Heilaþveginn bankaræningi

  Hvers vegna er búið að sleppa Magnúsi úr gæsluvarðhaldi en ekki Hreiðari Má?  Komið hefur fram að málflutningur þeirra stangist á í veigamiklum atriðum.  Má leiða getum að því að Magnúsi sé trúað.  En ekki Hreiðari Má.  Svo virðist sem Hreiðar Már hafi heilaþvegist.  Eftir að hafa heyrt daginn út og inn árum saman fólk tala um Hreiðar Má hefur undirmeðvitundin meðtekið það án þess að gera greinarmun á stóru M og litlu m:  Hreiðar má.  Hreiðar má þetta.  Hreiðar má hitt.  Hreiðar má ljúga.  Hreiðar má allt.

Mun sýna fullan samstarfsvilja

Athugasemdir

[Guðmundur Júlíusson, 14.5.2010 kl. 23:10]

Sæll Jens, er þessi mynd birt með leyfi "Dressmann"

[Jens Guð, 14.5.2010 kl. 23:30]

   Guðmundur, nei. 

[Guðmundur Júlíusson (IP-tala skráð) 14.5.2010 kl. 23:41]

Enda skiptir það engu máli, gott hjá þér, og bráðfyndið og vel við hæfi :)

[Bergur (IP-tala skráð) 14.5.2010 kl. 23:51]

Hann lærði af mömmu sinni. Jesúkellingunni sem fór heim með vinnuna að hluta þegar hún var gjaldjeri hjá Seglagerðinni. ú kelling seldi svo Kaupþingi faxtæki á 100 milljónir fyrir 3-4 árum, flott mæðgin.

[Jens Guð, 14.5.2010 kl. 23:54]

   Guðmundur, það er ekki annað hægt en gera smá grín að þessu.

[Jens Guð, 14.5.2010 kl. 23:58]

   Bergur, sjaldan fellur eggið langt frá hænunni.  Á milli Jesú-lofsöngva rændi hún 40 millum frá frá Seglagerðinni Max (eða hvað hún heitir).  Og rekur núna Jesú-gistiheimili á Steykkishólmi. 

[Jens Guð, 15.5.2010 kl. 00:19]

  Stykkishólmi,  á það að vera.

[Þórarinn Baldursson, 15.5.2010 kl. 00:30]

Ætli hún hafi ekki haft umboð fyrir pappírstætara?

[Sigurður Haraldsson, 15.5.2010 kl. 00:32]

Djöfulssýns drullusokkar allir með tölu þeir skulu ekki sleppa við sjáum til þess!

[Sigurður Haraldsson, 15.5.2010 kl. 00:35]

Þórarinn við stöndum vaktina það er okkar krafa að þessir einstaklinar sem komu að þjófnaði bankana skulu sæta ábyrgð!

[Jens Guð, 15.5.2010 kl. 00:40]

  Þórarinn,  hún seldi Kaupþingi faxtæki og pappírstætara fyrir milljón.

[Jens Guð, 15.5.2010 kl. 00:43]

   Sigurður, það virðist vera að draga til tíðinda.  Svo er það spurning með nafna þinn Einarsson.  Hann virðist geta sett skilyrði umfram Lalla Johns:  Engin handjárn,  frír og frjáls eftir yfirheyrslur og svo framvegis.

[Sigurður Haraldsson, 15.5.2010 kl. 00:49]

Jens ef þessir glæpamenn eiga að sleppa eða fá sérstaka meðhöndlun hjá sérstökum saksóknara þá er mér/okkur að mæta

[Jens Guð, 15.5.2010 kl. 01:07]

  Sigurður,  bankaræningjarnir eiga hauka í horni.  Til að mynda Jón Steinar Gunnlaugsson & félaga. 

[Gunnar Th. Gunnarsson, 15.5.2010 kl. 01:27]

Þap er eðlileg skýring á gæsluvarðhaldinu. Hreiðar Már var settur í 12 daga varðhald en Magnús í 7.

[Helga Kristjánsdóttir, 15.5.2010 kl. 03:23]

Nú komstu mér til að hlægja drengur,það lengir lífið að sögn,fyrir bragðið verð ég kanski 90+  Því ég fiktaði með bíllykli mínum við læsingu bíls,sem ég taldi að væri minn í dag,hann var næstum alveg eins. Þegar ég uppgötvaði mistökin leit ég flóttalega í kring,laumaðist upp í minn, skammaðist mín? Nei hló, af ánægju út að eyrum, því ég skemmdi ekkert. 

[Flosi Kristjánsson, 15.5.2010 kl. 11:35]

Flokksgleraugun á lofti, eða hvað: "Til að mynda Jón Steinar Gunnlaugsson & félaga." Téður júristi situr í Hæstarétti og tekur ekki að sér málflutning fyrir nokkurn mann á meðan, hvorki til sóknar né varnar. Það munu hins vegar gera þeir Sigurður G. Guðjónsson og Gestur Jónsson, svo nokkrir frægir ekki-sjálfstæðismenn séu nefndir til sögunnar

[Hannes, 15.5.2010 kl. 13:51]

Það er ótrúlegt að ekki sé búið að að stinga einhverjum inn fyrir löngu en það er skiljanlegt miðað við að þetta er bananalýðveldi alveg eins og fátæk afríkuríki sem ganga út á að ræna öllu af allmenningi.

