Jón Þorleifsson aðstoðaði Rannsóknarlögregluna

  Jón Þorleifsson,  verkamaður og rithöfundur,  var afar ósáttur við Gvend Jaka (Guðmundur J.  Guðmundsson).  Jakinn var alþingismaður og formaður verkalýðsfélagsins Dagsbrúnar.  Iðulega titlaður verkalýðsforingi.  Jón kallaði hann verkalýðsrekanda.

  Ég hef áður sagt frá samskiptum Jóns og Gvendar Jaka.  Hægt er að fletta því upp á hlekk hér fyrir neðan.

  Svo bar við eitt árið að skipafélagið Hafskip fór á hausinn.  Björgólfur Guðmundsson og fleiri sem þar réðu ferð voru dæmdir sakamenn í því uppgjöri.  

  Við rannsókn málsins uppgötvaðist að Hafskip og Eimskip höfðu sameiginlega lagt í sjúkrasjóð handa Gvendi Jaka.  Þetta var íslensk spilling.  Sárasaklaus.  Gvendur þurfti að leggjast inn á spítala í útlöndum.  Albert Guðmundsson,  alþingismaður og ráðherra,  hafði milligöngu um að smala í sjúkrasjóð handa honum.  Framlag skipafélaganna var greitt undir borði í beinhörðum peningum.  Albert stal hluta af upphæðinni.  Eða þannig.  Stakk nokkrum seðlabúntum í sinn vasa og hélt þeim þar fyrir sig.  Eins og gengur.

  Sem formaður Dagsbrúnar þurfti Gvendur að kljást við forráðamenn skipafélaganna í harðvítugri baráttu fyrir bættum kjörum verkamanna.  Gvendur var í einkennilegri stöðu er hann á sama tíma þáði peninga undir borði frá viðsemjendum sínum.

  Jón Þorleifs var ekki einn um að finnast þetta lykta af mútum.  Hann settist við skriftir.  Hann skráði niður á blað rökstuddar grunsemdir sínar um að Gvendur hefði óhreint mjöl í fleiri pokahornum.  Þetta var mikil greinargerð.  Það tók marga daga að klambra henni saman.  Síðan tók Jón af henni tvö ljósrit.  Hann fór með frumritið til Rannsóknarlögreglunnar - til að auðvelda henni að rannsaka þátt Gvendar Jaka í "mútumálinu".  

  Öðru ljósritinu hélt Jón til haga fyrir sig.  Hitt fór hann með heim til Gvendar Jaka.  Afhenti honum það með þeim orðum að hann væri að hjálpa lögreglunni að rannsaka glæpaferil hans.  Að sögn Jóns var Gvendi brugðið við tíðindin og fámáll,  sem aldrei áður.  

  Jón var ekki fyrr kominn heim til sín en hann mundi eftir fleiri grunsemdum sínum um óheiðarleika Gvendar Jaka.  Það var ekki um annað að ræða en setjast aftur við skriftir. Að nokkrum dögum liðnum var Jón kominn með viðbótargreinargerð,  álíka stóra og hina fyrri.  Hann hafði sama hátt á:  Lögreglan fékk frumritið.  Sjálfur hélt hann eftir ljósriti og fór með annað heim til Jakans.  

  Jón ljómaði af gleði sigurvegarans er hann sagði frá:  "Það leyndi sér ekki að Gvendur hefur gríðarmiklar áhyggjur af málinu.  Hann var eins og ósofinn og tuskulegur.  Ég get svo svarið það að hann er búinn að eldast um mörg ár á þessum fáu dögum er liðu á milli þess sem ég lét hann fá afritin."

    

 

 

 

 

 

 

 

 

 

  Fleiri sögur af Jóni hér 

   

  

  

Bestu lög Bítlanna

  Lög og plötur Bítlanna hafa í meira en hálfa öld trónað í efstu sætum á listum yfir bestu lög og bestu plötur poppsögunnar.  Þetta eru ekki alltaf nákvæmlega sömu lögin eða sömu plöturnar.  Það er svo merkilegt.  

  Breska poppblaðið NME snéri sér til margra helstu lagasmiði rokksins í leit að bestu lögum Bítlanna.  Til að mynda liðsmenn íslensk-ensku rokksveitarinnar Vaccines,  Arctik Monkeys,  Oasis,  Beach Boys,  The Who,  Muse,  Foo Fighters,  Smiths og allskonar.    Niðurstaðan varð þessi:

1.  Strawberry Fields Forever

  Höfundur:  John Lennon

2.  A Day In The Life

  Höfundar:  John Lennon (að mestu) og Paul McCartney (millikaflinn á mín 2:08 á eftir sólókaflanum)

3.  I Want To Hold Your Hand

  Höfundar:  John Lennon og Paul McCartney.  Eitt af mörgum lögum á fyrri hluta ferils Bítlanna þar sem John og Paul sömdu lögin saman nótu fyrir nótu.  

