Hlálegur misskilningur og eintómt rugl með "selfie"

 

  Það var ekki auðhlaupið að því að koma atvinnuleysi niður í það lægsta sem þekkst hefur í Evrópu.  Síst af öllu þegar samtímis eru boðaðar mestu kjarabætur sem þekkst hafa í Evrópu.  Svo ekki sé talað um að í ofanílag bætist stórtækasta skuldaleiðrétting sem þekkst hefur í öllum heiminum.  Upp á 300 eða 400 milljarða.  Og það öll á kostnað útlendra hrægamma án þess að íslenskir skattgreiðendur þurfi að leggja fram krónu.  Allt beint í vasann.  Ekki króna úr sameiginlegum ríkissjóði landsmanna.

  Forsætisráðherrann hefur í fögnuði yfir framvindu mála opinberað af sér fyrstu "selfie" ljósmynd mannkynssögunnar - að meðtalinni Biblíunni,  mörg þúsund ára gömlum þjóðsögum gyðinga í Arabíu.  Þær eru að mestu án ljósmynda.  Engin "selfie".  Og án trúverðugra teiknimynda ef út í það er farið. 

  Þegar SDG var 4 eða 5 ára eignaðist hann myndavél.  4 eða 5 árum síðar tók hann af sér "selfie" mynd.  4 eða 5 árum eftir það leit hann yfir sköpunarverk sitt.  Það var harla gott.  Það var betra en þegar skapari himins og jarðar leit yfir sköpunarverk sitt eftir að hafa í kolsvartamyrkri skapað ljós.  Nokkru síðar greindi hann það frá myrkrinu.  Í millitíðinni var algjört rugl á ljósi og myrkri. 

  Fyrir 4 eða 5 árum síðan dustaði SDG rykið af "selfie" myndinni sinni. af sér.  Núna,  4 eða 5 árum síðar skynjaði hann þörf heimsbyggðarinnar fyrir myndinni.  4 eða 5 geta vistað þær í tölvu,  prentað þær í 4 eða 5 eintökum út á pappír í lit,  rammað þær inn og hengt upp á svefnherbergisvegg.  4 eða 5 hafa þegar gert það.  Allir með lögheimili á eyðijörð á norð-austurhluta landsins.     

  Þegar tímasetningar sem SDG nefnir og aldur ríma ekki við raunveruleikann er vert að hafa í huga að fyrir honum er einn dagur sem þúsund ár og fyrir honum eru þúsund ár sem einn dagur.   

    

 

Sigmundur birtir gamla „selfie“

Athugasemdir

[Helgi Armannsson (IP-tala skráð) 9.9.2014 kl. 04:16]

góður I love your sarcastic humour

[Axel Jóhann Hallgrímsson, 9.9.2014 kl. 06:32]

Forsætisráðherrann minnir á leikmynd í lélegum vestra, reisuleg hús sjást meðfram aðalgötunni en auðnin ein er að baki framhliðinni.

[Ásthildur Cesil Þórðardóttir, 9.9.2014 kl. 08:04]

Haha góður.

[Stefán (IP-tala skráð) 9.9.2014 kl. 08:16]

Samviskulaus loddari og froðusnakkur, enda flokkur hans fylgislaus að verða og á leið undir græna torfu þar sem hann á heima með ormum og pöddum.   

[Grrr (IP-tala skráð) 9.9.2014 kl. 19:10]

Þessir 4 eða 5 aðdáendur hljóta að vera aðdáendur fyrir einhern mikinn misskilning.

Rugla honum saman við Sigmund Freud eða eitthvað.

[Jens Guð, 9.9.2014 kl. 20:52]

Helgi, takk fyrir það.

[Jens Guð, 9.9.2014 kl. 20:54]

Axel Jóhann, góður!

[Jens Guð, 9.9.2014 kl. 20:55]

Ásthildur Cesil, bestu þakkir fyrir það.

[Jens Guð, 9.9.2014 kl. 20:55]

Stefán, það er margt til í því.

[Jens Guð, 9.9.2014 kl. 20:56]

Grrr, SDG er sjálfur einn af þessum 4 eða 5.