Sea Shepherd-liðar sváfu af sér hvalveiðar í Færeyjum

  Í allt sumar,  alveg frá júníbyrjun,  hafa 100 félagar í bandaríska hryðjuverkahópnum Sea Shepherd haldið úti vöktum í Færeyjum. Starað dag og nótt út á haf í því hlutverki að koma auga á hval.  Þeir eru í herferð gegn hvalveiðum Færeyinga.  Átakið kallast Grind Stop 2014.  Margt spaugilegt hefur borið til tíðinda.  Það helst að vöktun SS-liðanna hefur verið tíðindalaus í allt sumar.  Hvalurinn hefur ekki látið á sér kræla.  Það er fyrir löngu síðan orðin verulega vandræðaleg staða fyrir Sea Shepherd. Sú er ástæðan fyrir því að dvölin í Færeyjum var framlengd.  Vaktin átti að standa fram í miðjan ágúst en stendur enn.  

 

  Í Fésbókarfærslum SS-liða hefur borið á ólund yfir aðgerðarleysi í Færeyjum,  tilbreytingarleysi og einhæfri stöðu að stara á haf út á vöktum heilu og hálfu dagana.

 

 Í morgun bar til tíðinda að loksins sást til nokkurra hvala uppi í fjöru í Hvalba.  Hvalveiðimenn héldu af stað.  Þeir óku framhjá bíl þriggja Sea Shepherd vaktmanna.  Þeir reyndust allir vera steinsofandi í bílnum og hrutu eins og sögunarverksmiðja í Brazilíu.  Illar tungur herma að þeir hafi reykt of stíft af hassi.  Kannski rangt.  Kannski rétt.

 

  Af tillitssemi við svefn,  hrotur og drauma sofandi SS-liðanna var haft hljótt um hvalrekann.  Öfugt við það sem venja er þegar mótorbátar eru ræstir út og herkvaðning með látum.  Þess í stað voru hvalirnir vegnir í kyrrþey í fjörunni og hvalkjötinu skipt á milli íbúa Hvalba.  Heldur betur góð búbót.   

 

  Eins og oft áður eru SS-liðar gríðarlegt aðhlátursefni í Færeyjum. Í þetta sinn fyrir að hafa hrotið í draumförum á meðan hvalur var veiddur og veginn fyrir framan trýnið á þeim steinsofandi og afvelta inni í eftirlitsbíl.   Héðan í frá kalla Færeyingar SS-samtökin aldrei annað en Sleep Shepherd.  

 

 

Athugasemdir

[Jón Valur Jensson, 29.8.2014 kl. 00:12]

Góður pistill, Jens!

Seinheppin þessi syfjuðu SS-öfgasamtök!

[Eyjólfur Jónsson, 29.8.2014 kl. 11:14]

Jú, góður er pistillinn, en betri eru nágrannar okkar í að kljást við þetta vorkunarlega lið sem þeir safna saman á sumrin þegar háskólar eru lokaðir. Já háskólaliðin geta verið misjöfn í gæðum núna.

[Ásthildur Cesil Þórðardóttir, 29.8.2014 kl. 13:59]

Sé fyrir mér gott efni í gamanbíómynd, sem yrði örugglega sprenghlægileg.

[Sigurður Kristján Hjaltested, 29.8.2014 kl. 18:09]

Alltaf góður Jens.

Áfram Færæskt Gull.

[Jens Guð, 29.8.2014 kl. 20:32]

Jón Valur, takk fyrir það.

[Jens Guð, 29.8.2014 kl. 20:33]

Eyjólfur, satt segir þú.

[Jens Guð, 29.8.2014 kl. 20:35]

Ásthildur Cesil, svo skemmtilega vill til að ungur maður nefndi við mig í dag að þetta gæti orðið meiriháttar spaugileg sena í kvikmynd.

[Jens Guð, 29.8.2014 kl. 20:36]

Sigurður Kristján, takk fyrir það.

[Ásthildur Cesil Þórðardóttir, 31.8.2014 kl. 03:14]

Já það skil ég vel, þetta er tækifæri sem ekki er hægt að sleppa.