Skúbb! Pétur Blöndal fram til formanns

  Pétur H.  Blöndal,  alþingismaður,  liggur undir feldi og íhugar hvort hann eigi að bjóða sig fram í formannssæti Sjálfstæðisflokksins á morgun eða svo.  Rosa mikill áhugi og stemmning er fyrir því meðal flokksmanna.  Vinsældir Péturs ná einnig langt út fyrir raðir flokksbundinna.  Í skoðanakönnun á Útvarpi Sögu sögðust yfir 8 af hverjum 10 styðja framboð Péturs.  Þátttakendur í skoðanakönnunni voru hátt á 3ja þúsund.  Þetta viðhorf hefur sömuleiðis speglast í símatímum útvarpsstöðvanna. 

  Svo virðist sem áhugi fyrir framboði Guðlaugs Þórs til formanns Sjálfstæðisflokksins hafi koðnað niður.  Það fór vel af stað.  129 manns skráðu sig á fésbókarsíðu til stuðnings Guðlaugi.  En svo var eins og tjald væri dregið fyrir sólu.  Ekkert hefur gerst síðan og Gulli læðist með veggjum þessa dagana:  http://www.facebook.com/#!/pages/Skorum-a-Gudlaug-por-ad-bjoda-sig-fram-til-formanns-Sjalfstaedisflokksins/120442957997480 

Enginn rekinn úr Sjálfstæðisflokknum

Athugasemdir

[Herbert Guðmundsson, 25.6.2010 kl. 13:41]

Ef þú hefur vit þitt úr Útvarpi Sögu, geturðu gleymt því að Pétur eða Gulli hafi íhugað framboð til formanns Sjálfstæðisflokksins. Útvarp Saga er einn allsherjar rugludallur og trúboðsstöð í pólitík að auki. En það er hægt að hafa gaman af turtildúfunum Þrúði og Pésa eftir að þau hafa hangið nokkrar nætur ... Að Almari ógleymdum.

[Herbert Guðmundsson, 25.6.2010 kl. 13:45]

Fékk smá hiksta. Heitir dýrið ekki Almar heldur Alvar? Ef svo er má maður sveimér passa sig ...

[Árni Gunnarsson, 25.6.2010 kl. 13:45]

Þá sé ég fyrir mér að sparisjóðir og lífeyrissjóðir heimti að sett verði nálgunarbann á Pétur.

Ég held að best sé að hafa Bjarna Benediktsson áfram í formannssætinu. Þetta er ósköp meinlaust grey sem mun ekki reka löppina viljandi í nokkurn mann. Og svo er þetta myndarstrákur í ofanálag.

Pétur Blöndal er bráðskarpur reikningshaus og sjúklega ágjarn að auki. Hann sér íslenskt samfélag sem álitlegan markað handa klókum mönnum í viðskiptum og þar með er allt sagt sem máli skiptir um þann ágæta mann.

[Jens Guð, 25.6.2010 kl. 13:45]

  Herbert,  ég hef þetta eftir Pétri Blöndal sjálfum.

[Jens Guð, 25.6.2010 kl. 13:47]

  Hinn skeleggi og símaglaði heitir Alvar.

[Brynjar Jóhannsson, 25.6.2010 kl. 13:48]

Pétur er enginn leiðtogi.Það sér hver heilvita maður langar leiðir. Hann er hugsjónamaður og fylgin sér en það er allt annað mál. Sjálfstæðismenn eru nefnilega veruleikafirtir að mörgu leiti. Þeir t.d héldu að Björn Bjarnason ætti eitthvað í Ingibjörgu Sólrúnu en annað kom á daginn og þá sáu allir menn sem voru tiltölulega raunsæir. 

Eini raunverulegi leiðtogi Sjálfstæðisflokksins er Hanna Birna að mínu mati. Ég sé engan annan ef ég sé hlutina hlutlaust. 

[Axel Jóhann Hallgrímsson, 25.6.2010 kl. 13:48]

Pétur Blöndal verður flottur formaður, sem mun ná vel til smáfuglanna, enda hefur hann bæði í ræðu og riti lýst öryrkja og aðra styrkþega lyfa í vellystingum og vera afætur á þjóðfélaginu. Flottur karl hann Pétur.

[Jens Guð, 25.6.2010 kl. 13:52]

  Árni,  ég er þér sammála með Bjarna.  Flestum eða jafnvel öllum þykir hann ósköp geðugur og vel hirtur.  Mörgum þykir hinsvegar vanta verulega upp á að gusti af honum.  