4.  Here Comes The Sun

  Höfundur:  George Harrison.  

5.  Blackbird

  Höfundur:  Paul McCartney

6.  Tomorrow Never Knows

  Höfundur:  John Lennon

7.  Across The Universe

  Höfundur:  John Lennon

8.  While My Guitar Gentle Weeps

  Höfundur:  George Harrison.  Það er góð og réttmæt niðurstaða að Harrison eigi tvö lög á listanum yfir 10 bestu lög Bítlanna - þrátt fyrir að hann hafi eigi afar fá lög á plöturm Bítlanna.  

9.  I Am The Walrus

  Höfundur:  John Lennon

10. Hey Jude

  Höfundur:  Paul McCartney

Mannanafnanefnd lýgur

  Íslenska mannanafnalöggan er aðhlátursefni víða um heim.  Ekki að ástæðulausu.  Þetta er enn ein ríkisrekna óþurftarnefndin.  Nú liggur blessunarlega fyrir frumvarp á Alþingi um að nafnalöggan verði lögð niður.  Nefndin hefur brugðist ókvæða við.  Hún mótmælir því harðlega að vera lögð niður.  Meginrökin eru ótti við að stelpu verði gefið nafnið Sigmundur.  Ofsafengin hræðslan við það er langsótt.  Nafnið Sigmundur nýtur ekki vinsælda. Fjarri því. Þetta er skammaryrði.

  Önnur rök snúa að hræðsluáróðri gegn ættarnöfnum.  Brýnt sé að slá skjaldborg um að börn séu kennd við nafn foreldris.  Um það segir Mannanafnanefnd:  "Þetta ævaforna germanska nafnakerfi hefur eingöngu varðveist hér á landi."

  Þetta er lygi.  Í Færeyjum eru börn iðulega kennd við föður sinn. Gott dæmi um það er færeyska álfadísin Eivör.  Hún er kennd við Pál föður sinn.  Hún heitir Eivör Pálsdóttir.  Önnur færeysk tónlistarkona þekkt hérlendis er Guðríð (helmingur dúettsins Byrtu.  Nafnið er framborðið Gúrí),  er Hansdóttir.      

Ósvífinn áróður

 

  Frá unglingsárum hef ég heyrt því haldið fram að ýsan sé hrææta.  Fyrir bragðið fúlsa margir við henni.  Það fer hrollur um fólk við að heyra orðið hrææta. Samt eru nánast allir Íslendingar hræætur.  Við lifum á hræjum.  Kjöt og fiskur sem við borðum er af dýrum sem fyrir löngu síðan voru drepin og eru hræ.

  Ýsan er ekki hrææta. 

  Misskilningurinn liggur í því að ýsan étur sand til að hreinsa meltingarveginn.  Í innyflum hennar er þess vegna svört leðja.  En hún étur ekki hræ.  Hún lifir á sprelllifandi botndýrum (rækjum,  krabba, slöngustjörnum,  skrápdýrum...).  Það munar öllu.  Þess vegna er hold ýsunnar skjannahvítt, þétt og bragðmikið hér á Norðurhöfum.  Einhver besti matur sem til er.  Ýsa var það heillin.    

  

Gróf vörusvik

 

  Fyrst skal tekið fram að ég veit sjálfur lítið sem ekkert um málið.  Þannig er að kunningi minn hafði samband við mig.  Hann var í mikilli geðshræringu og miður sín.  Eiginlega nánast í taugaáfalli og ekki í jafnvægi.  Langt frá því.

  Á barns- og unglingsárum fékk hann mikið dálæti á breskri hljómsveit,  Smokie.  Söngvarinn og aðal lagahöfundurinn,  Chris Norman, var í sérstöku uppáhaldi.  Margir fleiri kunnu vel við Smokie.  Hljómsveitin átti fjölda vinsælla laga á áttunda áratugnum.

  Svo týndist Smokie og var eins og tröllum gefin.  Féll í gleymskunnar dá.  Pönkið kom,  nýbylgjan,  rapp,  tölvupopp,  grugg,  nu-metal og allskonar

  Um liðna helgi tróð Smokie óvænt upp á hljómleikum í Reykjavík.  Að vísu með aðdraganda en óvænt að því leyti að hljótt hafði verið um hana svo lengi sem yngri menn muna.

  Kunningi minn sá sér leik á borði.  Nú var lag að endurupplifa bernskuna,  hella sér í nostalklígju og sjá og heyra goðið Chris Norman á sviði.

  Fljótlega runnu á vininn tvær grímur.  Hann hélt sig þekkja alla liðsmenn Smokie í útliti.  Svo og söngstíl Chris og músíkstíl hinna í hljómsveitinni.  En þetta var ekki alvöru Smokie.  Þetta var dæmigert krákuband (cover/tribute).  Enginn Chris Norman.  Ekki sólógítarleikarinn Alan Silson.  Ekki trommarinn Pete Spencer.  Kunninginn hafði keypt kött í sekknum. 

