Rokkstörnurnar styðja sjálfstæði Skota

  Fjöldi rokkstjarna utan Skotlands hefur lýst opinberlega yfir stuðningi við skosku Já-hreyfinguna.  Hún leiðir baráttuna fyrir því að Skotland segi sig formlega úr sambandríkinu Stóra-Bretlandi.  Mikið er í húfi.  Ekki síst fyrir afganginn af Stóra-Bretlandi.  Það verður heilmikið tjón fyrir íbúa þess að missa Skotland úr sambandsríkinu.  Að sama skapi er líklegt að sjálfstæði verði Skotum til framdráttar.

  Meðal rokksjarna sem opinberlega styðja Já-hreyfinguna má nefna Björk,  Johnny Marr (The Smiths),  Matt Bellamin (The Muse) og Billy Bragg.  Í þessum hópi eru líka skoskar stjörnur á borð við Edwin Collins,  Alex Kapranos (Franz Ferdinand),  Stuart Braithwaite (Mogwai) og liðsmenn Deacon Blue.  

  Paul McCartney styður hinsvegar Nei-hreyfinguna,  eins og fleiri af eldri kynslóðinni.  Til að mynda Mick Jagger,  David Gilmour (Pink Floyd),  Bryan Ferry,  Sting,  Cliff Richard og David Bowie.      

 

Skotar líta til Norðurlanda

Athugasemdir

[Ásthildur Cesil Þórðardóttir, 18.9.2014 kl. 23:21]

Ég vona að Skotar beri gæfu til að segja já við sjálfstæðí. Þeir eru bara flottir og geta svo vel verið sjálfstæðir. Ég var tvö ár í Glasgow og veit að skotar og íslendingar eru bara svo líkir, þeir eru ekkert líkit englendingum, hvorki í útliti né lund. Sumir segja litlir og ljótir, en hávaxnari eftir því sem norðar dregur. En þeir eru stoltir og einlægir. og ég hef notið gestrisni þeirra og velþóknun, svo ég óska þeim alls hins besta og vona að þeir velji að vera sjálfstæðir. Því meira sem ég hlusta á örvæntingu englendinga og smjaður þeirra því meira hugsa ég um hvað liggur að baki, er það ef til vill auðlindir sem þeir telja sig verða af, af því að ekki er það hrifning á skotum per se, því þeim finnst þeir vera miklu æðri skotum... þannig séð.

[Stefán (IP-tala skráð) 19.9.2014 kl. 08:26]

Ég hef oft verið í Englandi og Skotlandi og með fullri virðingu fyrir skotum, þá finnst mér englendingar almennt vera almennilegri og kurteisari.

[Ásthildur Cesil Þórðardóttir, 19.9.2014 kl. 10:00]

Þeir skotar eru framhleypnari. En þeir eru miklu opnari og betri heim að sækja en hinir afar kurteisu englendingar.

[Sigurður I B Guðmundsson, 19.9.2014 kl. 17:07]

Paul McCartney samdi og flutti hið frábæra lag Give Ireland back to the Irish. Þá ofbauð honum yfirgangur Breta á Írlandi. Núna finnst honum Bretar svo yndislegir við Skota að hann sá ekki ástæða að breyta textanum í Give Scotland back to the Socttish!!!

[Jens Guð, 19.9.2014 kl. 18:59]

Ásthildur Cesil, ég vonaðist líka til að Skotar veldu sjálfstæði.

[Jens Guð, 19.9.2014 kl. 19:02]

Stefán, ég kann vel við báðar þjóðirnar. Held samt að ég kunni best við mig í Edinborg.

[Jens Guð, 19.9.2014 kl. 19:06]

Sigurður I.B., takk fyrir þennan áhugaverða vinkil.

[Jósef Smári Ásmundsson, 20.9.2014 kl. 15:23]

Ásthildur. Þeir eru hávaxnari fyrir norðan vegna þess að það snjóar meira þar .

[Ásthildur Cesil Þórðardóttir, 20.9.2014 kl. 19:05]

Jósef aðlögun náttúrunnar hahaha