Ósvífið svindl

  Ég átti erindi til Hafnarfjarðar í dag.  Í nágrenni við Fjarðarkaup rak ég augu í skilti með merkingunni "Ódýrt bensín".  Bensínið sem ég hef keypt undanfarin ár hefur verið okurdýrt.  Ég hugsaði mér gott til glóðarinnar.  Ég hef ekki rekist á ódýrt bensín í áraraðir.  En nú var lag.  Þannig að ég brá við skjótt og fyllti á bílinn þetta sem var auglýst ódýrt bensín.  Þegar á reyndi kom í ljós að hið svokallaða "ódýrt bensín" kostaði um 230 kall lítrinn. 

  Er það ódýrt bensín?  Í minni brengluðu verðvitund er það dýrt bensín.  Rándýrt.  Er þetta Hafnarfjarðarbrandari?

Álagið hið lægsta frá hruni

Athugasemdir

[Magnús Sigurðsson, 13.4.2011 kl. 23:36]

Það er svo langt síðan ég hef komið í Hafnarfjörðin að ég veit ekki hvernig brandararnir eru hjá þeim núna. 

En eitt veit ég þú stórgræddir á því að fylla á bílinn.  Ég hef tekið eftir því í áraraðir að maður græðir í hvert skipti sem maður dælir á bílinn.  Því það eru sáralitlar líkur á að bensínið verði á sama verði lengi og yfirgnæfandi líkur á að það hækki.

[Ómar Ingi, 14.4.2011 kl. 00:06]

[Jón Steinar Ragnarsson, 14.4.2011 kl. 01:59]

Varaðu þig líka á auglýsingum sem kynna -3kr. afslátt.  Mínus afsláttur er nefnilega plús.

[Jóhanna Magnúsdóttir, 14.4.2011 kl. 07:57]

Góður Jens!

[Ásthildur Cesil Þórðardóttir, 14.4.2011 kl. 10:26]

Ég vona að menn fari af alvöru að skoða aðra möguleika en benzín og olíur.

[Jens Guð, 14.4.2011 kl. 10:59]

  Magnús,  þetta er hárrétt hjá þér.  Ég sé það í hendi mér.  Best er að hefja hvern vinnudag með því að fylla á tankinn.  Það eru miklar líkur á að bensínverðið hækki síðar um daginn.

[Jens Guð, 14.4.2011 kl. 11:00]

  Ómar Ingi,  takk fyrir innlitið.

[Jens Guð, 14.4.2011 kl. 11:00]

  Jón Steinar,  góður punktur hjá þér.

[Jens Guð, 14.4.2011 kl. 11:01]

  Jóhanna,  takk fyrir það.

[Jens Guð, 14.4.2011 kl. 11:05]

  Ásthildur Cesil,  ég fatta ekki rólegheitin í yfirvöldum eða öðrum sem þetta heyrir undir.  Það er sífellt verið að tala um rafmagnsbíla,  metan bíla og svo framvegis.  En fátt gerist.  Íslenskur kunningi minn í Bandaríkjunum,  sem rekur fyrirtæki með bílaflota,  knýr bílana áfram með notaðri olíu sem hann fær ókeypis hjá veitingastöðum.

[doctore (IP-tala skráð) 14.4.2011 kl. 11:16]

Þú ert að misskilja þetta, þetta á að vera "Ó dýrt bensín", like "Æi dýrt bensín".

;)

[Sigurður I B Guðmundsson, 14.4.2011 kl. 11:29]

Ég tek alltaf bensín fyrir 1000 kall. Þá skiptir engu máli hvað þeir hækka bensínið, þeir fá aldrei nema 1000 kall frá mér!

Einn Hafnarfjarðarbrandari. Af hverju er Sorpa í Hafnarfirði lokuð um áramót?  Svar: Vegna vörutalningar!!

[Jens Guð, 14.4.2011 kl. 15:50]

   DoctorE, góður!

[Jens Guð, 14.4.2011 kl. 15:54]

Sigurður I.B., þetta er gott ráð. Ég ætla að herma eftir þér með þetta.

Og takk fyrir Hafnarfjarðarbrandarann.

[Óskar Þorkelsson, 14.4.2011 kl. 17:27]

230 kall ?? hlandódýrt hér kostar bensínið yfir 300 kall..

[Jens Guð, 14.4.2011 kl. 22:22]

  Óskar,  eru launin hærri í Noregi?