  Á sviðinu voru aðeins session menn og gamli Smokie bassaleikarinn.  Kunninginn sagði með grátstaf í kverkum:  "Þetta var eins og Bill Wyman kæmi með session lið og héldi hljómleika undir nafni The Rolling Stones!" 

  Wyman hefur reyndar haldið úti ágætri hljómsveit,  Rhythm Kings.  Sem samt vissulega er ekki The Rolling Stones.  En 1000 sinnum áheyrilegri en Smokie-leiðindin. 

Ekki sjóða fisk í vatni

 

  Í gamla daga var á allflestum íslenskum heimilum vinsæll hversdagsréttur sem kallaðist soðning.  Um var að ræða þverskorna ýsu eða þorsk með roði og beinum.  Með þessu voru snæddar soðnar kartöflur.  Til hátíðisbrigða var brætt smjör út á.  Krakkar fengu að auki tómatsósuslettu.  

  Bitarnir voru soðnir í vatni vel og lengi.  Í það minnsta tuttugu mínútur. Á yfirborði vatnsins myndaðist hvít froða.  Á þessum árum vissi fólk ekki að í froðunni voru næringarefnin úr fiskinum.  Þau voru soðin úr honum.  Mörg bráðholl prótein,  vítamín og önnur næringarefni eru í fiski.  

  Engu að síður var og er soðningin góður matur sem aldrei er hægt að fá leiða á.   

  Síðar lærði fólk að heppilegra er að snöggsjóða fisk.  Til að mynda með því að taka pottinn af eldavélahellunni í um leið og vatnið nær suðu.

  Besta aðferðin er að hita fisk í ólívuolíu.  Ekki aðeins til að næringarefnin haldist í fiskflakinu heldur skilar þetta bragðbesta og þéttasta holdinu.

  Fyrst skal salta roðlaus og beinlaus fiskiflökin þokkalega.  Leyfa þeim síðan að hvíla í algjörum friði í 5 mínútur og 12 sek.  

  Á meðan er um það bil 3 dl af besta fáanlega hvítvíni hitaðir í potti (undir loki til að lágmarka uppgufun).  Um leið og beðið er eftir að hvítvínið í pottinum nálgist suðu skulu 5 dl af köldu og fersku hvítvíni sötraðir af áfergju.

  Væntanlega gerist það um svipað leyti að fiskiflökin hafa hvílt í nægilegan tíma og næstum því er farið að sjóða á hvítvíninu.  3 dl af ólívuolíu er hellt út í og fiskflökin lögð ofan í blönduna. Þar fá þau að svamla í 6 mínútur og 52 sek.  Að þeim tíma liðnum er flökunum pakkað inn í álpappír til að olían og vínið fái að vinna í friði í 5 mínútur.  Eftir það bragðast fiskurinn betur en nokkurntíma áður.

  Upplagt er - ef einhver nennir - að laga sósujafning úr hvítvíns- og olíublöndunni.  Einnig má skvetta kæruleysislega smá af blöndunni yfir fisk og meðlæti eftir að það er komið á disk. 

  Soðnar kartöflur henta vel sem meðlæti,  ásamt smjörsteiktum lauk,  rúgbrauði og smjöri.  Mestu munar um að hafa nóg af kældu hvítvíni með til að skola kræsingunum niður.  Og ekki síður að hafa nóg af kældu hvítvíni það sem eftir lifir dags til að halda rækilega upp á góða veislumáltíð.

 

 

Woodstock og forvitnilegar launagreiðslur

  Haustið 1969 var haldin merkilegasta og frægasta tónlistarhátíð dægurlagasögunnar.  Hún fór fram dagana 15. til 17.  ágúst.  Hátíðin var og er kennd við Woodstock í útjaðri New York.  Upphaflega var hún skipulögð út frá áætlun sem gerði ráð fyrir 15 þúsund gestum.  Þegar nær dró virtist áhugi vera það mikill að gert var ráð fyrir allt að 25 þúsund manns.  Þegar á reyndi mætti næstum hálf milljón.  Nákvæmari tala mun vera 475 þúsund manns.

  Allt fór í klessu.  Allt fór úr skorðum.  Aðstaða annaði engan veginn þessu mannhafi.  Hvorki varðandi hreinlætismál,  mat og drykk né gistiaðstöðu.  Til viðbótar rigndi hátíðin niður í svaðið.  Jarðvegur varð eitt allsherjar leðjusvað.

  Þrátt fyrir ömurlegar aðstæður fór allt fram í mestu friðsæld.  Það komu ekki upp svo mikið sem deilumál á milli manna.  Þetta var út í eitt ást,  friður og tónlist.