[Jens Guð, 25.6.2010 kl. 13:57]

  Brynjar,  framboð Björns Bjarna á sínum tíma átti upphaf í brandara og hrekki sem átti aldrei að verða annað en einnar kvöldstundar sprell.  Ég þekki þá sögu frá A - Ö. 

  Hanna Birna hafði flest með sér fyrir kosningar.  Eins og sést hefur í bloggheimum og í skrifum Doddssonar í Mogga er mikið ósætti við að hún skuli hafa þegið boð um að vera forseti borgarstjórnar.  Að sögn Doddssonar felur það fyrst og fremst í sér að vísa ofurölvi gestum borgarstjóra út úr veislum í Höfða.  

[Jens Guð, 25.6.2010 kl. 14:00]

  Axel,  einnig má rifja upp ágætt og sígilt ráð hans til ellilífeyrisþega þegar Félag eldri borgara kvartaði undan vondum kjörum.  Pétur benti þeim á að þeir gætu sjálfir bætt sín kjör með því að hætta áfengisdrykkju og reykingum.

[Guðbjörg Soffía Magnúsdóttir, 25.6.2010 kl. 14:04]

Jáá ég held sko að Bjarni hafi útlitið, Pétur gáfurnar en Hanna Birna hefur leiðtogahæfileikana sem augljóslega komu í ljós þegar hún náði að halda þessu blessaða borgarstjórasæti annað en forverar hennar.

[Herbert Guðmundsson, 25.6.2010 kl. 14:04]

Hvernig náðirðu sambandi við Pétur Blöndal undir feldi'

[Ómar Ingi, 25.6.2010 kl. 15:26]

Haugalýgi

[Helga Kristjánsdóttir, 25.6.2010 kl. 17:40]

Sá þessa frétt um framboð Péturs á Vísi.Ég held að hann vinni ekki þann slag á móti Bjarna.  .Utvarp Saga er fín stöð,Herbert minn þú hefur greinilega hlustað oft,hefurðu ekki heyrt í Sveinsínu Sigrúnu og Árna hollvini?         Nú fer stöðin af stað með fréttastofu,sendi kveðju á þig um leið og ég kveð Jens Guð,þakka fyrir þetta(ég kalla þetta rapp)ágæta stuðlag.

[Jens Guð, 25.6.2010 kl. 19:03]

  Guðbjörg,  þetta er nokkuð rétt lýsing hjá þér.

[Jens Guð, 25.6.2010 kl. 19:04]

  Herbert,  það kjaftar á Pétri hver tuska,  óháð því hvort hann er undir eða ofan á feldi.

[Jens Guð, 25.6.2010 kl. 19:06]

  Ómar Ingi,  Pétur er búinn að staðfesta bloggfærslu mína:  http://www.visir.is/petur-blondal-ihugar-formannsframbod/article/201069141366

[Jens Guð, 25.6.2010 kl. 19:06]

  Helga,  takk fyrir þetta.

[Jens Guð, 25.6.2010 kl. 20:04]

  Helga,  ef þú þekkir ekki lagið þá er það úr margverðlaunuðu kvikmyndinni "Slumdog Millionaire".  Ég hef ekki séð þá mynd,  þó skömm sé frá að segja.  Hún er um sannan atburð þegar ómenntaður náungi varð sigurvegari í "Viltu vinna milljón?".  Aðstandendur keppninnar töldu hann ófæran um að vera þetta víðfróðan.  Gott ef hann var ekki fangelsaður fyrir svindl.

  Undirleikurinn í þessu lagi er úr einu magnaðasta lagi The Clash,  "Straight to Hell".  Söngkonan,  M.I.A.,  er frænka Lay Low frá Sri Lanka. 

[Jens Guð, 25.6.2010 kl. 21:58]

  Reyndar er ekki notaður "orginal" hljóðfæraleikur The Clash heldur þessi magnaði hljómagangur og hljóðheimur (sánd).

[Hannes, 26.6.2010 kl. 01:26]

Ég held að hann Pétur Blöndal gæti vel aukið fylgi XD enda er hann samkvæmur sjálfum sér kallinn þannig að maður veit hvar maður hefur hann öfugt við marga aðra.

