Best í Færeyjum

  Flestallt er best í Færeyjum.  Ekki aðeins í samanburði við Ísland.  Líka í samanburði við önnur norræn lönd sem og þau helstu önnur lönd sem við erum duglegust að bera okkur saman við.  Nægir að nefna að meðalævilengd er hæst í Færeyjum;  atvinnuleysi minnst;  atvinnuþátttaka mest;  hjónaskilnaðir fæstir;  fátækt minnst og jöfnuður mestur;  sjálfsvíg fæst;  krabbameinstilfelli fæst;  glæpir fæstir;  barneignir flestar;  fóstureyðingar fæstar;  hamingja mest;  heilbrigði mest og pönkrokkið flottast.  Bara svo örfá atriði séu tiltekin.

  Ekki nóg með það heldur eru færeyskar kindur frjósamastar.  Hérlendis og víðast eignast kindur aðallega eitt til tvö lömb í einu.  Færeyskar kindur eru meira í því að bera þremur lömbum og allt upp í sjö!  Það er heimsmet.  

 

Athugasemdir

[Jóhann Elíasson, 16.4.2023 kl. 13:22]

Ég get alveg tekið undir það sem hér er skrifað svo get ég bætt því við að mér hefur alltaf liðið vel í Færeyjum og fundið fyrir miklum velvilja þar, þau skipti sem ég hef komið þangað, sem er bara nokkuð oft.........

[Jens Guð, 16.4.2023 kl. 13:32]

Jóhann,  ég kvitta upp á hvert orð hjá þér.  Strax og komið er inn í flugstöðina í Vogum hellist yfir mig vellíðan og afslöppun.  

[Stefán (IP-tala skráð) 16.4.2023 kl. 13:34]

Eðlilega eru kindur þrílemdar í landi sem heitir Fjáreyjar og vonandi drepur ekki riðuveiki fjárstofna þar eins og hér. Það virðist vera lenska hjá þeim sem stjórna hverju sinni á Íslandi að vilja ekki taka sér gott stjórnarfar annara til fyrirmyndar. Við gætum t.d. lært margt gott af færeyingum en gerum ekki. Ég var reyndar hissa þegar ég heyrði nýlega í fréttum um talsverðan fjölda heimilislausra í Þórshöfn. Hugsanlega svipuð prósenta og er í Reykjavík ?

[Jens Guð, 16.4.2023 kl. 14:21]

Stefán,  það eru alveg til ógæfumenn í Færeyjum.  Menn sem glíma við andleg veikindi og hafa misst fóta í áfengisfíkn.  Eitthvað svoleiðis er í öllum þjóðfélögum en er í lágmarki í Færeyjum.  Færeyingar eru alveg að detta í 55 þúsund.  Ógæfumennirnir eru langt undir 0,1%.   

[Bjarni (IP-tala skráð) 16.4.2023 kl. 16:04]

Búinn að vera að reyna að finna eitthvað slæmt að segja um Færeyinga, eina sem mér datt í hug var mamma bekkjabróður míns sem rak mig úr vinnunni fýrir 40 árum, hún var Færeyingur, búsett á skérinu.

[Jens Guð, 16.4.2023 kl. 16:17]

Bjarni,  góður!

[Stefán (IP-tala skráð) 16.4.2023 kl. 17:02]

Samherji og ,, Samherjamálið ,, teigja sig til Færeyja og virðist sem dótturfélög þeirra þar hafi verið notuð / misnotuð sem einskonar leppar ?: Samherjafélagið Framherji í Færeyjum millifærði ( var látið millifæra ) peninga til félaga Samherja á Kýpur. Dótturfélagið Tindhólmur í Færeyjum mun hafa tekið við millifærslum upp á hálfa milljón bandaríkjadala til að greiða starfsfólki Samherja í Namibíu. Færeyskir fjölmiðlar og sjónvarpið þar gerðu mikið úr þessum málum og ég er viss um að þar ríkir meira fjölmiðlafrelsi en á Íslandi. Já, það er dapurlegt og til háborinnar skammar hvað lítið fjölmiðlafrelsi rikir hér á landi. Það gerir kláarlega að verkum að spilling fær að blómstra hér.  

[Sigurður I B Guðmundsson, 16.4.2023 kl. 17:48]

Í gamla daga var stundum sagt: Færingur á hvolfi! En í dag er það Ísland sem er á hvolfi en ekket í Færeyjum. Við gætum svo sannalega lært mikið af þeim. 

