Enn ein líkamsárás í útvarpi

 

 

  Það er skammt stórra högga á milli í húsakynnum íslenskra útvarpsstöðva.  Í fyrradag réðist rapparinn Móri á rapparann Blaz Roca (Erp Eyvindarson) í hljóðstofu útvarpsstöðvarinnar X-ins.  Móri var vopnaður hnífi,  byssu og hundi.  Nú gerðist það fyrir nokkrum mínútum að dagskrárgerðarmaður á Útvarpi Sögu varð fyrir líkamsárás hlustanda.

  Forsagan er sú að Guðmundur Franklín Jónsson var með gesti í hljóðstofu.  Hlustendum bauðst að hringja inn og ræða við fyrsta gestinn,  ungan útgerðarmann af Reykjanesskaga.  Eiríkur Stefánsson,  fyrrverandi verkalýðsforingi á Fáskrúðsfirði hringdi inn.  Hann vildi ræða við Guðmund en ekki gest hans.  Guðmundur sleit því símtalinu.

  Þessi gestur hvarf á braut og tveir aðrir komu í staðinn.  Þeir Illugi Gunnarsson, alþingismaður, og Grétar Mar, fyrrverandi alþingismaður og núverandi útgerðarmaður.  Þá barst inn á borð til Guðmundar miði.  Á honum stóð að Eiríkur Stefánsson væri mættur á staðinn og þyrfti að tala við hann.  Guðmundur var bundinn við þáttarstjórn og hafði ekki svigrúm til að sinna boði Eiríks.  

  Þegar þættinum lauk og Guðmundur gekk út úr hljóðstofu kastaði hann kveðju á Eirík sem sat þar á stól.  Guðmundur tilkynnti jafnframt að hann væri tímabundinn og gæti því ekki sest niður með Eiríki.  

  Við þessi tíðindi snöggfauk í Eirík.  Hann spratt á fætur,  sveif á Guðmund og keyrði hann á bakvið hurð.  Grétar Mar,  Illugi og Gunni "Byrds" brugðust skjótt við,  náðu að losa Guðmund úr krumlum Eiríks og héldu Eiríki í föstum.  Þeir eru allir þokkalega hraustir og Gunni að auki fyrrverandi dyravörður á skemmtistöðum.

   Þegar móðurinn virtist runninn að mestu af Eiríki reiða var samið við hann um að haga sér vel.  Eiríkur var fús til þess.  Lofaði að verða ljúfur sem lamb ef honum yrði sleppt lausum.  Það var ekki fyrr búið að sleppa honum en hann réðist aftur að Guðmundi.  Í þetta sinn náði hann að grýta tölvu Guðmundar í gólfið áður en þremenningarnir yfirbuguðu Eirík á ný.   Ekki þótti stætt á að sleppa Eiríki aftur fyrr en Guðmundur hafði forðað sér úr húsi.

  Guðmundur ætlar ekki að kæra Eirík.  Hinsvegar á eftir að koma í ljós hvert tjón hefur orðið á tölvunni.

Athugasemdir

[Sveinn Elías Hansson, 17.2.2010 kl. 17:40]

Einhvern veginn þarf að koma vitinu fyrir braskarana.

[Guðmundur Kristjánsson (IP-tala skráð) 17.2.2010 kl. 17:51]

Já já alveg rétt varðandi braskara, en þó ekki á þennan máta, minnsta kosti ekki að sjómanna sið, með allri virðinu fyrir íslenskum sjómönnum.

[Elmar (IP-tala skráð) 17.2.2010 kl. 17:57]

Það eru oft slagsmál þar sem þetta mikið áfengi er haft um hönd. Þessi stöð er náttúrulega eins og búlla í Hull.

[Guðjón (IP-tala skráð) 17.2.2010 kl. 18:46]

Jens. Ertu til í að stækka aðeins myndina við þetta blogg??

[Kama Sutra, 17.2.2010 kl. 21:05]

Tek undir með Guðjóni.

[Hannes, 17.2.2010 kl. 21:21]

Það hefði verið gaman að vera vitni að þessum atgangi.

[Jens Guð, 17.2.2010 kl. 21:36]

  Sveinn Elías,  ef þú átt við kvótabraskarana þá tek ég undir þín orð.  Eiríkur er góður fyrir sinn hatt.  Þarna virðist hann hinsvegar hafa farið yfir strikið.