[Gjagg (IP-tala skráð) 26.6.2010 kl. 09:11]

Til hamingju Gud!  "Fyrstur med fréttirnar" ...og segir rétt frá!  Gamla Vísis slagordid og sjónvarpsauglýsingarvidbótin (...og segir rétt frá) á vid thetta skúbb thitt.

TIL HAMINGJU.....I Gjagg bow to Gud!

PRESSAN.IS :

26. jún. 2010 - 08:41

Tíðindi á landsfundi Sjálfstæðisflokks: Pétur Blöndal býður sig fram á móti Bjarna

Pétur Blöndal er þingmaður flokksins. Pressan/Gunnar

Pétur H. Blöndal, þingmaður Sjálfstæðisflokksins hefur ákveðið að veita núverandi formanni flokksins, Bjarna Benediktssyni, samkeppni um formennsku. Hann hefur þannig tilkynnt að hann gefi kost á sér sem formaður flokksins.

Landsfundur flokksins hófst í gær og stendur fram yfir sunnudag. Frambjóðendur til formanns og varaformanns halda kynningu kl. 9:15 í dag en kosið verður um formannsembættið kl. 13:30 og um varaformannsembætt kl. 15.

Ertu með athyglisverða ábendingu sem gæti átt heima á Pressunni?
Sendu okkur póst á [e-mail] - fyllsta trúnaðar gætt.

[Jens Guð, 26.6.2010 kl. 13:05]

  Hannes,  það er næsta víst að Pétur gæti aukið fylgi Sjálfstæðisflokksins.  Ekki getur Bjarni það.  Svo er spurning hvort fylgið sé ekki ágætt eins og það er.  Jafnvel í það mesta.

[Jens Guð, 26.6.2010 kl. 13:07]

  Gjagg,  þetta er munurinn á mér og öðrum sem eru fyrstir með fréttirnar:  Ég segi rétt frá. 

  Hvað er þetta með auglýsinguna frá Pressunni?

[Gjagg (IP-tala skráð) 26.6.2010 kl. 13:33]

Paste & copy er skýringin á thví.  Thetta hefur einfaldlega fylgt med.

[Gjagg (IP-tala skráð) 26.6.2010 kl. 13:33]

Ég meina náttúrulega copy & paste.

[Ómar Ingi, 26.6.2010 kl. 15:01]

Skil bara ekki hvað maður sem stríðir við alvarleg veikindi er að bjóða sig fram til formanns.

[Jens Guð, 26.6.2010 kl. 16:21]

  Gjagg,  ég skil. 

[Jens Guð, 26.6.2010 kl. 16:22]

  Ómar Ingi,  ég vissi ekki að Pétur væri lasinn.  Hann er hlaupandi upp og niður fjöll og virðist vera ofur sprækur.  Hvað er að hrjá kallinn?

[jonas (IP-tala skráð) 27.6.2010 kl. 01:35]

Pétur Blöndal hefði orðið góður formaður .  Hann er fylginn sér og einlægur.  En Það er greinilegt að Sjálfstæðisflokkurinn er stilltur á "self destruction mode"  sem er í rauninni bara hið besta mál.

Bjarni Ben er enginn leiðtogi fyrir þá sem segja að Pétur sé það ekki.

Allavegana hefði Pétur Blöndal náð til margra sem eru á hægri væng stjórnmálanna en geta ekki samvisku sinnar vegna kosið Sjálstæðisflokkinn með  Engeyjarprins í forsvari.

 Annars er kominn tími á nýtt fólk.  Þessi flokkur er dauður.

[Ómar Ingi, 27.6.2010 kl. 13:24]

Það ku vera krabbi sem kallinn er að berjast við , sel það ekki dýrara en ég stal því.

En Bjarni er skelfilegur og ég hefði alltaf valið Pétur af þeim tveimur en er Pétur foringi held ekki og veit að Bjarni er það ekki og verður aldrei.

[Jens Guð, 27.6.2010 kl. 14:09]

  Jónas,  það er sitthvað til í þessu hjá þér.  Hugsanlega fælir Pétur líka einhverja frá með frjálshyggjutöktum sínum.  En hann á fjölmennan hóp stuðningsmanna,  eins og sést á því að hann fékk hátt í 3 hundruð atkvæði í formannskjörinu og hefur jafnan náð góðri stöðu í prófkjörum.

[Jens Guð, 27.6.2010 kl. 14:10]

  Ómar Ingi,  ef þetta er rétt með krabbameinið þá á hann að forðast allt sem veldur streitu og spennu.  Það veikir varnarkerfi líkamans.