Alþjóðlegi The Clash dagurinn

  Undanfarin ár hafa útvarpsstöðvar víða um heim haldið árlegan The Clash dag.  Dagsetningar hafa verið ósamræmdar og tengdar ýmsu í sögu The Clash.  Bandaríska útvarpsstöðin KEXP hélt sig framan af við daginn 5. febrúar.  Sú dagsetning hefur einnig verið kölluð pönk-dagurinn.  

  Nú hefur náðst sátt um það að alþjóðlegi The Clash dagurinn sé 7. febrúar.  Borgarstjóri bandarísku borgarinnar Seattle hefur undirritað formlega yfirlýsingu þess efnis.  Þegar ráðamenn í Seattle tjá sig um rokktónlist þá hlusta rokkunnendur heimsins.  Seattle var og er vagga gruggsins (grunge).  Hægt er að telja upp marga tugi heimsfrægra Seattle-rokkara.  Hæst bera gruggsveitirnar Nirvana,  Pearl Jam,  Soundgarden,  Alice in Chains og Mudhoney. Líka má nefna gítargoðið Jimi Hendrix og þungarokksveitina Queenryche. Bara svo örfá af mörgum nöfnum séu tiltekin.

 

  Hvar kemur The Clash inn í dæmið?

  The Clash var önnur tveggja enskra hljómsveita sem mótuðu pönkbyltinguna 76/77.  Hin var The Sex Pistols.  Sú startaði dæminu og fékk The Clash strax þétt upp að hlið sér.  Sex Pistols sendi aðeins frá sér eina plötu,  frábæra og áhrifamikla plötu.  Síðan ekki söguna meir.  Það kom í hlut The Clash að þróa pönkbyltinguna yfir í litríka og fjölbreytta nýbylgju.  Þar á meðal kynnti The Clash pönk-reggí til sögunnar.  Það varð umsvifalaust fylgifiskur pönks.  

  The Clash varð ofurgrúppa á heimsvísu.  Seldi plötur í Bandaríkjunum í milljónaupplögum og út um allan heim. The Clash varð fyrirmynd Seattle gruggaranna.  Án The Clash hefði ekki orðið neitt grugg.  Það eru rökin fyrir því að borgarstjóri Seattle lýsi 7. febrúar alþjóðlega The Clash daginn.  

 

Athugasemdir

[Þórður Bogason (IP-tala skráð) 7.2.2016 kl. 20:02]

Góður pistill

Annars var ég að sjá langa auglýsingu frá orkuveitunni og að sjálfsögðu stökk ég upp og kveikti öll ljós

[Steingrímur Helgason, 7.2.2016 kl. 20:24]

Góð greining, gervigrazalæknir góður & vel gert hjá borgarztýrunni.

.

[Þórður Bogason (IP-tala skráð) 8.2.2016 kl. 07:43]

Góður pistill

Annars var ég að sjá langa auglýsingu frá orkuveitunni og að sjálfsögðu stökk ég upp og kveikti öll ljós

[Stefán (IP-tala skráð) 8.2.2016 kl. 08:25]

Án Neil Young, ekkert grunge !  Spyrjið bara Eddie Wedder.

[Stefán (IP-tala skráð) 8.2.2016 kl. 08:40]

Fletti grunge upp í Wikepedia og þar eru hljómsveitirnar Sonic Youth, Dinasour Jr. Pixies og Black Flag nefndar sem helstu áhrifavaldar og Neil Young sagður Guðföður Grunge tónlistar. Svo höfðu t.d. Black Sabbath mikil áhrif líka á Nirvana, Alice in Chains og ekki hvað síst Soundgarden.   

[Jens Guð, 8.2.2016 kl. 18:20]

Þórður,  takk fyrir það.  Og gott hjá þér að hjálpa Orkuveitunni að tappa af smá rafmagni.  Annars hringsólar það bara í erindisleysu um rafmagnslínurnar.

[Jens Guð, 8.2.2016 kl. 18:22]

Steingrímur, ég þakka fyrir hönd mín og borgarstýrunnar. 

[Jens Guð, 8.2.2016 kl. 18:23]

Stefán,  straumarnir sem skópu guggið komu víða að.