[Jens Guð, 17.2.2010 kl. 21:43]

  Guðmundur,  ég hafna því að líkamsárásir séu kenndar sérstaklega við sjómenn.  Á sínum tíma kýldi Árni Johnsen aldraðan mann í andlitið fyrir það eitt að sá gamli hafði hannað sjálfsleppibúnað fyrir björgunarbáta.  Sveitingi Árna hafði einnig hannað hliðstæðan búnað.  Það fauk í Árna fyrir að sveitunginn fengi samkeppni.

  Eftir atvikið gerði Árni lítið úr því.  Sagðist hafa heilsað þeim gamla að sjómannasið.  Sjómenn mótmæltu ummælum Árna.  Orðalag hans hefur þó orðið lífseigt,  eins og "tæknileg mistök".

[Jens Guð, 17.2.2010 kl. 21:57]

  Elmar,  ég tel mig geta fullyrt að áfengi hafi hvergi komið við sögu í því atviki sem um ræðir.  Til viðbótar tel ég mig geta vísað á bug aðdróttunum í þá átt að líkja ÚS við búllu í Hull.  Þó hef ég aldrei komið til Hull.  En ég hef orðið var við að einhverjir sem hafa horn í síðu ÚS standa fyrir orðrómi af þessu tagi.  Það er lágkúra.  Ég hef stundum átt erindi í ÚS og aldrei orðið var við neitt sem styður þetta bull.  Ég veit að þetta er bara kjaftæði.

[Jens Guð, 17.2.2010 kl. 21:59]

  Guðjón og Kama Sutra,  myndin er svo glæsileg að hún má ekki minni vera.  Að vísu veit ég ekki hvernig hún kemur út í öðrum tölvum en minni.  Er hún alveg yfirþyrmandi í ykkar tölvum?

[Jens Guð, 17.2.2010 kl. 22:00]

  Hannes,  þetta hefur áreiðanlega verið hið glæsilegasta "sjónarspil".

[Númi (IP-tala skráð) 17.2.2010 kl. 22:38]

Guðmundur Franklín,er tengdur útgerðarmanni.

[Jóhannes Laxdal Baldvinsson, 17.2.2010 kl. 22:45]

Það var í góðu lagi að lemja G.Franklín. Hvern andskotann á það að þýða að útgerðarauðvaldinu sé leyft að senda lepp sinn með áróður á Útvarp Sögu.  Það örlaði ekki á málefnalegri gagnrýni hjá Guðmundi Franklín enda hefur hann greinilega ekki hundsvit á íslenskum sjávarútvegi eða hefur hann kynnt sér þá byggðaröskun sem kvótakerfið hefur valdið.

Held hann ætti að halda sig við það sem hann kann

[Sveinn Elías Hansson, 17.2.2010 kl. 22:58]

Og hvað kann G.Franklín?

[Halla Rut , 17.2.2010 kl. 22:59]

Það er heitt í kolunum víða.

Þetta er bara byrjunin held ég. 

Verið er að handtaka einstæðar mæður vegna skulda en menn sem settu landið á hausinn fá afskriftir og svo fyrirtækin afhent með gullhanska Samfylkingarinnar. Fólk á ekki eftir að sætta sig við þetta.

Að heyra í Jóhönnu í dag þar sem hún sagðist ekki vilja skipta sér af þessu öllu saman og gaf þau rök með að bankarnir hefðu verið gefnir árið 2002. Fáránlegt og ömurleg afsökun frá þessu spillta liði.

[Viðar Helgi Guðjohnsen, 17.2.2010 kl. 23:00]

Stundum er sjómannasiðurinn rétti siðurinn.

[Jens Guð, 17.2.2010 kl. 23:03]

  Númi,  hver er tengdafaðir hans?  Einhversstaðar sá ég Guðmundur Franklín sakaðan um að vera tengdason kvótakóngs.  Frekari upplýsingar vantaði.

[Jens Guð, 17.2.2010 kl. 23:10]

  Jóhannes,  það hefur ekki farið framhjá mér að Guðmundur Franklín er hallur undir kvótakónga og þekking hans á fiskveiðimálum er ábótavant.  Engu að síður hlýtur að vera hægt að ræða þau mál við hann á annan hátt en Eiríkur gerði.  Guðmundur Franklín sýndi áhuga á málefnalegri umræðu með því að fá Grétar Mar í viðtal ásamt Illuga Gunnarssyni.  Það spjall var gott.  Grétar Mar fór á kostum að vanda og Illugi var einnig ágætur fyrir sinn hatt. 