  Woodstock-hátíðin hafði mikil áhrif á stöðu tónlistarfólksins sem þar kom fram.  Allir urðu stórstjörnur.  Sumir voru það áður.  Það er gaman og forvitnilegt að skoða launalista þeirra sem komu fram á Woodstock.  Hann er ekki að öllu leyti til samræmis við stöðu þessa sama fólks á markaðnum síðar.  En segir margt um stöðu þeirra á markaðnum haustið 1969.  

  Þessir tónlistarmenn fengu hæstu greiðslur:

1.  Jimi Hendrix  18.000 dollarar

  Slúðursagan segir Hendrix hafa verið svo dópaðan á Woodstock að hann hafi ekkert munað eftir þátttöku sinni þar.  Kannski ekki rétt en samt trúverðugt.

  2.  Blood,  Sweat & Tears  15.000 dollarar

  Bandarísk hljómsveit sem var - ásamt Chicago - brautriðjandi í djass-rokki á þessum árum.  

  3.  Joan Baez  10.000 dollarar

  Bandaríska vísnasöngonan Joan Baez var ofurvinsæl á sjöunda áratugnaum og fram þann áttunda.  Hún var fyrst dægurlagapoppara til að skreyta forsíðu frægasta fréttablaðs heims,  Time.  Fjöldi laga og platna með Joan Baez rataði ofarlega á vinsældalista.  Allt lágstemmd og ljúf tónlist.  

  Til gamans má geta þess að á sínum tíma kom Jóhanna frá Bægisá (eins og Nóbelsskáldið Laxness kallaði hana) Bob Dylan á framfæri í kjölfar þess að þau urðu kærustupar.  

  3.  Creedence Clearwater Revival  10.000 dollarar

  4.  The Band  7500 dollarar

  4.  Janis Joplin 7500 dollarar

  4.  Jefferson Airplane  7500 dollarar

  5.  Sly & Thwe Family Stone  7000 dollarar

  6.  Canned Heat  6500 dollarar

  7.  The Who 6250 dollarar

  8.  Rtchie Heavens 6000 dollarar

  9.  Arlo Guthrie  5000 dollarar

  9.  Grosby,  Stills,  Nash & Young  5000 dollarar

 10.  Ravi Shankar  4500 dollarar

 11.  Johnny Winter  3750 dollarar

 12.  Ten Years After  3250 dollarar

 13.  Country Joe & The Fish  2500 dollarar

 13.  Greatful Dead  2500 dollarar

 14.  Incredible String Band  2250 dollarar

 15.  Mountain 2000 dollarar

 15.  Tim Hardin  2000 dollarar

  Tíu til viðbótar fengu lægri greiðslur.  Þar á meðal Joe Cocker,  Melanie og Santana.       

Gerum út á íslenskar heimsstjörnur

Hvergi sér fyrir enda á íslenska mannanafnagríninu

  Mannanafnanefnd hefur mótmælt því harðlega að vera lögð niður.  Það er gott grín.  Eins og allt sem að mannanafnanefnd snýr.  Þessi nefnd hefur aldrei verið annað en til mikillar óþurftar,  kostnaðar og aðhláturs.  Ekki aðeins á Íslandi heldur víða um heim.

  Mannanafnanefnd óttast umfram annað að án síns nafnalögguhlutverks muni stúlku vera gefið nafnið Sigmundur.  Ég deili þeim áhyggjum - óháð því hvort að nafninu sé klínt á stúlku, dreng eða heimilishundinn.

  Inn á milli hefur nefndin verið flengd fram og til baka af Mannréttindadómstól Evrópu.  Og þykir það gott.  Skemmst er að minnast afgreiðslu á hinu mjög svo fallega kvenmannsnafni Blær.  Sem er einnig til sem fallegt karlmannsnafn.  Og nákvæmlega ekkert að því.  Nema síður sé.

  Nú hefur Þjóðskrá hótað að beita fjársektum foreldra sem í óþökk mannanafnanefndar kalla dóttir sína Alex:  547.500 kr. á ári (1500 kr. á dag),  takk fyrir.  Geggjunin er spaugileg.  En getur verið foreldrunum dýr. 

  Vonandi hefur innanríkisráðherra bein í nefinu til að bregðast sköruglega við og rassskella forpokaða embættismenn mannanafnanefndar og Þjóðskrár.  Og um leið að leggja hina fáránlegu og illilega óþurftar mannanafnanefnd niður.  

  Alex er fallegt nafn,  hvort sem er á strák eða stelpu.  Ein þekktasta sálarsöngkona Breta ber þetta nafn með reisn,  Alex Hepburn heitir hún.  Ég hef líka lúllað hjá breskri sjónvarpskonu sem heitir Alex.  Það var gaman.  Síðar póstsendi ég henni íslenskt Nóa konfekt.  Henni þótti það gott.   

