Jenka - og allt verður vitlaust! Þvílíkt stuð!

  Í þriðja þætti  Færibands  Bubba á rás 2 í kvöld með Ragga Bjarna sem viðmælanda fóru þeir félagar enn og aftur á kostum.  Aldeilis frábært útvarpsefni.  Raggi er snilldar sögumaður og þeir Bubbi ná einstaklega vel saman á þann hátt að spjall þeirra fer á gott flug.  Fyrir þá sem misstu af þættinum eða vilja heyra hann aftur er hægt að slá honum - og fyrri þáttunum - upp á www.ruv.is.

  Þeir félagar komu inn á fyrirbærið jenka.  En játuðu vanþekkingu á þessu fyrirbæri.  Jenka er finnskur dans.  Hvar sem tveir Finnar eða fleiri koma saman brestur á með jenka.  Finnar verða jafn friðlausir að dansa jenka og Færeyingar að stökkva í hringdans þegar þeir hittast.  Mestu töffarar Finna bregða á jenka hvenær sem færi gefst.  Jenka er málið í Finnlandi.   

 

Athugasemdir

[Grefillinn Sjálfur - Koma svo! (IP-tala skráð) 19.1.2010 kl. 01:34]

Ég hlustaði ekki á fyrri tvo þættina en datt inn í þann þriðja ... og er alveg sammála um að hann var afar skemmtilegur. Ég hló mikið af frásögnum Ragga sem eru ekki bara skemmtilegar heldur stórmerkilegar margar hverjar í menningar- og tónlistarsögulegu tilliti.

[Jóna Kolbrún Garðarsdóttir, 19.1.2010 kl. 02:15]

Ég þekki marga Finna og þeir hafa aldrei dansað Jenka fyrir framan mig.    Ég man að ég elskaði Jenka í gamla daga.  Ég gæti alveg dansað þann dans í dag. 

[Hólmdís Hjartardóttir, 19.1.2010 kl. 03:35]

Fríða litla lipurtá.....

[Jón Steinar Ragnarsson, 19.1.2010 kl. 07:30]

Jamm, enn einn menningarsögulegi aulahrollurinn.  Þetta er ástæðan fyrir aðég fór ekki í dansskóla, þegar flestum börnum var það nánast skylda. Mér fannst þetta svo óendanlega hallærislegt að ég gat ekki fórnað restinni af minni litlu sjálfsvirðingu á altari Jenkunnar.

Hver man ekki eftir Litlu lipurtá?

------------------

Fríða litla lipurtá

Ljùf með augu fögur djúp og blá

Að dansa jenka er draumurinn

hùn dansar fyrir hann afa sinn.

Annað dansa ekki má,

annað en jenka, ónei það er frá.

Allir klappa hó og hó og hæ

hlegið hátt og dansað dátt

og nù er kátt í bæ

Fríða litla lipurtá

Ljùf með augu fögur djúp og blá

Að dansa jenka er draumurinn

hùn dansar fyrir hann afa sinn.

 Ég fæ hrollinn enn.

[Jens Guð, 19.1.2010 kl. 12:57]

  Bergur,  ég tek undir þá lýsingu þína.

[Jens Guð, 19.1.2010 kl. 12:58]

  Jóna Kolbrún,  þegar þú sérð ekki til dansa þessir finnsku vinir þínir jenka eins og vitlausir séu.  Það get ég svarið.

[Jens Guð, 19.1.2010 kl. 12:59]

  Hólmdís,  það var einmitt lagið sem þeir Raggi og Bubbi ræddu um.

[Jens Guð, 19.1.2010 kl. 12:59]

  Jón Steinar,  ég fær aulahroll þér til samlætis.