[Jens Guð, 17.2.2010 kl. 23:11]

  Sveinn Elías,  Guðmundur Franklín kann eitthvað varðandi verðbréfabrask.  Mér skilst að hann hafi unnið á Wall Street í New York.

[Jens Guð, 17.2.2010 kl. 23:16]

  Halla Rut,  við höfum ennþá bara séð glitta í toppinn á ísjaka spillingarinnar.  Það er ráðist af grimmd að þeim sem sitja uppi með myntkörfulán.  "Venjulegu fólki".  En samspillingarliðið hefur frítt spil.  Og rúmlega það.  Blómstrar.

[Jens Guð, 17.2.2010 kl. 23:18]

  Viðar Helgi,  ég kvitta ekki undir framkomu Eiríks í þessu tilfelli.  En það er spenna í loftinu.  Óréttlætið er hrópandi. 

[jonas (IP-tala skráð) 17.2.2010 kl. 23:24]

Íslenskt langlundargeð er eiginlega hálfgert ógeð.

Fólk er eiginlega búið að fá nóg af drullunni sem viðgengst á landinu.  Skil svosem Eirík. 

Það er gott að Guðmundur Franklín kallaði ekki til lögreglu , enda á hún fullt í fangi með að handtaka mæður í kringlunni eða sjá til að allt fari "ósómasamlega" vel fram þegar uppboð eru og eignir og lífsstörf fólks eru seld á brunaútsölu.

Einnig á lögreglan fullt í fangi með vakta hús og sumarbústaði útrásarvíkinga  , svo lýður þessa lands geti ekki látið réttláta reiði bitna á þeirra eignum. 

Einnig þarf heilan her lögregluþjóna til að ráðast inn í skóla og loka þar inni námsfólk til að leita að fíkniefnum. 

 Mér segir svo hugur að í mörgu útrásarvíkingapartíinu hefði lögregluhundurinn drepist úr ofneyslu eiturlyfja.  Hvar var lögreglan þá !!??!!

Svo það var eins gott að Guðmundur Franklín kallaði ekki til lögreglu.

[Alma (IP-tala skráð) 17.2.2010 kl. 23:25]

Við skulum ekki gleyma Burnham hneykslinu hans Guðmunar Franklín hér heima, þegar lífeyrissjóðir og einhverjir einfeldningar töpuðu á að setja peninga í hans hendur.

[Hannes, 17.2.2010 kl. 23:26]

Það að þeir sem eru með erlend lán verði leystir úr snörunni er gott og næst er að færa verðtrygginguna aftur til ársins 2008.

[Jóhannes Laxdal Baldvinsson, 17.2.2010 kl. 23:40]

Ég held það komi ekki málinu við hverri Guðmundur Franklín er giftur. Finnst það satt að segja lágkúrulegt að draga fjölskyldu hans inní þetta mál.

[Jens Guð, 17.2.2010 kl. 23:45]

  Jónas,  það eru margir góðir punktar í þessu "kommenti" þínu.

[Jens Guð, 17.2.2010 kl. 23:46]

  Alma,  segðu mér meira um þetta.  Ég kem af fjöllum.  Hef aldrei heyrt þetta orð,  Burnham.

[Jens Guð, 17.2.2010 kl. 23:50]

  Hannes,  ég er blessunarlega laus við að skulda.  Hef vanið mig á staðgreiðsluna.  En hef horft upp á afborgunarseðla vina og vandamanna hækka langt umfram allt sem eðlilegt getur talist.  Ég tek undir hugmyndina um að færa verðtrygginguna til upphafs ársins 2008.  Þegar upp er staðið er betra að skuldarar geti staðið við afborganir en allt verði keyrt í gjaldþrot.

[Jens Guð, 17.2.2010 kl. 23:51]

  Jóhannes Laxdal,  hvað er svona lágkúrulegt við fjölskyldu Guðmundar Franklíns að ekki megi draga það fram í dagsljósið?

[Hannes, 17.2.2010 kl. 23:53]

betra er að vera dauður en lifa sem skuldaþræll útaf heimskulegu lánakefi búið til af fíflum sem eiga heima í gasklefum.