[Gjagg (IP-tala skráð) 15.5.2010 kl. 15:53]

Já Helga...thú ert ad verda heilabilud.  Rétt eins og ég...thegar ég var ad versla í dag thá laumadi ég hvítlauk og lauk í innkaupavagn saklauss einstaklings sem var í sömu erindagjördum og ég og sá stód mig ad verki.  Ég hafdi farid vagnavillt.

[Finnur Bárðarson, 15.5.2010 kl. 17:10]

Flosi að tala um flokksgleraugu :):):)

[Jens Guð, 15.5.2010 kl. 23:10]

  Gunnar Th.,  var það ekki þannig að fyrst voru mennirnir kallaðir í yfirheyrslu?  Þegar í ljós kom að þeim bar engan veginn saman var óskað eftir gæsluvarðhaldi?  Vegna framburðar þeirra í yfirheyrslunum þótti ástæða til að Hreiðari Má væri haldið lengur í gæsluvarðhaldi.  Var þetta ekki einhvernveginn svona?

[Jens Guð, 15.5.2010 kl. 23:24]

  Helga,  ég er þaulvanur svona ruglingi.  Eitt sinn í frosthörku hamaðist ég við að reyna að opna bíl sem var eins og minn bíll á litinn.  Ég skildi ekkert í því að lykillinn gekk ekki inn í skrána.  Ég úðaði íseyði inn í skrána,  hitaði skrána líka með kveikjara,  reyndi að þvinga rúðuna niður til að koma vír inn og "húkka" læsinguna af...  Eftir 20 mín. puð rak ég augu í dót sem ég kannaðist ekki við inni í bílnum.  Þá leit ég í kringum mig og kom auga á minn bíl.

  Í annað skipti var ég farþegi í bíl hjá konu sem vann með mér.  Ég þurfti að skjótast inn í hús.  Er ég kom út aftur settist ég inn í vitlausan bíl.  Ég tók ekki eftir að þar sat allt önnur manneskja undir stýri heldur sagði ég:  "Drífum okkur,  ég er að verða seinn..."  Þegar manneskjan brunaði ekki af stað leit ég loks á hana og uppgötvaði mistökin.  Þarna sat gömul,  lítil kona í sjokki af hræðslu við þennan ókunnuga beljaka.

  Í enn eitt skipti var ég gangandi á leið til fundar við kunningja minn.  Þá við gatnamót flautaði frændi minn á mig.  Einhvernveginn sló hlutum saman í hausnum á mér og ég ákvað strax að þetta væri kunninginn sem ég var á leið til.  Ég snaraðist inn í bílinn og sagði:  "Ég var einmitt á leið til þín."  Frændi hváði og ég endurtók setninguna.  Eftir smá stund áttaði ég mig á misskilningnum og varð hálf ringlaður.

  Þannig mætti áfram telja. 

[Jens Guð, 15.5.2010 kl. 23:29]

  Flosi,  ég var ekki búinn að fatta að lögmenn væru skilgreindir sem ekki-sjálfstæðismenn og sjálfstæðismenn.  Þetta er afar merkilegt. 

  Það er líka merkilegt að hæstaréttardómari sé hvorki sækjandi né verjandi.  Dómari sem berst á hæl og hnakka gegn því að tilteknir menn séu ekki færðir í gæsluvarðhald.  Þetta er allt merkilegt.  Þú líka.

[Gunnar Th. Gunnarsson, 16.5.2010 kl. 00:05]

Jens, ég held að það hafi verið gefið út strax í upphafi, lengd gæsluvarðhaldsins yfir þeim.

[Helga Kristjánsdóttir, 16.5.2010 kl. 01:17]

  Hæ! Strákar,já dettur oft í hug heilabilun því ég átti mann með þann sjúkdóm í mörg ár. En ég tek brockolytöflur.  Skrítið að þessar uppákomur skulu koma manni í þvílikt hláturskast,nú verð ég 100+,skyldi þjóðfélagið standa undir því. Þegar maður er kominn í þennan gír rifjast allt upp,feikna fjör í fjölskylduboðum.

[Jens Guð, 17.5.2010 kl. 03:58]

  Hannes,  eru menn ekki bara að vanda sig?  Reyndar er álit sumra að bandaríska aðferðin sé betri:  Að stinga skúrkunum strax inn,  kyrrsetja eignir og rannsaka málin síðan í rólegheitum.

[Jens Guð, 17.5.2010 kl. 03:59]

  Gjagg,  ég lendi einnig oft í þessu:  Að setja allskonar dót í innkaupakörfur hjá öðrum.  Munurinn er sá að ég geri það viljandi.

[Jens Guð, 17.5.2010 kl. 04:01]

  Finnur,  þetta er alveg furðulegt með gosann hann Flosa.

[Jens Guð, 17.5.2010 kl. 11:28]

  Gunnar Th.,  ég fletti upp á gömlum fréttum um Hreiðar Már og Magnús.  Af þeim fréttum skilst mér að Hreiðar hafi verið kvaddur í skýrslutöku og handtekinn í kjölfar þess.  Magnús hafi hinsvegar verið handtekinn áður en hann var yfirheyrður.  Ég veit ekki hvers vegna þessum mönnum er mismunað.  Það er ójafnaðarmennska.

[Jens Guð, 17.5.2010 kl. 11:29]

  Helga,  það er lang besta fjörið þegar allt fer á flug í fjölskylduboðum.