Broslegar og frumlegar merkingar á rútum

13.11.2011 | 23:27

Broslegar og frumlegar merkingar á rútum

Þessar ljósmyndir eru ekki unnar í fótósjopp. Þær sýna raunverulegar merkingar / myndskreytingar á rútum. Þarna er stærð og lögun bílsins nýtt til hins ýtrasta. Djörf og frumleg hugsun hönnuða fær að leika lausum hala þannig að útkoman er bráðskemmtileg. Á rútunni hér fyrir ofan er verið að auglýsa dýragarð. Á næstu mynd eru rafhlöður auglýstar. Það er eins og rútan gangi fyrir tveimur stórum batteríum:

Ég veit ekki hvað er verið að auglýsa þarna. En hjólin eru í hlutverki augna í þessari útfærslu.

Hér er vakin athygli á því að rútan sé vistvæn. Bakhliðin er eins og sjái aftan á ruslabíl.

Púströrið á rútunni er í hlutverki logandi vindils sem verið er að púa. Þetta er auglýsing fyrir nikótíntyggjó.

Hér er 5 daga harmónikkuhátíð auglýst. Liðmót liðvagnsins eru í hlutverki físibelgs harmónikkunnar.

Meginflokkur: Spaugilegt | Aukaflokkar: Ferðalög, Menning og listir, Samgöngur | Breytt s.d. kl. 23:43 | Facebook

Athugasemdir

Þú ert svo fundvís á skemmtilegar uppákomur Jens. Þetta er frábært og skemmtilegt. Takk fyrir það.

Ásthildur Cesil Þórðardóttir, 13.11.2011 kl. 23:54

Skemmtilegt. Sú fyrsta er hreint frábær.

Svanur Gísli Þorkelsson, 14.11.2011 kl. 00:41

Ásthildur Cesil, þegar ég rekst á svona skemmtileg dæmi er mér ljúft að deila þeim með ykkur hér á blogginu.

Jens Guð, 14.11.2011 kl. 00:55

Svanur Gísli, ég er sammála því. Á unglingsárum lærði ég grafíska hönnun í Myndlista- og handíðaskóla Íslands. Og vann við svona dæmi til fjölda ára. Það var áður en tölvutækni í útkeyrslu á límdúkum buðu upp á þessa möguleika. En það er rosalega gaman að sjá hvað hægt er að gera í dag á þessu sviði.

Jens Guð, 14.11.2011 kl. 01:00

Takk fyrir það minn kæri.

Ásthildur Cesil Þórðardóttir, 14.11.2011 kl. 11:02