Tillögur óskast. Tökum höndum saman. Styðjum Færeyinga!

  Félagar færeyska gítarleikarans Rasmusar heitins Rasmussens í hljómsveitinni Makrel og færeyska rokksenan hafa hrundið af stað söfnun fyrir því sem á ensku kallast Fountain House.  Það er stofnun í nafni Rasmusar þar sem fólk með andlega erfiðleika verður aðstoðað við að taka þátt í þjóðfélaginu:  Með endurmenntun og stuðningi við að vera þátttakendur í atvinnulífinu.

  Það kostar um 50 milljónir íslenskra króna að koma þessu á koppinn.  Við Íslendingar verðum að leggja þessu lið.  Ég óska eftir tillögum um það á hvern hátt við getum lagt okkar lóð á vogarskálar.  Kannski með því halda styrktarhljómleika?  Kannski með einhverju átaki þar sem áheitum er safnað?  Kannski með því að setja upp hljómleikaferð með íslenskri hljómsveit,  færeyskri hljómsveit og danskri hljómsveit í nafn málstaðarins og þær túri saman um þessi þrjú lönd?  Kannski með málverkauppboði? Komið með fleiri hugmyndir.

  Í dag ræddi ég við Margréti Marteinsdóttur dagskrárstjóra rásar 2.  Hún er áhugasöm um að rás 2 taki þátt í átaki af þessu tagi.  Án þess að ég hafi rætt við ráðamenn á öðrum útvarpsstöðvum þá er ég viss um að átakið verði stutt af X-inu,  Útvarpi Sögu og fleiri útvarpsstöðvum.  Kannski eru sjónvarpsstöðvar jákvæðar fyrir stuðningi?  Líka dagblöð og vikurit. 

  Fyrsta skrefið er að fá hugmyndir.  Næsta skref er að hrinda hugmynd í framkvæmd.  Þetta er ákall til ykkar um að leggja hausinn í bleyti og koma með tillögur.

  Frá kertafleytingu á Reykjavíkurtjörn til minningar um Rasmus.

Athugasemdir

[Ásdís Sigurðardóttir, 20.10.2012 kl. 11:46]

Ég held að styrktartónleikar væru eitt af því sem ætti að koma á koppinn til að safna fé, svo er spurning hvort hægt er að gefa út disk með blandaðri tónlist frá þessum þremur löndum og diskurinn yrði svo seldur í gegnum einhver samtök sem tækju ekkert fyrir vinnuna.

[josef asmundsson (IP-tala skráð) 22.10.2012 kl. 19:58]

Kristján.Ég hef aðeins spáð í þetta.Fékk dálítið léttgeggjaða hugmynd að hafa samband við Skota einn sem hefur komið nokkrum sinnum til Íslands.En hvert á ég að vísa honum ef kemur eitthvað út úr því.Mátt hafa samband við mig.Sérðu ekki netfangið?

[Jens Guð, 22.10.2012 kl. 20:14]

  Ásdís,  takk fyrir þínar tillögur.  Ég er strax byrjaður að skoða þetta með diskinn. 

[Jens Guð, 22.10.2012 kl. 20:15]

  Jósef,  ég sendi til þín tölvupóst.