[Jóhannes Laxdal Baldvinsson, 17.2.2010 kl. 23:59]

Jens ertu ekki titlaður blaðamaður? Og eiga ekki blaðamenn að geta googlað Burnham? Eða eru sumir bara popskríbentar og ekkert annað?

[Þorvaldur Guðmundsson, 18.2.2010 kl. 00:10]

Eiríkur, Arnþrúður, Jón Valur, það er náttúrulega kexruglað lið á þessari "útvarpsstöð'"

[Gjagg (IP-tala skráð) 18.2.2010 kl. 00:11]

Vandamál sköpud af Skítseidisflokknum og Framsóknarspillingunni.

[Sveinn Elías Hansson, 18.2.2010 kl. 00:14]

Er þá ekki best að svona snillingur eins og G.Franklín haldi sig á Wall street, en sé ekki bullandi í útvarp um eitthvað sem hann veit ekkert um.

[Jens Guð, 18.2.2010 kl. 00:20]

  Hannes,  þrælslund er Íslendingum í blóð borin.  Þangað sækir klárinn (Íslendingurinn) sem hann er kvaldastur.  Ég tel mig lánssamann að hafa alist upp við það viðhorf sem ríkti í minni skagfirsku sveit að skulda ekki.  Staðgreiða frekar en stofna til skulda.  Herða frekar sultaról í þrengingum en taka lán.

[Ásthildur Cesil Þórðardóttir, 18.2.2010 kl. 00:21]

Skil ekki alveg hvað þessi Guðmundur er að fjalla um sjávarútvegsmál.  Minnist samt sem áður þess að hann var eitthvað kenndur við fyrirtæki á Þingeyri sem hét eitthvað rauði herinn eða álíka.  Hann vill auðvitað ekkert með löggur hafa, því sennilega á hann óhreint mjöl í sínu pokahorni og svona. Besti vinur hand frá Þingeyri flutti mjög skyndilega til Kína.  Hann þolir sennilega ekki mikið dagsljós frekar en aðrir útrásarvíkingar.  En kjaftinn vantar hann ekkert frekar en Eirík.  Nema ég held að Eiríkur sé með betri samvisku.

[Jens Guð, 18.2.2010 kl. 00:24]

  Jóhannes Laxdal,  ég var blaðamaður í þrjá áratugi eða svo.  Það var í gamla daga og fyrir daga "gúgls".  Ég kann ekkert á tölvur og er óendanlega latur við að "gúgla".  Sætti mig frekar við fáfræði en flakka um í netheimum.  Kaupi frekar poppblöð sem ég les í rólegheitum. 

[Jens Guð, 18.2.2010 kl. 00:25]

  En er nokkuð mál fyrir þá sem vita betur en ég og nenna að "sörfa" netið að uppfræða fáfróðan sveitakall?

[Jens Guð, 18.2.2010 kl. 00:27]

  Þorvaldur,  mér þykir þú heimfæra um of þegar þessi nöfn eru sett undir sama hatt.

[Jens Guð, 18.2.2010 kl. 00:27]

  Gjagg,  við drögum þetta í eitt undir samheitið hrunflokkar.

[Jens Guð, 18.2.2010 kl. 00:33]

  Sveinn Elías,  án þess að ég viti neitt þá hef ég grun um að Guðmundur Franklín hafi þekkingu á verðbréfum.  En ég hef tekið eftir að þekking hans á fiskveiðistjórnun og kvótakerfinu er blönduð vanþekkingu og ranghugmyndum.  Mér virðist þó sem hann hafi vilja til að bæta sig á því sviði.  Smá vilja í það minnsta.  Viðleitni í þá átt er betri en ekkert.