[Jens Guð, 16.4.2023 kl. 17:55]

Stefán (#7),  þetta hafði eitthvað með það að gera að færeyskir sjómenn njóta skattafríðinda.  Samherji skráði þess vegna namibíska sjómenn sem færeyska sjómenn - þó að þeir namibísku hefðu aldrei til Færeyja komið.  Eitthvað fleira svindl var í gangi.  

[Jens Guð, 16.4.2023 kl. 17:57]

Sigurður I B,  alveg rétt:  Íslendingar gætu svoooo margt lært af Færeyingum.  

[Stefán (IP-tala skráð) 16.4.2023 kl. 20:35]

Er að fylgjast með spennandi glæpaseríu í DR1 sem heitir Trom og gerist í Færeyjum. Íslendingar koma að framleiðslu þáttanna sem eru í sex hlutum og klárast í kvöld á DR1. 

[Wilhelm Emilsson, 16.4.2023 kl. 22:01]

Jens Guð og Brimkló eiga ekki margt sameiginlegt, en eru samt sammála um að Færeyjar eru frábærar 😄

Þar þrífst enginn skríll

Yfir þjóðinni er stíll

Þótt Frón sé kær eyja

langar mig samt til Færeyja.

Brimkló, "Færeyjar."

yfir 

Gþjóðinner Emstíll,

þótt AFrón sé kær eyja, langar mig Dsamt til FæreyjAa.  

[Wilhelm Emilsson, 16.4.2023 kl. 22:02]

Þarna átti broskarl af fylgja með 

[Vagn (IP-tala skráð) 16.4.2023 kl. 22:43]

Það er kosturinn við sð hanga á spena þeirra Dönsku. Við slitum okkur frá 1944 og höfum þurft að fjármagna okkur sjálf síðan. En það fylgja því ókostir að vera ekki ölmusumaður.

[Jens Guð, 17.4.2023 kl. 06:29]

Stefán (#11),  því miður er ég ekki með DR1.  Í danskri glæpamynd sem heitir Blinkende lugter (eða eitthvað svoleiðis) er apal brandarinn að versti glæpamaðurinn og mesti hrottinn er Færeyingur.

[Jens Guð, 17.4.2023 kl. 06:30]

Vilhelm,  takk fyrir ábendinguna.  

[Jens Guð, 17.4.2023 kl. 06:38]

Vagn,  það er ofsögum sagt að Færeyingar séu á spena Dana.  Þegar allt er reiknað fara meiri peningar frá Færeyjum til Danmerkur en öfugt.  Ég man ekki nákvæma prósentu - hún lækkar ár frá ári - en hlutur danskra peninga í fjárlögum Færeyja er í námunda við 5%.  

[Vagn (IP-tala skráð) 17.4.2023 kl. 08:05]

5% í góðæri og aukafjárveitingar í stór verkefni. Góð 20% þegar illa árar eða hrun verður á heimsvísu. Það er ekki vont að vera tryggður gegn áföllum.

[Birgir Loftsson, 17.4.2023 kl. 08:28]

Svo eru Færeyingar með besta vegakerfi í heimi. Jarðgöng eða brýr milli allar eyjarnar í byggð. Nú er bara Suðurey eftir þegar Sandoy tunnilin fer í gagnið í desember. Sem yrði svipuð göng og til Vestmannaeyjar.

Þessi uppbygging hefur kostað sitt en hver jarðgöng borga sig upp á 15 árum. Ferjusigling mun leggjast af þá nánast.  Í raun þurfa þeir enga peninga frá Danmörku þegar þessari uppbyggingu er lokið. Af hverju geta Íslendingar ekki lært af frændum sínum?

[Vagn (IP-tala skráð) 17.4.2023 kl. 09:31]

Birgir, Færeyingar hafa vasa Dana. Hvað getum við lært af því? Í hvaða vasa getum við sótt pening til framkvæmda?

[Jens Guð, 17.4.2023 kl. 09:37]

Vagn (#18),  það hefur ekki árað illa í Færeyjum síðan upp úr 1990.  

[Jens Guð, 17.4.2023 kl. 09:38]

Birgir,  ég tek undir hvert orð hjá þér.

[Jens Guð, 17.4.2023 kl. 09:40]

Vagn (#20),  Færeyingar fjármagna sjálfir allt sitt gatnakerfi.  Danir koma þar hvergi nærri.