 

Kolbrenglaður og villandi fréttaflutningur

 

  Hversu marktækur væri vinsældalisti sem byggði á útgáfu laga af plötum frá aðeins þremur handvöldum útgáfufyrirtækjum?  Hversu áreiðanlegur væri metsölulisti bóka ef hann mældi einungis sölu frá þremur handvöldum bókaútgefendum?  Ólíklegt er að nokkur alvöru fjölmiðill myndi taka þannig lista hátíðlega.  Hvað þá að leggja út af þeim í fréttaflutningi.

  Þannig er því samt varið varðandi útvarpshlustun.  Capacent mælir hlustun á útvarpsstöðvar þriggja fyrirtækja.  Þau eru Ríkisútvarpið,  365 og Síminn.  Fyrir helgi birtist í Morgunblaðrinu stór og ítarleg frétt eða fréttaskýring um útvarpshlustun.  Hún byggði alfarið á þessari meingölluðu mælingu Capacent - gagnrýnislaust.  Af textanum mátti ráða að íslenski útvarpsmarkaðurinn spanni einungis stöðvar fyrirtækjanna þriggja. 

  Inn í mælingu Capacent vantar á annan tug útvarpsstöðva.  Þar á meðal útvarpsstöð sem í marktækri könnun MMR mælist ein þriggja vinsælustu útvarpsstöðva landsins. Hér á ég vitaskuld við Útvarp Sögu.  Hlustun á Útvarp Sögu,  Bylgjuna og Rás 2 er langt yfir árangur annarra útvarpsstöðva.  Þess vegna er ósvífin fölsun að undanskilja Útvarp Sögu í umfjöllun um útvarpshlustun.  Og í raun gróf lygi að bera á borð að Rás 1 sé þriðja vinsælasta útvarpsstöðin.  Þó að margt sé þar ágætt á dagskrá þá eiga dagblöð ekki að ljúga.  Það er ljótt.    

 

   

Ekki tengdur og aðsóknin hrundi

Veitingahússumsögn

 

  

 

 

 

 

 

 

 

 

 

 

 

 

 

 

 

 

 

 

 

    -  Staður:  Dirty Burger and Ribs

  -  Staðsetning:  Austurstræti 8,  Reykjavík

  -  Réttur:  Kjúklingavængir  (8 stk.)

  -  Verð:  990 kr.  

  -  Einkunn:  *****

  Síðasta haust var opnaður veitingastaður á Miklubraut,  gegnt Kringlunni.  Hann heitir Dirty Burger and Ribs.  Á mínum átta ára ferli sem matarbloggari var og er þetta fyrsti veitingastaðurinn sem ég hef gefið hæstu einkunn,  5 stjörnur.  Reyktu BBQ svínarifin þar eru þvílíkt sælgæti.  Ég er allt að því háður þeim.  Fæ mér þau allt að því tvisvar í mánuði.  Áður en lengra er haldið tek ég fram að ég hef ekki myndað persónuleg tengsl við starfsfólk Durty Burger and Ribs.  Jákvæð afstaða mín til staðarins ræðst aðeins af matnum þar.  Viðhorf annarra er greinilega hið sama.  Það er stöðug og þung traffík á staðinn alla daga.  Oft þarf ég frá að hverfa vegna þess að biðröð er löng.

  Í gær var opnaður annar Dirty Burger and Ribs staður.  Hann er í Austurstræti 8.  Af því tilefni bættist við á matseðilinn kjúklingavængir.  Ég hef aldrei verið æstur í kjúklingavængi.  En ákvað að prófa.  Það var upplifun.  Lang lang bestu kjúklingavængir sem ég hef bragðað.  Ég óttast að verða háður þeim.  Að minnsta kosti langar mig strax í þá aftur.  Þeir eru löðrandi í framandi rosalega bragðgóðri sósu sem ég kann ekki deili á.  Fannst sem um eitthvert ostasósuafbrigði væri að ræða.  Ég ætla ekki að reyna að efnagreina hana frekar. Jafnframt fylgir fersk hvít ídýfusósa með.  Gott ef ekki með hvítlaukskeim.

  Eins og nafn staðarins ber með sér eru hamborgarar í boði auk svínarifja og kjúklingavængjanna.   Eigandi staðarins er heimsfrægasti matreiðslumaður Íslands,  Agnar Sverrisson.  Hann er búsettur í Englandi.  Hann er eini íslenski Michelin-verðlaunakokkurinn.  

  Dirty Burger and Ribs í Austurstræti er töluvert stærri staður en sá á Miklubraut.  Hann er opinn til klukkan 6 á morgnana.  Innréttingar eru einstaklega skemmtilegar.  Jafnvel þess virði að gera sér ferð til að skoða þær.  Staðurinn virðist vera mjög gamall.  Þarna má sjá orf og ljá uppi á vegg,  gamlar olíutunnur,  olíuluktir,  netadræsur,  dráttavélasæti,  kamínu og svo framvegis.

