Einfaldasta og hraðvirkasta aðferð við að skræla kartöflur

 

  Íslendingar borða kartöflur á hverjum degi.  Hverjum einasta degi.  Ekki einu sinni heldur að minnsta kosti tvisvar á hverjum degi.  Jafnvel oftar þegar best lætur.  Samt er það svo einkennilegt að fæstir kunna einföldustu og hraðvirkustu aðferðina við að skræla kartöflurnar.  Fólk hangir í þeirri seinlegu og klaufalegu aðferð að dunda sér við að skræla heitar kartöflurnar með hníf.  Mörg handtök fara í að skræla hverja kartöflu með þeirri aðferð. 

  Aðrir setja kartöflurnar hráar í skrælivél.  Þar þeytast kartöflurnar um í langan tíma undir ægilegum hávaða frá vélinni.  Að því loknu eru kartöflurnar soðnar án hýðis.  Þær verða vatnskenndar, bragðlausar og næringarlausar.  Verra er að langur tími fer í að þrífa skrælivélina eftir hverja notkun. I raun fer meiri tími í þrifin heldur en að skræla soðnar kartöflur með gamla tímafreka laginu. 

  Einfalda og hraðvirka aðferðin er þessi:  Nýsoðin kartafla er sett í ískalt vatn og höfð þar í 5 sek.  Við það losnar skrælið.  Það þarf aðeins að kippa því laflausu af með einu handtaki.  Auðveldast er að vinda það af kartöflunni.

Athugasemdir

[hallgerður pétursdóttir (IP-tala skráð) 24.5.2013 kl. 22:34]

  en allar frábæru hugmyndirnar sem maður fær við þessa einkennilegu iðju . heyrið um kvenn kvikmyndastjóra sem var svo voguð að taka mynd af konu og hugsunum hennar skrallandi fyrir stóran hóp. og það svín virkaði

[Jens Guð, 25.5.2013 kl. 02:39]

  Það hlýtur að vera hægt að nýta tíma betur en að skræla kartöflur.  Hvað með að hekla og prjóna?

[Siggi Lee Lewis, 25.5.2013 kl. 05:04]

Þetta er snilldar aðferð, en ég er með fljótlegri.

Einfaldlega sjóddu kartöfluna og borðaðu hana.

[Ásthildur Cesil Þórðardóttir, 25.5.2013 kl. 10:29]

Ég skræli aldrei kartöflurnar Jens, ég ét þær með hýðinu og öllu saman, hýðið er nefnilega með öll mestu snefilefnin og næringuna í kartöfluni eftir suðu.  En ég ætla að hafa þetta í huga svona ef maður þarf að skræla

[Elle_, 25.5.2013 kl. 14:00]

Kartöflur með hýðinu eru betri að mínum dómi, líka í brúnaðar kartöflur og kartöflumús, nema hýðið sé óvanalega ógeðslegt, og örugglega hollari.  Samt snilldarlegt, ef maður verður.

[Jens Guð, 25.5.2013 kl. 14:27]

  Ziggy,  það er besta mál að borða hýði á nýjum kartöflum. 

[Jens Guð, 25.5.2013 kl. 14:28]

  Ásthildur Cesil,  takk fyrir þessar upplýsingar. 

[Jens Guð, 25.5.2013 kl. 14:30]

  Elle_,  greinilega borða margir kartöflur með hýðinu.  Af því að ég hef ekki vanist því þá hélt ég að enginn gerði það. 

[Guðni Karl Harðarson, 25.5.2013 kl. 14:49]

Getur þú verið með sýnikennslu í Júní um þetta?  þú veist hvar...... Og tekið þessar með þér....

[Elle_, 25.5.2013 kl. 17:00]

Ekki fá þér þessar ógeðslegu kartöflur, Guðni =/

[Jens Guð, 25.5.2013 kl. 17:25]

  Guðni,  það er minnsta málið.  Ég skal meira að segja sýna ykkur líka hvernig best er að snæða kartöflurnar.

[Jens Guð, 25.5.2013 kl. 17:25]

  Elle_,  hvað er ógeðslegt við svona kartöflur?

[Elle_, 25.5.2013 kl. 17:31]

Æ, ég veit það ekki.  Var bara að grínast við Guðna.

[Guðni Karl Harðarson, 25.5.2013 kl. 18:16]

Kannski það að þær eru ekki Rauðar?

[hallgerður pétursdóttir (IP-tala skráð) 25.5.2013 kl. 20:28]

  kræsturinn hvað þú ert að skilja þetta, býrðu einn?...ekki? lærðu þá að skræla og húxa...

[Jens Guð, 25.5.2013 kl. 21:34]

  Elle_ (#13),  þú ert stríðin.

[Jens Guð, 25.5.2013 kl. 21:35]

  Guðni (#14),  góður!

[Jens Guð, 25.5.2013 kl. 21:45]

 Hallerður,  ég bý einn og elda ekki.  Samt var ég góður kokkur og kann trixin.  Mér er ljúft og skylt að deila þeim á þessum bloggvettvangi.   

[Elle_, 25.5.2013 kl. 22:09]

Guðni, meinarðu svona kommúnista-kartöflur? =/  Jens, kannski.

[Guðni Karl Harðarson, 26.5.2013 kl. 00:48]

Ég veit ekki hvernig kommúnistakartöflur líta út Elle ?? ég er algjör græningi í þessu.

[Jens Guð, 26.5.2013 kl. 21:28]

  Elle_,  eru það ekki kartöflur ræktaðar í Norður-Kóreu? 

[Jens Guð, 26.5.2013 kl. 21:29]

  Guðni,  ég er líka græningi.

[Guðni Karl Harðarson, 27.5.2013 kl. 20:01]

(21) Nei það má ekki missa þær þá springa þær.

Svo ekki held ég að þær séu þaðan, allavega.