[Þorvaldur Sigurðsson (IP-tala skráð) 17.4.2023 kl. 10:20]

Það er ekki rétt að jarðgöng eða brú tengi hverja eyju í byggð þegar Sandeyjargöngin verða tekin í brúk. Þá eru eftir Stóri-Dímon, Skúfey, Hestur, Mykines, Nólsey, Kalsey, Svíney og Fugley. Jafnvel mætti taka Koltur með.

[Birgir Loftsson, 17.4.2023 kl. 11:33]

Þorvaldur, ég er að tala um byggðar eyjar. Og ég tók einnig fram að Suðurey væri eftir. 

Hér er listi yfir göng í Færeyjum. Nú eru fimm jarðgöng í uppgrefri. Fyrirhuguð göng sem eftir eru, eru gæluverkefni utan Suðureyjagöng. Sjá listann hér að neðan:

List of tunnels of the Faroe Islands - Wikipedia

[Vagn (IP-tala skráð) 17.4.2023 kl. 12:34]

Eylíft góðæri í boði Dana.

[Stefán (IP-tala skráð) 17.4.2023 kl. 19:03]

Minni á að Færeyingar lánuðu íslenska ríkinu 6,6 milljarða eftir hrunið 2008, fyrstir allra þjóða. Færeyingar voru okkur mjög hjálplegir með peninga sem þeir söfnuðu vegna snjóflóðanna á Flateyri og Súðavík, einnig eftir Vestmannaeyjagosið. Færeyingar eru okkar bestu bandamenn og vinir þegar á reynir. Ég myndi treysta færeyingum betur til að stjórna Íslandi í dag en aðgerðalausri og ráðalausri ríkisstjórn. 

[Magnús Sigurðsson, 17.4.2023 kl. 20:03]

Mæl þú manna heilastur Jens.

Aumingja Vagn veit um allt þar sem hann hefur aldrei komið. Það sem skilur t.d. á milli er að Færeyingar halda ekki upp flottræfilshætti á við utanríkisþjónustu. Hvað heldur þú að utanríkisráðherfan sé búin að kosta Íslendinga stór jarðgöng bara á þessu ári?

Og fyrirgefðu Jens að ég skuli rífa kjaft á þinni síðu, en ég þoli ekki þegar fábjánar hælbíta Færeyinga.

[Sigurður I B Guðmundsson, 17.4.2023 kl. 21:42]

Magnað með "Dragúlavagninn" (hann þolir ekki dagsljósið) að það eina sem kemur frá honum er neikvætt!

[Jens Guð, 18.4.2023 kl. 06:15]

Birgir (#25),  takk fyrir ábendinguna.

[Jens Guð, 18.4.2023 kl. 06:17]

Stefán (#27),  gott að minna á og rifja þetta upp!

[Jens Guð, 18.4.2023 kl. 06:18]

Magnús,  takk fyrir það. 

[Jens Guð, 18.4.2023 kl. 06:19]

Sigurður I B (#29),  hehehe!  

[Vagn (IP-tala skráð) 18.4.2023 kl. 08:04]

Það tók ekki langan tíma fyrir Sigurð og Magnús að fara í manninn. Og Magnús ég hef komið til Færeyja. Þar er margt gott en sjálfstæða þjóð með eigin gjaldmiðil ekki að finna og ekki allt Færeyingum að þakka. Krónan okkar og sjálfstæðið kostar. Allur samanburður er því ósanngjarn.

[Sigurður I B Guðmundsson, 18.4.2023 kl. 10:12]

Það er ekki hægt að fara í "manninn" ef enginn er á bak við athugasemd nema einhver "vagn" sem þolir ekki dagsljósið og er í felum alveg eins og Dragúla. 

[Geir Ágústsson, 18.4.2023 kl. 10:18]

Færeyingar stóðu líka í lappirnar á veirutímum skilst mér. 

[Birgir Loftsson, 18.4.2023 kl. 12:32]

Já, hver er maðurinn á bakvið Vagn? Getur þú Vagn upplýst okkur? 

[Vagn (IP-tala skráð) 18.4.2023 kl. 13:13]

Ég veit ekkert hversu ruglaðir, ofbeldisfullir og siðblindir þið eruð, þó mig gruni ýmislegt. Þannig að það er bara grundvallar öryggisatriði að veita ykkur ekki upplýsingar sem þið hafið ekkert að gera með og kemur umræðuefninu ekkert við.