 

 

 

 

 

 

 

 

 

 

  Við hliðina á Dirty Burger and Ribs í Austurstræti er nýopnaður amerískur bar,  American bar.  Þessir staðir eru samhangandi.  Viðskiptavinir ganga á milli.  Ameríski barinn er ekki með neina grænlenska,  mexíkóska eða kanadíska bjóra heldur bandaríska.  Hann er alfarið bandarískur bar.  Sem hefur sárvantað eftir að bandaríski herinn yfirgaf Miðnesheiði snautlega um árið.  Mér til mikillar gleði hljómaði "Killing in the Name" með Rage Against the Machine í hljóðkerfi American Bars er ég steig þar fæti inn í gær.  Það er ávísun á fleiri heimsóknir þangað um leið og ég fæ mér kjúklingavængi á Dirty Burger and Ribs.  

 

  Fleiri veitingaumsagnir:  hér

          

Ljótir glæpamenn eru handteknir aftur og aftur

  Eitt einkennir glæpamenn umfram annað:  Þeir eru ljótir.  Svo ljótir að iðulega kemst upp um þá vegna þess.  Þeir nást vegna þess hvað þeir eru áberandi ljótir.  Það þarf ekki að fletta upp á mörgum síbrotamönnum til að sjá hvað þeir eru áberandi ljótir.

 Þetta hefur verið rannsakað til margra ára í Bandaríkjunum.  Niðurstaðan er öll á einn veg:  Glæpamenn eru ljótir.  Um það má lesa hér 

 Til þessa er einungis vitað af tveimur þokkalega vel útlítandi síbrotamönnum.  Annar er ungur drengur.  Hinn ung stúlka.  Ef þau láta sér ekki segjast er næsta víst að þau verði ljótunni að bráð.

  Hér eru myndir - valdar af handahófi - af nokkrum þekktum síbrotamönnum:

 

 

 

 

 

 

 

 

Þessi er í Flórida.  Gengur undir gælunafninu Dracula.

 

 

 

 

 

 

 

 

 

 

 

 

 

 

 

 

Daman er góðkunningi lögreglunnar í Flórída. 

 

 

 

 

 

 

 

 

 

 

 

 

 

 

 

Glæpagutti í Kaliforníu.

 

 

 

 

 

 

 

 

 Það vantar neðri hlutann á höfuð glæpadrengsins í Phoenix.

 

 

 

 

 

 

 

 

 

 

 

 

 

 

 

  Framan á þennan krimma vantar nef og varir.

 

 

 

 

 

 

 

 

Breskir glæpamenn eru lítið skárri en þeir bandarísku.

 

 

 

 

 

 

 

 

 

 

 

 

 

 Texas-glæpakvenndi.

 

 

„Sæta“ glæpastúlkan handtekin aftur

Fréttatíminn lýgur

 

  Veðurfræðingar eru ekki einir um að ljúga.  Ótrúlegt en satt.  Fjölmiðlar eiga það líka til að bregða fyrir sig ónákvæmni,  hálfsannleik og hreinum og tærum ósannindum.  

  Í Fréttatímanum í dag er skemmtilegur spurningaleikur á blaðsíðu 56.  Ein spurningin er:  "Hvaða bítill samdi lagið Yellow Submarine?"

  Á sömu síðu eru rétt svör gefin upp.  Svarið við þessari spurningu er sagt vera:  "Ringo Starr."

  Þetta eru rakin ósannindi frá rótum.  Ringo samdi ekki Yellow Submarine.  Höfundurinn er Paul McCartney - þó að lagið sé skráð á Lennon-McCartney.

 

  

Paul McCartney mætir á Hróarskelduhátíðina

Verra gæti það verið

  Oftast er hver dagur góð skemmtun.  Inn á milli koma samt dagar þar sem allt gengur á afturfótunum.  Þeir krydda tilveruna þegar upp er staðið.  En á meðan allt fer afsíðis sem getur farið afsíðis þá er plástur á sárið að hafa í huga að það gæti verið verra.  Til að mynda hefur það hent mann á fínum jeppa að taka U-beygju til að komast yfir á akrein úr gagnstæðri átt;  svo bara allt í einu situr rándýri jeppinn pikkfastur í steypu.

 

 

 

 

 

 

 

  Hvað með það að koma heim úr löngu sumarfríi seint að kvöldi og útidyralykillinn brotnar í læstingunni?

 

 

 

 

 

 

 

 

 

 

 

 

 

 

 

 

  Það er kúnst að aka um með málningu á holóttum vegi.  Þá er betra að gleyma ekki að setja lokið á málningafötuna.

 

 

 

 

 

 

 

 

 

 

  Það er aldrei fyndið að sjá fólk í vandræðum á biðstofunni á Slysó.  Eða næstum því aldrei.