[Jóhannes Laxdal Baldvinsson, 18.2.2010 kl. 00:38]

Ákveðinn vendipunktur varð á ferli Guðmundar þegar hann stofnaði Burnham International á Íslandi og var liður í því kaup á fyrirtækinu Handsali. Til að byrja með virtist sem rekstur Burnham gengi ágætlega en fljótlega tók að halla undan fæti. Árið 2002 var félagið úrskurðað gjaldþrota og töpuðu margir umtalsverðum fjárhæðum. Kröfur í þrotabúið voru um fjögur hundruð milljónir, sem þótti þá stór upphæð. Eigendur Burnham á Íslandi voru í milljónaábyrgðum fyrir félagið

Ýmsir töldu sig hlunnfarna við gjaldþrotið og spruttu málaferli í kjölfarið, en meðal þeirra sem töpuðu fé voru íslenskir lífeyrissjóðir. Ástæður gjaldþrotsins má meðal annars rekja til kaupanna á Handsali. Margir töldu það afar slæma fjárfestingu enda hafði félagið verið rekið með tapi fjögur ár í röð. Þá greindi Morgunblaðið frá því á sínum tíma að kaup á bresku netfyrirtæki fyrir eina milljón punda, þá 150 milljónir króna, hafi farið illilega úrskeiðis. Var fyrirtækið keypt fyrir lánsfjármagn. Haft var eftir skiptastjóra búsins í Fréttablaðinu á sínum tíma að ekki fengist mikið upp í kröfurnar, en þó hafi fengist nokkrar milljónir fyrir innbúið sem hafi verið veglegt.

heimild: Pressan.is

[Jens Guð, 18.2.2010 kl. 00:39]

  Ásthildur,  hvað sem segja má um Eirík þá er hann hreinn og beinn.  Hann er hugsjónarmaður og heiðarlegur.  Rauði herinn er annað mál.  Þar rifjast upp sá stormsveipur sem fór um Vestfirði og vatni var breytt í gull.  Búinn var til lögur sem dró í sig vatn,  þandi út fiskflök og þyngdi.  Á eldhúsborðum í Bandaríkjunum breyttist pakkinn er hann var þýddur í vatn.  Eftir stóðu örlítil fiskflök í stórum vatnspolli. 

[Jens Guð, 18.2.2010 kl. 00:40]

  Jóhannes Laxdal,  bestu þakkir fyrir þennan fróðleik.

[Hildur Helga Sigurðardóttir, 18.2.2010 kl. 08:08]

Sæll Jens "Guð". Ef þú hefur verið blaðamaður í þrjá áratugi, eins og þú heldur fram hér að ofan, hlýtur þú að vilja taka þátt í því að blaðamaður verði verndað starfsheiti, eins og nú er verið að vinna að. Sendu blaðamannaferil þinn til B.Í.

[Axel Jóhann Axelsson, 18.2.2010 kl. 08:31]

Alveg er stórundarlegt að sjá, að flestir hérna verji þessa sjúklegu árás á útvarpsmanninn.  Eru menn virkilega að réttlæta það, að ef hlutstendur eru óánægðir með það, hvernig fjallað er um einstaka mál í útvarpsþáttum, þá sé fullkomlega réttlætanlegt að mæta á staðinn og lemja þáttastjórnandann?

Hvers konar þjóðfélagi er hér verið að kalla eftir?

[Sveinn Elías Hansson, 18.2.2010 kl. 11:58]

Axel.

Þetta er bara það sem koma skal, ekki bara að lemja´stjórnendur útvarpsþátta.

Aumingjaskapur og samtrygging stjórnmálahyskisins og vernd þeirra á sukkliðinu sér til þess.Tíminn líður, og það styttist í sprenginguna, því miður.

[Sveinn Elías Hansson, 18.2.2010 kl. 12:00]

Samkvæmt því sem Jóhannes fræðir okkur um, þá er Guðmundur Franklín upphafsmaður útrásarinnar.

[Axel Jóhann Axelsson, 18.2.2010 kl. 13:19]

Ég sé ekki að það skipti neinu máli, hvað Guðmundur Franklín gerði í fortíðinni, manninn þekki ég ekki neitt, eða fortíð hans.  Það var alls ekki verðið að lemja manninn vegna hennar, enda ekki í verkahring Eiríks Stefánssonar að dæma hann fyrir hana, hvað þá að refsa honum, hvorki fyrir fortíðina eða annað, allra síst með líkamsmeiðingum.

Hann var að ráðast á þáttastjórnanda í útvarpi, sem hefur einhverjar aðrar skoðanir en þær, sem Eiríkur telur hinar einu réttu.  Þetta er einfaldlega eins og hver önnur líkamsárás, sem ekki er hægt að réttlæta með nokkru einast móti.  Jafnvel ofsaöfgamenn, eins og þú, Sveinn Elías, ættu að geta séð það.