[Jens Guð, 18.4.2023 kl. 15:18]

Geir,  það er rétt hjá þér.

[Sigurður I B Guðmundsson, 18.4.2023 kl. 15:59]

Nú fór "Vagninn" út af og á hvolf. 

[Vagn (IP-tala skráð) 18.4.2023 kl. 17:05]

Tölur frá Færeyjum segja annað en ætla má að Geir eigi við. En þar voru skimanir í heimsmetsgildum (14 per íbúa) ásamt bólusetningum niður í 12 ára, nokkuð sem Geir kvartaði mikið yfir og taldi aumingjaskap og óþarfa hræðslu þar sem þó minna var gert af því, fjöldi fólks sett í einangrun og dauðsföll hlutfallslega fleiri en hér. Geir hefur sennilega lítið sem ekkert frétt frá Færeyjum og ályktað út frá því að allt hafi gengið sinn vana gang.

Snerti ég viðkvæma taug Sigurður?

[Sigurður I B Guðmundsson, 18.4.2023 kl. 17:34]

Held að þú ættir bara að vera utanvegar og halda áfram að vera í felum. Nenni ekki að eyða meiri tíma í nafnleysingja. 

[Vagn (IP-tala skráð) 18.4.2023 kl. 20:07]

Og það þó þú virðist ekki hafa áhuga á neinu öðru Sigurður. Þú minnist ekki einu orði á Færeyjar þó þær séu umræðuefnið hér.

[Stefán (IP-tala skráð) 18.4.2023 kl. 21:06]

Bíð spenntur eftir næstu glæpaseríu af Trom sem gerist í Færeyjum. Greinilega má sjá þar stælingar á glæpaseríunni Shetland. Burtséð frá glæpum sem þessar seríur snúast um, þá eru lagðar miklar áherslur á að sýna fallegt og fjölbreytt landslag Færeyja, og Hjaltlandseyja sem vissulega má kalla nágrannaeyjar. 

[Stefán (IP-tala skráð) 19.4.2023 kl. 21:21]

Reyndar er ég búinn að taka eftir því núna að þessi Færeyska ( dansk / íslenska ) TROM glæpasería er öll á Vodinu hjá RÚV og ég mæli mjög með henni. Held að ég horfi þá bara aftur á hana með íslenskum texta, því að ég náði ekki allri færeyskunni sem ekki var þýdd yfir á dönsku. Svo er bara að bíða eftir næstu sex þátt framhaldsseríu af TROM. Gaman að þessar þjóðir vinni svona saman að kvikmyndun. Samnorrænar seríur finnast mér alltaf vel heppnaðar. 

[Jens Guð, 20.4.2023 kl. 15:55]

Vagn (#41),  Færeyingar voru duglegir við skimanir - sem var/er kostur.  Sömuleiðis voru þeir duglegir að bólusetja - hvaða augum sem við lítum á það í dag.  Framan af faraldri stóðu Færeyingar flestum framan.  Er á leið og takmörkunum var aflétt kom bakslag,  líkt og gerðist hjá fleirum.  Varðandi dauðsföll ber að hafa í huga að fólk sem dó úr hvaða sjúkdómi sem var það var skráð covid-fórnarlamb ef það greindist með covid.   

[Jens Guð, 20.4.2023 kl. 15:59]

Stefán (#45),  ég er ekki með Premium-áskrift hjá Símanum.  Ég horfi lítið á sjónvarp.  Árs áskrift kostar 90000.  En það er freistandi að kíkja á Trom.  Mig minnir að Eivör eigi einhverja músík í þáttunum.  

[Stefán (IP-tala skráð) 21.4.2023 kl. 21:28]

Uppáhalds útvarpsþátturinn minn er Fuzz með Óla Palla á Föstudagskvöldum. Er að hlusta á þáttinn þegar ég skrifa þetta. Gestastjórnandi í kvöld er ,, utangarðsmaðurinn ,, Mikki Pollock með svakalega flott lagaval eins og Óli Palli. Ég nefni þetta vegna þess að í upphafi þáttarins spilaði færeyjavinurinn Óli Palli færeyska tónlist og ræddi færeyskt tónlistarfólk. 

[Jens Guð, 22.4.2023 kl. 08:23]

Stefán (#48),  ég var að hlusta á þetta núna í Rúv-spilaranum.  Dúndur flottur þáttur:  https://www.ruv.is/utvarp/spila/fuzz/23856/7hctga