Verðlag

  Á Aktu-Taktu í Garðabæ var seld samloka á 1599 kr.  Á milli brauðsneiðanna var smávegis kál,  lítil ostsneið og sósa.  Þetta var kallað vegan (án dýraafurða).  Osturinn var að vísu úr kúamjólk.  Í sósunni voru einhverjar dýraafurðir líka.  Sennilega eggjarauða og eitthvað svoleiðis.

  Vissulega var samlokan ekki upp á marga fiska.  Ég set stærra spurningamerki við það að einhver sé reiðubúinn til að borga 1599 kr. fyrir samloku.  Að vísu...já, Garðabæ.

  Til samanburðar:  Í Manchester á Englandi bjóða matvöruverslanir - nánast allar - upp á svokallað "3ja rétta tilboð" (3 meals deal).  Það samanstendur af samlokuhorni, langloku eða vefju að eigin vali (áleggið er ekki skorið við nögl - ólíkt íslenska stílnum) + drykk að eigin vali + snakkpoka að eigin vali (kartöfluflögur, popkorn eða eitthvað álíka).

  Þessi pakki kostar 3 pund sem jafngildir 429 ísl. kr.  Ég valdi mér oftast samlokuhorn með beikoni og eggjum (um það bil tvöfaldur skammtur á við íslenskt samlokuhorn), ásamt hálfum lítra af ávaxtaþykkni (smoothies) og bara eitthvað snakk.

  Á Íslandi kostar samlokuhorn um 600 kall.  Kvartlítri af smoothies kostar um 300 kall.  Þannig að hálfu lítri er á um 600 kall.  Ætli snakkpoki á Íslandi sé ekki á um 300 kall eða meir. 

  Þetta þýðir að íslenskur 3ja rétta pakki er að minnsta kosti þrisvar sinnum dýrari en pakkinn í Manchester. 

  Í Manchester selja veitingahús enskan morgunverð.  Að sjálfsögðu.  Hann samanstendur oftast af tveimur saugagest pylsum (veit ekki hvað þær heita á íslensku), tveimur vænum beikonsneiðum (hvor um sig rösklega tvöföld að stærð í samanburði við íslenskar. Og með aðeina örlítilli fiturönd), grilluðum tómat,  bökuðum baunum, ýmist einu eða tveimur spældum eggjum, tveimur hasskökum (hash browns = djúpsteiktri kartöflustöppu mótaðri í teygðum þríhyrning),  ristuðum brauðsneiðum með smjöri;  ýmist einum stórum pönnusteiktum sveppi eða mörgum litlum.

  Enski morgunverðurinn kostar frá 3,75 pundum (537 ísl. kr.).  Þetta er saðsöm máltíð.  Maður er pakksaddur fram eftir degi.  Nokkrir veitingastaðir á Íslandi selja enskan morgunverð - á 2000 kall. 

  4ra dósa kippa af 5% 440 ml dósum kostar 4 pund (572 ísl kr. = 143 kr.dósin).  Ódýrasta bjórdósin á Íslandi kostar 249 kall (Euroshopper 4,6%).  

 

 

 

Athugasemdir

[Stefán (IP-tala skráð) 10.1.2018 kl. 07:10]

Gráðugir íslendingar eru að reyna að setja heimsmet í okri á öllum sviðum, hvort sem það er á eldsneyti eða ómerkilegum ruslfæðistöðum. Það er erfitt fyrir flesta að sniðganga eldsneyti og það nýta olíufélögin sér, en það er hægt að sniðganga ruslfæðistaði.

[Jens Guð, 10.1.2018 kl. 12:47]

Stefán, Ísland er dýrast í heimi í dag. Allt frá hæsta bensínverði í heimi til hæsta matvælaverðs.

[Sigurður I B Guðmundsson, 10.1.2018 kl. 17:24]

Guð blessi Ísland!!!!

[Sigþór Hrafnsson (IP-tala skráð) 10.1.2018 kl. 18:25]

Ég held að guð hafi gleymt Íslandi þegar Dónald Trump settist í stólinn. Það þarf einhver að fylgjast með honum!!!

[Bjarni (IP-tala skráð) 10.1.2018 kl. 20:57]

Ég mynnist þess að hafa borgað sem samsvarar 500 kr. fyrir stóran bjór í verslun, ekki veitingasta, í Danmörk.

[Bjarni (IP-tala skráð) 10.1.2018 kl. 20:58]

Og já, 1500 kr. áá Kastrup.

[Stefán (IP-tala skráð) 10.1.2018 kl. 21:28]

Svona ruslveitingastaðir hár á landi sem selja eitthvað mauk í ódýrum brauðsneiðum virðast helst vera mannaðir útlensku afgeiðslu/þjónustufólki, sjálfsagt vegna þess að launin eru ekki boðleg íslendingum. Það eru gerðar mun minni kröfur hér en í nágrannalöndum okkar varðandi málakunnáttu starfsfólks í svona störfum. Fæst þetta fólk skilur eða talar íslensku og margir eru illa mæltir á ensku að auki. Í Danmörku t.d. fengi þetta fólk ekki vinnu fyrr en lágmarksdönskukunnáttu væri náð.

[Jens Guð, 11.1.2018 kl. 04:42]

Sigurður I B,   ekki veitir af!

[Jens Guð, 11.1.2018 kl. 04:44]

Sigþór,  Trump segir að geðlæknirinn sinn fylgist með sér.  Sá hafi aldrei kynnst geðheilbrigðari manni. 

[Jens Guð, 11.1.2018 kl. 04:47]

Bjarni,  það er nokkuð vel í lagt. 

[Jens Guð, 11.1.2018 kl. 04:50]

Stefán,  mér skilst að starfsmannavelta hjá Foodco - sem á Aktu Taktu og marga fleiri veitingastaði - sé hröð.  Alltaf ný andlit og nýliðar.  Ég veit ekki hvort að það hefur með launamál að gera eða vinnuálag.  Eða bæði. 

[Stefán (IP-tala skráð) 11.1.2018 kl. 18:32]

Á meðan ég verslaði stundum á Subway stöðum, þá varð ég var við hraða mannaveltu þar og margir voru ótalandi á íslensku og illa talandi á ensku að auki. 

[L. (IP-tala skráð) 12.1.2018 kl. 02:12]

Stjórnmálamaður er líklega eitt mesta öfugyrði á íslenskri tungu.

Að þingræði sé finnanlegt á íslandi er ein mesta blekking og lygi ...

Fleyið er stjórnlaust ...

Stýrimaður óskast, alþjóðleg réttindi óþörf. ..

[Jens Guð, 12.1.2018 kl. 16:25]

Stefán, ég hef ekki stigið fæti inn í Subway í mörg ár.  Þetta hljómar eins og stjórnunarstíllinn sé sá sami og hjá Foodco.

[Jens Guð, 12.1.2018 kl. 16:26]

L,  vel mælt!

[Þorsteinn Siglaugsson, 13.1.2018 kl. 00:10]

Ef maturinn er svona ómerkilegur er varla hægt að gera ráð fyrir að málakunnáttan sé skárri, hvað þá stjórnunarstíllinn. Vandinn á Íslandi er að hér er engin menning (jafnvel í samanburði við Manchester) og því er enginn metnaður.

[Jens Guð, 13.1.2018 kl. 16:59]

Þorsteinn, því miður er þetta rétt hjá þér.