Frábær lögregla

  Í fyrradag missti tæplega fertugur maður vitið.  Óvænt.  Enginn aðdragandi.  Hann var bara allt í einu staddur á allt öðrum stað en raunveruleikanum.  Ég hringdi í héraðslækni.  Til mín komu tveir kvenlögregluþjónar sem hóuðu í sjúkrabíl.  

  Þetta fólk afgreiddi vandamálið á einstaklega lipran hátt.  Minnsta mál í heimi hefði verið að handjárna veika manninn og henda honum inn á geðdeild eða löggustöð.  Þess í stað var rætt við hann á ljúfu nótunum.  Að hluta til fallist á ranghugmyndir hans en um leið fengið hann til að fara á fætur og koma út í sjúkrabíl.  

  Þetta tók alveg 2 klukkutíma.  Skref fyrir skref:  Að standa á fætur,  að fara í skó og svo framvegis.

  Að lokum tókst að koma honum í sjúkrabílinn.  Hálftíma síðar hringdi önnur lögreglukonan í mig.  Vildi upplýsa mig um framhaldið frá því að maðurinn fór í sjúkrabílinn.  Sem var töluverð dagskrá sem náði alveg til dagsins í dag. 

  Þvílíkt frábær vinnubrögð.  Ég hafði ekki rænu á að taka niður nöfn.        

Athugasemdir

[Stefán (IP-tala skráð) 23.8.2021 kl. 09:22]

Góðir logregluþjónar geta gert kraftaverk við svona aðstæður, rétt eins og góðir prestar geta gert kraftaverk þegar fólk missir ástvini við erfiðar aðstæður. Þetta er sálgæslufólk sem er þjálfað til að takast á við erfiðar aðstæður og ekki má gleyma sjúkraflutningafólki og hjúkrunarfólki. Nöfn þessa fólks er yfirleitt ekki hægt að finna í tekjublöðum, ekki frekar en nöfn leikskólastarfsfólks sem er að ala upp börn þeirra sem nefnd eru í tekjublöðum. 

[Jens Guð, 23.8.2021 kl. 09:28]

Stefán,  vel mælt!

[Sigurður I B Guðmundsson, 23.8.2021 kl. 10:25]

Svo er það fólkið sem er alltaf að gagnrýna lögregluna og finnur henni allt til foráttu en ef eitthvað kemur upp hjá þessu sama fólki þá er lögreglan nógu góð að bjarga málum. 

[Jens Guð, 23.8.2021 kl. 10:40]

Sigurður I B,  svo satt hjá þér!

[Jóhann Elíasson, 23.8.2021 kl. 13:12]

Þú hefur verið heppinn að þessir lögreglumenn "fengu" þetta útkall og hafa afgreitt málið  svona vel, ekki er ólíklegt að þessar góðu konur hafi fengið orð í eyra fyrir þann tíma sem þetta tók.  En það er allt of lítið um að sagt sé frá því sem vel er gert og þú átt virkilegt hrós skilið Jens fyrir frásögnina.....

[Jens Guð, 23.8.2021 kl. 13:25]

Jóhann,  takk fyrir það.  

[Stefán (IP-tala skráð) 24.8.2021 kl. 18:28]

Það virðast reyndar margir vera að missa vitið hér þessa dagana, t.d. fólk sem gefur sig út fyrir að vera alviturt og öskrar á fólk og unglinga á leið í bólusetningar gegn Covid. Svo eru það ofbeldisfull og óþroskuð unglingagengi á vespum sem eru orðin meiri plága en lúsmý. Úr því að foreldrar þessara krakka hafa ekki getað alið þau upp á mannsæmandi hátt, þá verður að treysta á það að grunnskólar taki hart á svona málum. 

[Jens Guð, 25.8.2021 kl. 06:35]

Stefán (# 7),  þetta er ruslaralýður!

[Stefan (IP-tala skráð) 27.8.2021 kl. 19:13]

Styð algjorlega aðgerðir logreglunnar a Egilsstoðum, en hef jafnframt misst alla tru a KSI.