Ótrúlegt reikningsdæmi! Sannreyndu dæmið!

  Tölustafir og reikningsformúlur eru heillandi.  Það er hægt að setja alla hluti upp í stærðfræðidæmi.  Og margt er hægt að setja upp í bráðskemmtileg reikningsdæmi eða reikningsleiki.  Einn slíkur er eftirfarandi og gildir fyrir alla allsstaðar:  Þú tekur fæðingarár þitt og leggur það saman við aldur þinn á þessu ári.  Hókus, pókus og bingó!  Útkoman verður ártalið í dag.

  Þetta er ótrúlegt og klikkar ekki.  Þú getur leikið þér að því að láta vini þína spreyta sig á þessu dæmi.  Þeir verða orðlausir af undrun.  Útkoman er alltaf sú sama.  Það má heimfæra þetta upp á fæðingarár heimilisdýra eins og hunda og katta.  Jafnvel gullfiska.   

Athugasemdir

[Svanur Gísli Þorkelsson, 20.11.2011 kl. 22:38]

Ég var fæddur árið eitt fyrir Krist og á þessu ári  (2011) verð ég 2012 ára.

[Jens Guð, 20.11.2011 kl. 23:35]

  Svanur,  þú kannast við orðatiltækið að undantekningin sanni regluna?

[G. Tómas Gunnarsson, 21.11.2011 kl. 00:39]

Hef heyrt að þetta reikningsdæmi gangi ekki upp í öllum tilfellum.  Sérstaklega virðist skekkjan vera algengari hjá kvenfólki.  Deilt sé um hvort skekkjan eigi rætur sínar að rekja til vankunnáttu í stærðfræði eða ósannsögli.  En skekkjan mun þó vera staðreynd eigi að síður.

[Jens Guð, 21.11.2011 kl. 01:02]

  G. Tómas,  það eru skekkjumörk í öllum dæmum.  Annars virkar dæmið ekki.

[geirmagnusson (IP-tala skráð) 21.11.2011 kl. 09:18]

?etta er stórmerkilegt. Annað dæmi er að taka tölu systikina þinna og bæta við einum.Þá færðu út barnafjölda foreldra þinna.

[ls (IP-tala skráð) 21.11.2011 kl. 11:28]

Það fer nú að teljast til undantekninga að þessi síðasta virki!

kv.

ls.

[Ásdís Sigurðardóttir, 21.11.2011 kl. 15:35]

[Jens Guð, 21.11.2011 kl. 21:13]

  Geir,  það er hægt í fjölskyldum þar sem þessi mál eru á hreinu.  Í sumum fjölskyldum er allt morandi í stjúpsystkinum,  fóstursystkynum,  hálfsystkinum,  kvartsystkinum...

[Jens Guð, 21.11.2011 kl. 21:14]

  Is,  ég vil meina það.

[Jens Guð, 21.11.2011 kl. 21:14]

  Ásdís,  takk fyrir innlitið.