Nálin farin í frí

  Sunnudagshugvekjan  í kvöld varð ekki alveg eins og að var stefnt.  Ég var með lagalista þáttarins á svokölluðum minnislykli.  Það er ansi þægilegt.  Nema að áður en þátturinn var hálfnaður þá fraus tölvan.  Stokkfraus.  Mér til happs varð að í hljóðveri Nálarinnar eru nokkrir geisladiskar.  Það sem er ennþá betra er að þó diskarnir séu fáir þá eru þeir hver öðrum betri.  Ég gat því spilað ljúf lög af þeim diskum og þóttist ekki sjá frosnu tölvuna.

  Það er ekki beinlínis samhengi á milli þess að tölvan fraus og hins:  Að útsendingar Nálarinnar munu liggja niðri í nóvember.  Ástæðan fyrir því er fyrst og fremst sú að eitthvað ólag eða vanstillingar hafa verið á sendum Nálarinnar.  Til að taka sendana í gegn og koma öllu í besta horf falla útsendingar niður á meðan.  Frekar en vera í óvissu með hvað það tekur langan tíma hefur verið ákveðið að útsendingar Nálarinnar hefjist aftur 1.  desember.  Og þá með miklum látum.   Ýmislegt annað verður lagfært í leiðinni þannig að Nálin kemur mun sterkari til leiks en áður.  Kemur eins og sprengja inn á markaðinn. 

      

Athugasemdir

[Gunnar Th. Gunnarsson, 1.11.2010 kl. 17:07]

Hluti pistilsins sést ekki fyrir auglýsingu

[Jens Guð, 1.11.2010 kl. 19:57]

  Gunnar Th.,  ég heyri af og til af því að auglýsing leggist yfir bloggfærslur hjá mér.  Þetta er eitthvað mismunandi eftir tölvum,  forritum og þess háttar. 

  Ég er með tvær tölvur.  Önnur er með Mozilla Firefox.  Hin er með Internet Explorer.  Þetta er alltaf í góðu lagi í þeim.  

  Eftir því er ég best veit þá er þetta vandamál aðeins tímabundið þar sem það kemur upp.  Ég veit ekki hvað veldur.

[Grefill, 1.11.2010 kl. 23:48]

Ég varð oft var við þetta einu sinni og bara á þessu bloggi. Hef ekki séð þetta um nokkurra mánaða skeið.

[Jens Guð, 2.11.2010 kl. 00:06]

  Grefill,  ég veit ekki hvað er í gangi.  Kannski sæti ég einelti af hálfu moggabloggs.

[Steingrímur Helgason, 2.11.2010 kl. 01:33]

Kvur grefillin !

[Jens Guð, 2.11.2010 kl. 10:47]

  Steingrímur,  ég tek undir það.

[Steini (IP-tala skráð) 4.11.2010 kl. 22:10]

Jippí.  Nálin rúlar!

[Jens Guð, 4.11.2010 kl. 23:27]

  Steini,  ég tek undir það.

[ebl (IP-tala skráð) 15.12.2010 kl. 15:00]

Er eitthvað að frétta af nálinni?

[Jens Guð, 16.12.2010 kl. 01:28]

  Síðast þegar ég frétti voru einhverjar samningaviðræður í gangi.  Ég veit ekki hvar málið er statt í dag.  Ég ætla að kanna það á morgun.