Fyrir utan það, á að ríkja mál- og tjáningarfrelsi í landinu, og það hefur Eiríkur sjálfur nýtt sér út í ystu æsar á Útvarpi Sögu, sjálfum sér og stöðinni til háborinnar skammar.  Ekki er þó vitað til þess að nokkur maður hafi beitt hann líkamlegu ofbeldi fyrir það.

[Sveinn Elías Hansson, 18.2.2010 kl. 14:05]

Axel karlinn.

Ég er ekki að verja líkamsárásir, en ég óttast að þetta sé það sem koma skal, vegna aumingjaskapar og samtryggingar stjórnmálahyskisins, ásamt því að stjórnmálahyskið virðist vera í vinnu hjá fjárglæframönnunum.

Þess vegna sýður uppúr einn daginn, því miður.

[Árni Gunnarsson, 18.2.2010 kl. 16:12]

Kannski það sé bara orðið ámælisvert að berja svonefnda útrásarfíkinga!

Ja, nú þykir mér stungin tólgin Jens minn Guð.

Flest er nú hægt að nota til að koma óorði á fólk.

[Jenný Stefanía Jensdóttir, 18.2.2010 kl. 18:33]

Áfallaferlið er nú komið á stigið: "á ég að lemja þig!"

Vona að við komumst ekki á "sáttarstigið" fyrr en eitthvert áþreifanlegt réttlæti næst.

[Kama Sutra, 18.2.2010 kl. 20:32]

Er ekki ekki svona framkoma rökrétt afleiðing af íslensku umræðuhefðinni "pabbi minn er sterkari en pabbi þinn" sem hvergi blómstrar betur en á Útvarpi Sögu?

[H.T. Bjarnason (IP-tala skráð) 20.2.2010 kl. 02:42]

Stundum er gaman að sjá hve sum ummæli geta verið vægast sagt furðuleg.  T.d. þessi ábending Ásthildar að besti vinur Guðmundar hafi flutt til Kína.  Dæmigert "málefnalegt" innlegg.

[Eiki (IP-tala skráð) 20.2.2010 kl. 15:20]

Menn geta hlustað á aðdraganda árásarinnar hérna:

http://www.youtube.com/watch?v=MOHUddZtspQ

og hérna

http://www.youtube.com/watch?v=n1ELv4tSoRs

[Jóhann (IP-tala skráð) 20.2.2010 kl. 16:25]

Eiríkur er enginn engill heldur

http://www.haestirettur.is/domar?nr=320&leit=t

[Jóhann (IP-tala skráð) 20.2.2010 kl. 17:41]

Eiríkur er enginn engill heldur

http://www.haestirettur.is/domar?nr=320&leit=t

[Heiða B Heiðars (IP-tala skráð) 20.2.2010 kl. 17:55]

Jens; Hvar fékkstu þessa mynd af Eiríki? Og ef hún er "einhversstaðar" af netinu hlýtur þú að hafa fengið leyfi fyrst? :) Ég þykist nefnilega þekkja þessa mynd og hvaðan hún kemur

[Jens Guð, 20.2.2010 kl. 22:37]

  Hildur Helga,  ég hef aldrei verið félagi í BÍ.  Ég hef aldrei leitt huga að félagsaðild.  Þó það hafi verið um tíma fullt starf hjá mér að skrifa reglulega pistla í allskonar blöð ogt tímarit.  Þegar best lét skrifaði ég reglulega í Mogga,  Tímann,  Nýtt líf,  Vikuna,  DV og ótal önnur blöð og tímarit kom aldrei til tals neitt varðandi BÍ.

[Jens Guð, 20.2.2010 kl. 22:46]

  Axel Jóhann,  ég held að enginn mæli með að dagskrárgerðarmenn útvarpsstöðva séu lamdir.  Vonandi hallast flestir að málefnalegri umræðu án barsmíða.  Eiríkur reiði er einnig á þeirri línu.  Hann segir að þetta hafi ekki verið ofbeldisfull líkamsárás heldur stimpingar.  Sem er sennilega allt annað mál.  Eiríkur er fylginn sér og er frægur fyrir að hafa í fótboltaleilk á Fásakrúðsfirði fengið rautt spjald fyrir gróft tuddabrot.  Hann reif rauða spjaldið af dómarnum og át það.  Geri aðrir betur!