Einfaldur skilnaður - ekkert vesen

  Hver kannast ekki við illvíga hjónaskilnaði?  Svo illvíga að hjónin ráða sér lögfræðinga sem fara með málið til skiptastjóra.  Matsmenn eru kallaðir til.  Þeir telja teskeiðar, diska og glös.  Tímakaupið er 30 þúsund kall.  Heildarkostnaðurinn við skilnaðinn er svo hár að allar eigur eru seldar á brunaútsölu til að hægt sé að borga reikningana.  Það sem eftir stendur er lítið eða ekkert handa hjónunum.   

  Miðaldra bóndi í Kambódíu valdi aðra leið er hjónabandið brast eftir tuttugu ár.  Hann sagaði húsið í tvennt.  Öðrum eigum skipti hann í fjóra hluta.  Þau eiga nefnilega tvo syni.  Þessu næst lét hann flytja sinn helming hússins heim til aldraðra foreldra sinna.  Þar klambraði hann hálfhýsinu utan á hús þeirra. 

  Konan býr með sonunum í sínu hálfhýsi þar sem stóð.

  Maðurinn átti frumkvæðið að skilnaðinum.  Hann sakar konuna um að hugsa ekki nógu vel um sig.  Hann hafi verið vanræktur eftir að hann fárveiktist andlega.  

 

 

Athugasemdir

[Sigurður I B Guðmundsson, 25.8.2019 kl. 11:44]

Það var eins gott að þau bjuggu ekki í blokk. En hvort fékk klósettið???

[Jens Guð, 25.8.2019 kl. 13:00]

Sigurður I B,  já,  það var heppni að þau bjuggu ekki í blokk!  Kallinn var sanngjarn í hvívetna.  Klósettið er í hálfhýsi konunnar.  Sjálfur hefur hann aðgang að klósetti foreldra sinna. 

[Stefán Guðmundsson (IP-tala skráð) 25.8.2019 kl. 16:42]

Nákvæmlega svona fer einmitt Tryggingastofnun með ellilífeyrisþega á Íslandi. Sker niður til helminga eða meira ellilífeyrisgreiðslur á móti lífeyrisgreiðslum. Þannig að félagsmálaráðherra er í raun eins og karlinn í sögunni.

[Jens Guð, 25.8.2019 kl. 17:35]

Stefán,  blessunarlega er ég ekki kominn á þann aldur að þurfa að eiga samskipti við Tryggingastofnun. 

[Sigurður I B Guðmundsson, 26.8.2019 kl. 09:00]

Var ekki hægt að gefa kallinum eina róandi!!!

[Jens Guð, 26.8.2019 kl. 19:09]

Sigurður I B,  sennilega hefði það verið best fyrir alla!