Gríðarlegt úrval af töfralausnum

 

 

 

 

 

 

 

 

 

 

 

  Það hefur aldrei skort framboð af töfralausnum við öllum kvillum.  Það eru góðu fréttirnar.  Sumar lausnir eru meira að segja nánast ókeypis.  Í lok síðustu aldar læknaði svokallaður Kákasussveppur nánast öll mein.  Fólk gaf hvert öðru afleggjara af sveppnum.  Hann framleiddi drykk með þessum töfraeiginleikum.  Þegar best lét var sveppurinn ræktaður á öðru hverju heimili á landinu.

  Svo,  eins og hendi væri veifað,  hvarf sveppurinn úr öllum hýbýlum.  Þess í stað fékk fólk sér töfraarmband.  Það læknaði flesta kvilla.  Armbandið hafði það fram yfir sveppinn að vera fallegt.  Það var skart um leið og það kvað niður hausverk,  mígreni,  vöðvagigt og hvað sem fólki datt í hug.

  Slípaðir steinar fylla fólk orku.  Þess vegna eru þeir kallaðir orkusteinar.  Steinarnir eru geymdir í buxnavasanum.  Þeir hafa það umfram armbandið að vernda fólk að auki gegn illum öflum.  Jafnvel gluggapósti.  Upplagt er að hafa lukkustein í fleiri vösum.  Það fimmfaldar líkur á að vinna í bingói.  

  Löngum gafst vel að verjast kvefi með því að fara í ískalt bað að morgni.  Eftir bað var líkaminn þurrkaður vel og rækilega með tyrknesku handklæði.  Vitað er um eitt dæmi þess að einstaklingur kvefaðist þrátt fyrir þetta.  Síðar kom í ljós að hann hafði fyrir misskilning þurrkað sér með handklæði frá þeim hluta Kýpur sem heyrir ekki undir Tyrkland. 

  Um hríð fór Sálarrannsóknarfélagið með hundruð veikra Íslendinga til Filippseyja.  Þar skáru töfralæknar þá upp með berum höndum og fjarlægðu krabbamein,  veik líffæri og allskonar.  Draslið sem fjarlægt var reyndist við nánari skoðun eiga uppruna í svínum og kálfum.  Það er varasamt að vera með líffæri úr þessum skepnum.  

  Ekki má gleyma pendúlum og andaglasi við sjúkdómsgreiningu.  

  Hér má sjá árangursríka lausn við höfuðverk:

Kastljós „þvældi veiku fólki um bæinn“

Ringo segir Paul hafa látist í bílslysi 1966

 

  Í viðtali við Hollywood Inquirer segir trommuleikari Bítlanna,  Ringo Starr,  að bítillinn Paul McCartney hafi látist í bílslysi 1966.  Allir hafi fengið áfall og fyrstu viðbrögð verið að halda þessu leyndu.  

 

  Ringo nafngreinir mann sem hafði skömmu áður borið sigur úr bítum í keppni um tvífara Pauls.  Hann hafi reynst vera góður tónlistarmaður.  Upphaflega átti þetta að vera til bráðabirgða.  En gekk svo vel að það varð til frambúðar.  Eina vandamálið var að staðgenlinum samdi illa við John Lennon.

 

  Ringo er 74 ára og segist vilja ekki taka þetta leyndarmál með sér í gröfina.  Aðrir Bítlar,  John Lennon og George Harrison,  eru fallnir frá.  

 

  1967 urðu margir fjölmiðlar til að lýsa yfir grunsemdum um að Paul væri dáinn og staðgengill tekinn við hlutverki hans í Bítlunum.  Fyrir þessu voru færð mörg rök.   

 

  Paul hefur ekki viljað tjá sig um uppljóstrun Ringos.  Aðrir hafa tjáð sig og lýst yfir grunsemdum um að Ringó sé lagstur í áfengisþamb og rugl.  Enn aðrir telja þetta vera dæmi um sérkennilega kímnigáfu Ringos.

 

 http://in-1966.beforeitsnews.com/eu/2015/02/ringo-says-paul-died-in-1966-2579186.html

 

 

 

Viðhald festist við gifta konu

  Í sveitinni í Hjaltadal fóru tíkur stundum á flakk á milli bæja.  Þá voru þær á lóðaríi.  þegar hundar sinntu þeim festi tíkin þá í dágóða stund.  Þetta getur hent í samskiptum fólks líka.  Til að mynda í S-Afríku.  Þar kom harðgift hálf fertug kona sér upp viðhaldi,  tvítugum dreng.  Eiginmanninn á fimmtugsaldri grunaði þetta.  Til að komast að hinu sanna þá leitaði hann til töfralæknis.  Sá framkvæmdi þegar í stað svartagaldur og lagði á konuna.  Það var eins og við manninn mælt.  Viðhaldið festist við hana í ástarleik.  

  Þegar konan og friðillinn uppgötvuðu vandamálið hrópuðu þau á hjálp.  Sem betur fer voru allar dyr í húsinu ólæstar.  Verra var að fólkið sem kom fyrst að gat enga hjálp veitt.  Þess í stað hringdi það í vini og kunningja í nágrenninu og sagði tíðinda.  Á örskammri stundu var 2000 manna hópur mættur á svæðið til að fylgjast með vandræðum elskendanna.  

