Frjósemi í Færeyjum

  Til að viðhalda íslensku þjóðinni þurfa hverjir tveir einstaklingar að eignast tvö börn að meðaltali.  Vandamálið er að Íslendingar eru hættir að fjölga sér að þessu marki.  Þjóðin viðheldur sér ekki.  Margir vita ekki einu sinni hvernig á að búa til börn.  Halda að storkurinn komi með þau alveg upp úr þurru. 

  Þessu er ólíkt farið í Færeyjum.  Þar veit fólk allt um þetta.  Til gagns og gaman eru Færeyingar frjósamasta þjóð í Evrópu.  Fyrir örfáum árum voru þeir 48 þúsund.  Svo urðu þeir 49 þúsund.  Í síðustu viku náðu þeir yfir 50 þúsund manna múrinn.  Þrátt fyrir að töluvert sé um það að Færeyingar í framhaldsnámi erlendis snúi ekki aftur heim.

  Frjósemin í Færeyjum er ekki bundin við mannfólkið.  Algengt er að færeyskar kindur séu þrílembur eða meir.  Þess eru meira að segja nýleg dæmi að kindur beri allt upp í sjö lömbum í einum rykk - án þess að blása úr nös.  Sem er gott. Færeyskt lambakjöt er svo bragðgott.  Ekkert kjöt í heimi bragðast eins vel sem skerpukjöt.

  

 

.

Athugasemdir

[Stefán (IP-tala skráð) 8.4.2017 kl. 22:16]

Það er mikill kostur að Færeyingar framleiða ekki Framsóknarmenn. Þess vegna er mannlífið líka fegurra og óspilttara í Færeyjum. Hér á landi er það hugsanlega einhver litningagalli sem veldur því að viss fóstur þroskast ekki eðlilega. Einkenni: Flóttalegir og spilltir lygarar sem sækjst í valdastöður hjá fyrrnefndum stjórnmálaflokki.

[Jens Guð, 9.4.2017 kl. 20:36]

Stefán, íslenski Framsóknarflokkurinn á reyndar systurflokk í Færeyjum,  Framsókn.  Munurinn er sá að færeyski Framsóknarflokkurinn er blessunarlega laus við spillingu.