  Fólk flissaði, tók bakföll og ljósmyndir.  Þetta þótti góður farsi.  Lögreglu bar að.  Fólkið vildi halda áfram að fylgjast með.  Lögreglunni tókst seint og síðar meir með hjálp piparúða að fæla fólkið á brott. Að lokum voru turtildúfurnar fluttar á sjúkrahús.  Þar var konunni gefið vöðvaslakandi lyf til að losa um vöðvakrampann.  

  Myndin sýnir mannfjöldann streyma að áður en lögreglan skarst í leikinn.

   

Eivör breytir mannanafnalögum

  Í huga Íslendinga er færeyska álfadísin Eivör eiginlega íslensk.  Það er staðfest með því að hinar ýmsu akademíur hafa ítrekað verðlaunað og eða nefnt Eivöru og tónlist hennar til íslenskra verðlauna af margvíslegu tagi;  allt frá "Besta íslenska söngkonan" til "Besta íslenska leikverkstónlistin" Jafnframt hefur Eivör verið hluti af Íslensku dívunum.

 Í huga Íslendinga er Eivör líka færeyska drottningin.  Eða færeyska álfadrottningin.  

  Vinsældir Eivarar eru það miklar og langvarandi að nafn hennar er orðið íslenskt.  Mannanafnanefnd hefur nú formlega kveðið upp úrskurð þar um.  Ekki seinna vænna.  Íslenskir foreldrar vilja gefa dætrum sínum nafnið Eivör.

  Í aldir hefur einstaka íslensk kona borið nafnið Eyvör.  Það þýðir heill Vör!  Vör er vitur og spurul gyðja í ásatrú.

  Nafnið Eivör hefur aðra merkingu.  Það þýðir ávallt verndandi.  Í Færeyjum er nafnið borið fram sem Ævör.  Þannig höfum við einnig vanist því á Íslandi.

  

   

Snati kann og veit

 Venjulegur hundur með þokkalega rænu skilur um 70 orð.  Sumir fleiri orð og aðrir færri.  Eitt sinn átti ég hund sem var meinilla við að vera settur í bað.  Ef heimilisfólkið nefndi orðið bað hvarf hundurinn með það sama.  Faldi sig með hraði undir eða á bakvið húsgögn.  Það kostaði mikið at að ná honum. Hann varðist eins og ljón - samt án þess að bíta. 

 Eitt sinn var brugðið á það ráð að stafa orðið bað.  Hvutti hvarf á sama augnabliki.  Við prófuðum oftar að stafa orðið til að sannreyna skilning hundsins.  Alltaf með sömu útgáfu.

 Ég er fæddur og uppalinn í sveit;  í útjaðri Hóla í Hjaltadal.  Ætíð þegar minnst var á heimaslátrun þá þaut heimilishundurinn eins og píla til fjalla og sást ekki í tvo daga. Það var fastur liður.

 Í N-Karólínu Í Bandaríkjum Norður-Ameríku er hundur sem skilur á annað þúsund orð.  Sumt fólk þar um slóðir kann ekki einu sinni svo mörg orð.

 Til að sannreyna skilning Snata í N-Karólínu hefur hann verið látinn sækja 900 leikföng.  Nafn leikfangsins er nefnt og hann sækir það án vandkvæða.

Kári vill komast í strætó

Dani fangelsaður fyrir að berjast gegn ISIS

  Uppgangur glæpagengisins ISIS í M-Austurlöndum hefur margar hliðar.  Sumar snúnar.  Aðrar ennþá snúnari.  Burt séð frá því hvernig þetta allt byrjaði með innrás í Írak,  stuðningi við uppreisnaröfl í Sýrlandi og allskonar.

  47 ára Dana býður nú fangelsun fyrir þátttöku í hernaði í M-Austurlöndum. Hann heitir Alan Grétar.  Hann er af kúr-Dönskum ættum.  Hann er harðlínu lýðræðissinni og gat ekki hugsað sér að sitja aðgerðarlaus hjá í Danmörku og leyfa ISIS að valta yfir það litla lýðræði sem þó hefur örlað á í þessum heimshluta.  Svo ekki sé hlaupið yfir yfirgengilegt ofbeldi og fornaldarsjónarmið ISIS glæpagengisins.  

  Alan Grétar gekk til liðs við kúrdískar hersveitir sem berjast gegn ISIS.  Fyrir bragðið er hann skilgreindur sem viljugur þátttakandi í hernaði í M-Austurlöndum.  Og það þrátt fyrir að berjast við hið danskra hersveita með sama markmið.    

  Góðu fréttirnar eru þær að það er alveg þolanlegt að sitja af sér í dönskum fangelsum.  Alan Grétar mun sannreyna það.  

   

BBC nafngreinir böðulinn